Kolkata, Phiapi 27 (KMCF): Khazohpa chhithana vata West Bengal (Paschim Banga) Khihpi Kolkata liata Marasaw y peinawzy ta Advent Christmas Service 2011 cha pala kawpa nata lyy kawpa ta Pupa L. Beimopha, IRS, Kolkata MCF advisor O liata Pahanoh, 27th November khata ama hmah.
 |
| MCF Kolkata sahlao Advent Christmas 2011 a hmah theipazy group nothlahpa |
He daihti he St. FC Laban, Secretary, MCF Kolkata ta lôtla chhi kawpa ta chhitha ta, daihti pathao n'awpa ta Pihno Unisa, Matron, Kolkata MCF ta Abeipa bie reina ta thlahchhana a hnei. Cha khai tawhta biereihtuhpa Macha Laima Chozah, Senior Advisor ta Khazohpa Biereina chyu sia kawpa a hnei.
 |
| Pihno Unisa, Matron, Kolkata MCF, daihti pathaonopa |
 |
| Macha Laima Chozah, IAS, MCF Kolkata Senior Advisor, Abeipa Bie a reinopa |
He service chata Biepipa hmapa cha, “A moh cha Ryraotuhpa” tahpa a cha. He biepi a tlychakapa ta Biereihtuhpa Mc. Laima Chozah ta biereina pachhopa hneita, “Zisu ta moh hlupi hneita, eima rah nata keimo mo pakha no chachô a tao pathi nawpata la eima hro nata eima rah liata Khazohpa ryhraona eima py thai awpa hena peimaw, Khazopa ta a saw chapaw thisai palo awpata, na nata kei chata ry a rao hla pa he, keimo mara thyutliazy ta a saipa ta pacha sa thei rima pa cha mapi. Khazopa ryraona lia ta eima sie thai khiatala, Zisu a vyna chha hlao a patlô sa tu pana eima cha” tapa bie pha kawpa thyutlia peinawzy chata pahaona pha kawpa a reih.
 |
| St. VT Lawmsanga ta key 2 pakao ta hla a sa nopa |
 |
| Group leader nazy ataopasua nopa |
 |
| Macha K. Davies nata Ls Bethlehem ta Bible quiz ama pa hnei sa |
Item hlupi pachhuapanopa chata, thapha ngaitapa ta he programme pachhapa a cha tawta zapati pahah kawpa nie pahmaona hneipapa a cha.
 |
| Item chi hluhpi liata sakha nothlahpa |
Gift exchange chhao tha pha kawpa ta hneipa a cha.
 |
| Ls Eden nata St Hnalo zy gift exchange ama hnei nopa |
A palyuasana chi nano nanopazy hnei lymapa cha ta, cha khai tawhta kyhchhina za pati pahah kawpa niena chhao hneipa a cha.
 |
| Kyhchhi pati pahah kawpa niena hneipapa a cha. |
 |
| (MCF Kolkata Matron ta self-introduction chi nano chi a hnei. Chyhsa hropa nothlah chhao slideshow lia a y) |
Nothlah hluh via ary liata slideshow ta sopa a cha:
Related:
Comments (18)
-
|2011-11-28 14:50:37 From KMCF - thnks B'lore Mcfeima no paw chaku chaveina ry liata y hela thlalo a chhi kaw na, a pa chaita, Pupa Laima, Pupa Mopha nata pino nosa zy...richa raokha sai ta ama member na zy mia paky ei ta eima na kaw na...ngipana ky lia chhao amo zawzi ta hma eima sie hmeisei ta eima pahno....amo sahlao eima hnei pa he KMCF na zy ta A beipa la lyna bie eima rei hmeisei hra....
Nama thlachha kheina eima ngia hmeisei.. Khazopa ta mara saw ngiapana rah to lia ta tha patlo lyma maw sy!
-
|2011-11-28 15:14:28 Lai LaiKolkota liata Marasaw ypazy thapaw nama pachhihsa kaw na ....Eima no-paw nah nama nohra-pawhra kaw sai na.......Marasaw chat byhna nama cha hmeiseih na......
