Hiakha, Nawh 6 (CG/Maraland.net) - Hmo ngiatlah kaw awpa ta a chapa cha Chin National Front (CNF) nata Myanmar sawkha zy cha ta a ka mah khao lei awpa ta paryhsana (ceasefire agreement) cha noh 2 chhoh bie rei khohna ama hnei khai tawhta tao ei ta; CNF ta Matupi, Thatla nata Tedim khihzy liata Office sakha raihrie ama pahy awpa ta ama paryhsapa.
Zo tlah kawpa bie daona tah Chinland Guardian online newspaper a chho dah ta, sawkha la tawh nahta CNF la tawhta official delegation zy chata official ceasefire agreement cha ama roh (signed) raihrie haw, a tah.
CNF la tawhta Dr. Sui Khar nata sawkha vyuhpa ta Railway Minister Aung Min nata Chin State Chief Minister Hung Ngai zy ta ama moh chatizy ama thu raihrie. Awnanopa la tawhta adyhryhna taona liata a deichhytuh penawh Peace and Tranquility Committee nazy vyuhpa ta pano ta a pahnokheituhpa chata ama moh chati ama thupa hra.
He ama hotuhpazy heta cha khai tawhta chibai a bu ei ta, he official ta adyhryhna ama taopa chahna peimawhpa he ama ri.
He ama paryhsapa liana heta point 3 y ta, cha hry liata CNF nazy ta Liaison Office sathoh - Matupi, Thatla nata Tedim khihzy liata ama pahy awpa ta paryhsapa cha ta; tawhta CNF ta ama raihriana ta a pahlypa chata maw la chai ta Tedim township nata chho la chaita Paletwa township a cha tahpa sawkha ta pahnokhei ta; he adyhryhna cha ama ro khai tawhta hata ei 2 chhoh ta Union government ta hmiala ta bie achhoh heih n'awpa lapi sia kawpa a pasia awpa a cha, tahpa chhao a hlao.
He khai tawhta zapati pahah kawpa niekhohna cha amo py no la tawhta tao raihrie ei ta, he liata Chin state sawkha liata cabinet sahlaozy, Chin state Parliament liata sahlaozy, Hiakha, Thatla, Falam nata state sawkha rai laipa ahriapa department nano nanopa tawhta hrua-eihpazy chhaota zapati pahah kawpa ama nie khoh.
CNF delegation he Hiakha he Pachyhnoh, Nawh 7 ta puasai aw ei ta, sakha Thatla liata a rie aw ei ta, cha khai tawhta Mizoram state, India la ama ngia pakhua aw.
Source: The Chinland Guardian
-
|2012-01-07 03:20:45 AnonymousHe CNF hekeimo marapa cha ta pha hnai awma?
eima raliata ei yta eimauta nawzy eimasitanozy tu adaipahrisinaw na amacha e.
-
|2012-01-07 04:39:21 MarasawKha hawhpa khala apei kaw ta, amo chhaota a pei ama tah kaw. Rah pheisai ama yna liata cha he hawhpa hmo he a y tyh hrapa pei ama tah kawpa a cha. A chana dah hawhta ama cho liata hmahlapa a cha khaw.
Kha hawhpa ngala pacha leipa ta Chin chyhsa zydua chata a kawh kawpa ta rai ama hriana he pahnokhei suh vy. Foreign lata Chin nata Mara saw hluhpi ama sie theinazy he CNF nazy lobby thata ama tao laihna tawhta khizaw sawkha phapa USA, Australia, EU, etc zy ta eima rairuna pahnopa ta foreign la resettlement zy maniah ama pie tahpazy he my kha ei si. CNF na vata a cha tah sila tah chhei aw ma pi. Ama hmo taochheina sakha sano ngalah a byh leipa ta sy..
-
|2012-01-07 09:24:17 AnonymousHmo eimatlo lai aw nata eimatao lai awpa he apha pata pacha sila apha aw,CNF liata Maramo nopaw nazy y thlahra eita mara rah chata aphahnaina amataocheingei aw tapa he mokha ei sila thlachha bao via lyma su vy.
-
|2012-01-07 11:56:18 Anonymous - CNF nopaw zy aphapa ama tapa he avaw pha tlai aw tThati aly chhih kaw pa a cha.Za kô via daiti lia kha cha CNF naw paloh phao he Myanmar sawhkha ta federal state miah apie hla lei la adyhna sign athu aw mapi ama ta kha cha pata pahno nata atahma la liata Dr.Ngochole reipa thati tawh kha ta bie rei khohna ama hnei hla ta ama ih kaw pata pahnopa ama cha hra.Chasala ceasefiere agreement mohsai ama thu hawpa he federal state ama demmand pa a cha va tly ma? Website bie yzie ta federal state a cha nata pangiasa tuh vana! Myanmar sawkha duahmo sakha hno sakha pha via na lata a thlai ngapa vata CNF chhao adyhna sign athu ha bah aw pata ama paloh ama pachhoh kaw tathei thlahpa a cha thei thlyu nata ei pangiasa hra cha maw! Federal state a cha lei chhao atahma ta ama demmand pa zy he hata 2 khai nata via sawkha ta pi vaw patloh tlai sala alypa a cha kaw aw.Za kô viano underground parties hlu via ta adyh na ama la taraw cha myanmar sawkha ta ama bie reipa hawhta atao paki lei vata kachei, shan etc tho kha ama duahmo parohpa lata ama vaw kua pakhua haw heihpa kha a cha.Atahma chhao miah apalysa kaw taraw pata adyhna signed athu tuapazy parties thokha duahmo hawhta cha pathlei lia tahpa ei napachasa kaw! Aly kaw pata eima vaw sai tua aw.
CNF office he mara rah liata nata azao rah liata soh hra aw pata vaw demmand hra eisala apha via pachai aw.
Thlachha nata eima chah khei chyu aw.
-
|2012-01-10 14:26:17 Kc.Beimatha MLSDear Marahland.net
Thati aly ychhikawpa miavawpa hnosa chita eima chaly kaw.Hmialachhao hehlata thatipha viapa nata arona viapa miavaw pahnosa heibei ma y.Eicha hawkhopa cha adyry na amarei nalia ta CNF lataw ta akawtlotei pa malu nata mozychhao ta eimapahnokho kaw.
-
|2012-01-12 11:42:32 maraland.netHe CNF delegation 10 pazy he ama conference liata ama tly-eihpa zy cha Dr. Sui Khar, Joint secretary and leader of the peace delegation ta chhitha ei ta, Puhpa HC. Ral Hnin, second leader, Dr. Ngochole, Brigadier General Solomon, Puhpa Thetni, Puhpa Rokhawma, Puhpa Hla Htun, Puhpa Ngai Cia Thang, Puhpa Peter Lian nata Puhpa Khin Maung Lay zy ama cha.
News paroh viapa liata news hluh via a y: ---> http://www.maraland.net/news/latestnews/1138-cnf-in-peace-talks.html
.
.
. 
Aly chhihpa thatihphapa acha!!
Khazohpa ta Chin State he byhna pie lyma sala khacha vaih ha mawh se!!