Bangalore, Dih 28 (maraland.net) - Mara Christian Fellowship, Bangalore ta Christmas 2011 cha Pahanoh, Christmas noh ta ama pakhy tyhna su New Life College Chapel liata kyhchhina chhaota Speaker chata hrua-eihpa missionary rai ahria haipa Ls. S.L. Pary chapa ta a rohna kawpa ta ama ly.
 |
| Zawpi |
He Christmas alyna liana heta Puhpa Pawsa Lava, MCF Bangalore Secretary cha Chairman chapa ta pahnie kawpa ta daihti chhitha ta, pathaotuhpa chata Ls. Laldanziri Chinzah, Finance Secretary cha ta sohhlata cha St. K. Beireithai ta a hnei.
 |
| Chairman: Puhpa Pawsa Lava, MCF Bangalore Secretary |
 |
| Pathaotuhpa Ls. Ziri Chinzah, Treasurer, MCF Bangalore |
He noh ta a pua theipa he maluh ama rei no ta 106 ama phapa ta pahnopa cha ta, hnohla ta a vypazy chhaota cha he hlata ama hluhvia syulyupa ta pahnopa a cha.
Special song presentation chhao hluh kaw ta, Ls. Joan Azyu, St. Dennis B. Rahlu, St. Khara (Khaching), St. Beireithai, St. Thompson Hralochhoh zy ta hla ngia kawpazy ta reithaina hla ama sa. Zawpi vyuhpa ta thlahchhana Rev. Ngiahmo ta a chhitha.
(L to R: Denis B. Rahlu, Thompson B. Hralochhoh, Khaching Khara, Joan Azyu nata K. Beireithai zy)
Speaker chata biepipa ta atlypa "Immanuel" - Mathai 1:23 tawhta atlychakapa ta Abeipa bie reina hnei ta, Abeipa cha eima hnohta y ha ba ta, Abeipa a hro liata ahneileipa nata ahneipazy hro anano zie reih ta, Khazohpa eima hnohta a y hapa vata thlaloh achhihzie reipa ta, Khazohpa ypapa eima chana my lei awpa ta zawpizy hnohta Khazohpa bie pha kawpa achakheina a hnei.
 |
| Speaker: Ls. SL Pari, ano he Karnataka state chhoh liata chakaona ahnei haipa a cha |
He khai tawhta hla ataopasaona hneipa cha ta, Bethel Group, Bethlehem group, Nazareth Group zy ta pachhaihpa cha ei ta; Bethlehem group sakhana ama cha. A lihkawh liata refreshment hneipa cha ta, group photo session zy chhao hneipa a cha.
Daihti hma pazao heihpa cha ta, Gift exchange daihti nata chareipakhyna zy hnei heihpa a cha. Gift exchange cha Ls. Dihnai nata St. L.H. Thatha zy ta pahnie kawpa ta ama chhihtha.
 |
| Lachado (lamkual) ama hnei nopa |
Chareipakhyna liata lachadopa (lamkual) zy thata hneipa cha ta, satlia laihsa viaro cha ei ta, Abeipa pina alyna liata ama lapa chhao ama thathyu kaw sai. A lihkawh liata Rev. Chatlai, MCF Bangalore President ta alyna bie reina hnei ta, chareipakhyna he aly kawpa ta hmapa a cha.
(Ary liata he hawhpa nothlah hluhvia sopa a cha. He he preview dei a cha)
 |
| Group photo: ama zydua 106 hlei cha eita, ala khai vei ei |
Daihti he kyhchhina pati chhaota za 6:00 p.m. rachhoh ta Rev. Ngiahmo byhna awna ta daihti pachhasapa ta kychhina pati dohkhohpa a cha.
Nothlah hluhvia ary liata:
To see all the photos, Click here.
Related:
- MCF Bangalore Christmas Celebration 2011 Photos - Marasaw.com
- MCF Bangalore official website: www.marachristian.org
-
|2011-12-28 13:07:13 Rev. ZodauMCF, Bangalore nama tao pha ngasa. Ei paloh a lie kaw. Bethlehem Group kha keima ei y nota keima group ei yna group a cha. Sakhana nama vaw hmopa vata ei cha ly khei kaw ei. Bangalore Marasaw achuna liata vaw tiama muh vy.
susupaw
-
|2011-12-28 15:41:22 Cho U - AlynaMCF, B'lore, nama bie pipa hawta khazohpa nama hnota a yna palasa heipa ta Bei pina daihti soh kawpa nama hma theipa vata Khazohpa hnota namo vyupata alyna bie ei rei.
....
2006 ko ta Park liata Krisma eima hma no haw khala cha tiara khao vei. Kha daihti ta Pawsa Lava, Ls. Pari zy nata a tahma ta Pawsa Lava, Ls. Pari zy he ama nano kaw ba thyu aw.
-
|2011-12-28 15:54:11 jk chozah - alykheina........Bagaluru marasaw zy daihti phapa he hawta hma thei awpa ta nama pachhuahpanohna zy hlao a tloh vata a lykheina ei cha hla ei....
-
|2011-12-29 06:31:03 Dr John Hamlet HlychhoMCF Bangalore nama taopha ngasa na. Kothiehpa nama hma awpa chhao Abeipa ta byhna chapie ei sy. Best Wishes for New Year 2012!
-
|2011-12-29 17:50:49 L.Biesaw - AlykheinaDears
MCF Bangalore
Nama Christmas photos zy vawhmo nata athata eipaloh
avawlykaw rawlaw ta chasala eipopa a y leipa vata eihlao khokaw tapa ta eipaloh liata ngabah na eihnei.
Angiakawpa photos , Program zy vawhnei thei chita eicha vawlykhei kaw y. Thlachha na liata eima thei rairi via hei aw.
.
.
. 
Namadaiti chholiata Lachadopa (Lamkua)namalapachhaohe keimala eimara(Maraland)einavawpatheisapakawh.Thlapala nopaw nawzy ynasu achapa avawhnokawh.Namataophakawna....