-
|2011-11-28 16:43:11 S.Mara - Amopa tlah nama cha kaw.Kolkota Marasawzy amopa tlah nama cha ngasa. Hmiala chhao hehawhna heta vawh tiama via lyma teh u! ABeipa ta nama chuna nata nama raihrianazy liata byhna reitialei chapie paichha maw ei sy!!
-
|2011-11-28 18:35:49 Machâ K DaviesUnaw sai u, ahmiatua Bangalore liata Marasaw ypa nazy eima cha ly kaw, ngiapa tlâh nama châ kaw. Eima chhie noh nata phanoh liata mania mokha tupa tuachaipa nama châ lyma tapa pahno ty pita nama chô liata lyna bie ei reih hmeisei(...ei chhôsoh palô ru tawta lyna bie ei reih…eivaw ta tua tlyma...). Marasawzy, Mara rah khôthola ypana zydua he kyh eima pachâ kaw sai tapa he eipahno nata napaly sata ei tha napatlô ty. Eipahnona chyngaitapa tawta cha- Marapasaw suhro lata ypana zyta ama cha tlu nata pangiasa vana, ‘Hats Off!’ eivaw ta tua aw. , Khazopa rôhna nawpa châ sala.
Pasyu palina biezy nata nama kyhpachana palâsana chôta châ nama vaw roh awpa he eima châ ngiaba kaw ty. Marasaw y chhôpa zy cha achô liata nama hmôna zie khi tla a chaâ. Eima vaw chyhapa chhaota Khazopata mania ypa ta, kymania pachâ tapa hmô theipata a y. Akhei hawpa raih chhao vaw châ ha sala Khazopata acha ypa lyma hra ei tapa nama châ rohpa taw khita â la kaw. Kolkata liata Marasawzy pi he mania deichhy lyma aw pata a eih hrapata eichâ haw kho ei. MCF su hrola tapa nazy chhaota nama thlachhana liata mania vaw pahlao hra ty awpata ei cha haw hra ei.
Nama chô liata, hmeiseih tata MCF Kolkata mohta lyna bie ei reih. He châ avaw rei tupazy, mania hmohtupazy, mania moh tupazy nata châ avaw rohtupazy/comment vawpie tupazydua chô liata ‘Khazopata byhna chapie pazao lyma aw ei tapa he eima thlachhana a châ.
Vice Chairman, MCF Kolkata.
-
|2011-11-28 21:25:07 M.B.Nama pa phasa da cha..eihlao byungasa hrana....MCF kolkota naw zy ABEIPA ta byhna cha pie eimawsy!!!!!!!!!!!
-
|2011-11-28 21:55:44 Anonymous
Chhithatupazy hria pasana vata nata Khazohpa ngiachhiena vata, MCF, Kolkata chata pala kawpa nata pha kawpata Advent Christmas 2011 cha eima vaw hma khai haw, member zy eima ly kaw sai. Vaosa eima hmie leina taw vaw reipa kawta, ei tyuna tawta thyu thei lei ngana taitah ei nie ca maw......... Long Live MCF, Kolkata,,,,,,,,,,,,,,,,,
-
|2011-11-28 22:01:31 LawmaChhithatupazy hriapasana vata nata Khazohpa ngiachhiena vata, MCF, Kolkata chata pala kawpa nata pha kawpata Advent Christmas 2011 cha eima vaw hma khai haw, member zy eima ly kaw sai. Vaosa eima hmie leina taw vaw reipa kawta, ei tyuna tawta thyu thei lei ngana taitah ei nie ca maw......... Long Live MCF, Kolkata,,,,,,,,,,,,,,,,,
-
|2011-11-29 06:45:03 J B.FachhaiNama x-mas advance ahma pa taw heta nama palo a ra tahpa a la kaw na.....
