CHENNAI, Dih 12 (MCF Chennai/Maraland.net) - MCF Chennai zyta Advent Christmas 2011 nata Website Launch Program he Date 10.12.2011, CSI, House of Prayer (Achhyna-o), Adyar, Chennai liata a rohna kawpata ama hmah. He daihti he khi a vaw tlyhpa Rev. Peter Bei Chatlai Beita, Bangalore liata chakaona ahnei haipa nata MCF Bangalore President cha Speaker ta hruapa cha ta, lyy kawpa ta ama hmah.
 |
| Chairman: St. Vatlualai Khithie |
He ahmana he session sano la ta pachhaihpa cha ta, sakhana liata website tlahzawhna nata Khazohpa bie nathlienazy hneipa a cha.
First session Chairman St. Vatlualai Khithie chhithana liata daihti hneipa cha ta, athaona la liata ama website thiehpa www.mcfchennai.org cha MSO Chennai branch President St. H.V. Beihalua ta a ly kawpa ta zawpizy ama tly thei awpa ta a tlahzawh ta; MCF Chennai zy ta website ama hnei theipa cha a lyzie reih ta, ano tawhta alykheina cha ta phusa khazieleicha tlyma envelop hmapa ta MCF Chennai zy hnohta a hlapa ei.
 |
| (Website tlahzawhtuhpa MSO Chennai Branch President St. H.V. Beihalua, centre, Ls. Dinary nata MCF Chairman Puhpa Moses C. Tehlo zy ta ama deichhy) |
MCF Chennai Chairman Puhpa Moses C. Tehlo chhao ta bietana chyupa hnei ta, "He Website eima taona chochah liata maniah baokhatuhpa nata Advent Christmas maniah avaw hma kheituhpa Rev. Peter Bei Chatlai Beita cho liata MCF Chennai zyta eima ly hmeiseih," tah ta; "Marasaw ahyrai he eima Website liata maniah nama vaw charei tyh awpa ta eima cha haw," tahpa ta a reihpa hra.
 |
| Speaker Rev. Chatlai bie a rei nopa |
Speaker Rev. Chatlai cha ta Advent Christmas theme: "Krista, Khizaw Khaihpa" tahpa hmapa ta Khazohpa bie Zawhana 1:9, Zawhana 8:12 & 9:5, 1 Zawhana 1:5-7, Mathai 5:14 nata Isai 60:1 biezy hmapa ta a chahkhei ta, Thatihpha Zawhana rohtuhpa ta Abeipa Zisu Krista avyna a report dah he Mathai nata Luka zy hawhta cha leipa ta, a pina dah phohpa hawhta maniah chho leipa ta, Bie cha Sapa lata a vaw liezie nahta Khaihna hmeiseihpa Khizaw lata avypa ta a reih, tah ta. Krista cha khaihna cha ta, ano ngala khaihna a chapa ta reih leipa ta ano zituhpazy chhao khizaw khaihna cha hra awpa ta maniah tah ta, Rev. R.A. Lorrain chhao ta Khazohpa bie tlah a awkhei tuachaipa cha, 'Thyu la, khaih teh,' tahpa ta Marasawzy cha amopazy hawhta y leipa ta, zohna liata y hra leipa ta khaihna chapa ta, khizaw khaihna hmeiseihpa cha awpa ta maniah a chho haw hra. Krista khizaw khaihpa angiapatuhpazy cha khizaw liata khaih lyma awpa eima cha, tahpa ta Khazohpa bietana reina a hnei.
Session khana liata St. Zebulon, MCF Chennai Trio - Ls. Sawmi, Ls. Panu nata Ls. Catherine J. Beidi zy ta Khazohpa reitheina hla ngia kawpazy sana ama hnei.
 |
| Special song presentation from the Trio - Ls. Sawmi, Ls. Pano nata Ls. Beidi zy |
He khai tawhta session sanona cha St. Marem nata Ls. Soso zy ta pahnie kawpa ta chhihtha ei ta;
 |
| Second session chhithatuhpazy Ls. Soso nata St. Marem |
Second session liana heta gift exchange chata a ziza paphasa hmeiseih ta, hlasapa nata palyuasana item nano nanopazy ta lyy kawpa ta he daihti he hmapa a cha.
 |
| (MCF Chennai Advent Christmas Celebration 2011 cum Website release Group Photo) |
Nohthlah hluh via slideshow ta ary liata: Visit MCF Chennai official website: www.mcfchennai.org.
-
|2011-12-13 10:29:34 Azyu EuniceChennai mara saw zy nama hmia ei hmo thei heipa vata ei ly ngasa ha... Nama prog.chhao a pha hmi kaw...Nama zydua ta Christmass anaohna samaw ei cha hla ei...lypa nata thapha ngaitata he daihti he vaw hma mu vy....
-
|2011-12-13 12:47:47 Ls riniCHENNAI Mara saw nama thao pha ngasa na ..amo pa tla nama cha kw ..nama chairmain jy khi chysa tha apa thyu thai kaw tana eima pahno ...nama speaker chhao he atao pha ngasa abeipa ta cho lia ta nata acha kao na ky liata jy byhna pie lyma maw sy
-
|2011-12-13 12:50:11 AnonymousSt Palua nata Lailai zy namahmi evawhmopala echavana zy apai via ngahla.. nama chhieleikawsai,,,,ama chaita St palua khaw eima star kaw sai
Nama sie tano
Ngongo
-
|2011-12-13 14:04:02 Anonymouspatlua zy atahma la liasa navaw pitlo kawba he. chahmo ebyu kaw ba...
na Di
.
.
. 
Happy Advent Christmas!!