Chennai, Dih 29 (MCF Chennai) - Chennai liata Marasaw zyta 2011 Christmas cha lykaw pata 25th Dih, Pahanoh khata aly kawpa ta ama hmah. Bipiepa chata “IMMANUEL” Mat.1:23 hmapa cha ta, Speaker chata M. Ngochho ( Medicy Paw) chata chairman chata John M. Beilaisei a cha.
 |
| Zawpi |
 |
| L to R: Pp Vanlala, Speaker Pp M. Ngochho, Chairman: St. John M. Beilaisei & St. Caleba Beita zy |
Second Session liata Mr. Moses C. Tehlo Chairman chata St. Sunday nata Ls. Manu Compere ama siekhei. Solo nata special item hluhpi zy chhaota he daihti he ahmapa cha ta, kyhchhina ta daihti lyy kawpa ta ahmapa a cha.
 |
| MCF Chennai Christmas 2011 aly no ta Group Photo |
Ama official website liata ama palasa dah ta, "Atako cha Abeipa ngiachhiena vata ahlao theipa maluh 100 tlai ta he noh rohpa he eima hmah thei," tah ei ta, "Bangalore la tawta zy nata Vellore la tawhta mania avaw hlaotheipa eima viasa na zy cho liata alyna bie eima rei hmeiseih," ama tahpa hra.
For more photos, visit MCF Chennai official website: www.mcfchennai.org
-
|2012-01-03 07:28:28 HrongiaA rohna ngasa. Krismas nata Kothiehpa Chibai ei cha bu hra ei. Nama chuna liata hlaotlohna vaw to chyu muh vy.
-
|2012-01-04 05:25:04 Anonymous - Emanuel (Mt 1:23)Atako phai la ta a y pa zy ta Christmas biepiepa eima hma pa he ei palo alyu kaw sai. Keimo MCF New Delhi chhao Emanuel he eima bietla acha hra. Eima thokhei kaw. Khazoh pata Marasaw zy mania a y pa hmeisei. Amen.
Mara Pawngiapaw ( New Delhi)
-
|2012-01-04 09:44:15 Palua - Ei ly hmeiseihMCF,Chennai chhihthatuhpazy hmah lana nata ryhraothaina zy, memberzy reiraohna nata apohkhanazy vata kokha chhoh liata daihti peimawhpa eima hneipa zy cha hmah thei lyma pita,Christmas chhao eima phuhpa rakha liata alypa nata thapha kawpata eima hmah heih theipa vata ei ly hmeiseih. Hehawh tlaina heta hmiala daihti lia chhao ta tiama eima papua via lyma awhpa nata rei eima paraoh via lyma awhpa ta ei kho kaw hra. Maraland.net la lia chhao ta eima thatih zy nata nothlahpazy thlai ta maniah vaw papuapa tyh eita ama cho liata alyna bie ei hla hra ei. Hmiala ama sie lyma nawpa lia chhao ta Abeipata a ypa lyma awpa eita ei khokheina ei hla hra ei.
Maraland.net siepahliepata eima thatih a vaw reih tyhtuhpazy nata khokheina maniah a hla tyhtuhpzy cho liata chhao alyna bie ei reih hmeiseih hra.
Eima zydua ta tiama papua lyma chyu suh vy!!
.
.
. 