-
|2011-11-29 14:09:16 AnonymousAkhai Kolcutta MCF na nama taopha ngasa, namazy duata Xms nuam kawpata nama hma thei nawpata khokheina asa chaipa echa hla hra ei,,,, christmas chibai echabu ei
-
|2011-11-29 18:18:29 MCF DelhiKolkata liata Marasaw a ypa zydua eima hmiatabliata hawsai apih awhpa eima Beipa Zisu Krista mohta Chibai eima chabu.
Kolkata MCF zyta Advent Christmas nama phana rakha ta nama hma theipa he arohna tah pita eima ly hmeisei. Abeipa ta nama sie lai lyma n'awpa liata tha cha patlo ei sala byhna hluhpi chapie ei se tahpa he eima khokheina sah chaipa nata thlachhana acha.
-
|2011-11-30 08:00:26 Ismaela VytuchhoAbeipa baona ta advent xmsss cha avaw hmathei ei chita eichalykhei hmeisei ei, keimo shillong mara church chhao pita thla kha eima cha vaw chha kheivia lyma awh.Nama hmotaona to lia maita taotupa eima beipa KHAZOHPA atotaotheipa kha atheina chota nama chakaona tha cha patlo via lyma eisala byhna hlupi nama cho la liata chavao chyu eisala, tahpa he keima mopakha thlachhachaina cha acha, namo KOLKATA mcf zy chhao ei chita nama thlachhana liata kha shillong awnanopazy kha maniah nama vaw thei lyma bei awpata mohchono chaipa krista moh ta ei cha haw hmeisei ei.
-
|2011-11-30 08:08:34 Ismaela Vytuchho - KOLKATA MCFAbeipa hnota eimalyna cha a y sala, kolkata mcf he Abeipata tha cha patloh via lyma maw ei sy, nama hmotao da nata hneina da he amopatlah nama cha ngasana ,utheipazy zah thai ei chita nama sia ngasana, nama hmotaona to liata taotuhpa khazohpa kha athei chyu su vy,
-
|2011-11-30 08:21:41 Shillong mara church - kolkata mcfAhmiatuachaita smc mohta alyna bie ei cha hla ei, atako 2011 advent christmass,, pitloh kaw pata nama hma thei vata eima beipa zisu krista moh cha reithaipata y maw sy,eima hmiala rairu hlupi y hrasala eima khazohpa ngiahpana apa ih na chota, kha raihria awpa zy cha hriapata thatlohna ahneituhpa khazohpa ta kha maniah apie awtapa kha alona chota y lyma awpata khokheina sachaipa eima cha hla hmeisei ei.Nama thlachhana liata kha maniah vaw thei u la keimo chhao eima thlachhana liata kha eimacha vawthei lyma hra awh.
-
|2011-12-03 03:02:16 maraKolkata MCF nama hma rona ngasana.nama hmapha kawsai nata pangiasa achhi kaw nama hmi mo pata,nama bethlahem ngasa sai ha3....no deikua pahno chheipa chhao cha theita nama hmana no nata thlapa mo patala ADVANCE CHRISTMAS ta awpa chapa ta pahno chamaw!!!...Abeipa tah byhna cha pie eimaw sy.
-
|2011-12-03 03:42:35 Anonymous - to Mara from MCF KOLeima chaly ngasana na pachana dah mia vaw chho chita, eima ly hmeisei. chrismas celebration lia he, christmas hla ta 4 weeks
hata ei 4 hla tawta advent chrismas he ama hma tyh pa chata, "adventus"
latin rei chata, hehe coming, vawtlo awpa a pachhua pano na tah ta chhao eima palie thei aw..Old christian tradition tawta ama hmana dah cha advent Chrismas ama ta tyh, keimo kha xmas a tlo hlat hata ei 4 na thai2 27th nov kata vaw pachhua pano pita, chavata ADVENT tah ta eima vaw hmapa a cha.Eima rah lia chhao he theolagian na hlupi hnei ba pita he chho cha lia hela eima pado pa a peimaw kaw bah. MCF kol chata na kho pasana vata eima ly hmeisei na.
Powered by !JoomlaComment 4.0 beta2
.
.
. 
Happy Advent Christmas!!!