Siaha, Nawh 7 (DIPR/Zonet) - Siaha liata High School pachutuhpa a pension hawpa Puhpa F. Engnghaka chata Seilako (Tortoise) lai kawpa kg 21 a hripa Khopai khih liata a chaleipa cha pabohsa via n'awpa ta Mara Autonomous District Council (MADC) liata Environment & Forest Department hnoh ta Chutyhnoh khata a hla.
(MADC DCF hnohta hlapa Seilako nohthlahpa. Photo courtesy: DIPR Mizoram)
A hlana pakhyna he Siaha Press Club liata M.J.A. nata AMFU Siaha District zy pachhuapanohpa ta hneipa cha ta, Khichhai Laipa chata Puhpa Thaly T. Azyu, DCF, MADC cha ta, Dr.Chawngkhuma Chawngthu, President AMFU Saiha District cha daihti chhithatuhpa a cha.
Puhpa Engnghaka chata he he Khopai khih liata satliazy ta ama patupa a chapa ta reih ta, thiepa ta nie ta pahleipadiapa a cha lei nawpa nata pabohsa a cha awpa a khoh vata Rs.2500/- ta a chaleipa ta reih ta, he khai tawh heta apabohsa thei awpeinawh MADC DCF Puhpa Thaly T. Azyu hnohta a hla tahpa a reih.
Khichhai Laipa Puhpa Thaly chata Seilako pa he kheihawhta pabohsa lyma awpama a cha aw tahpa rei aruzie reih ta, ko 2012 liata eima hmo beih leipa rah eima tlo vata rahsa nata hrona hneipazy pabohsa na kyh liata thapi phia via awpa ta a vaw pakhypazy bieta ta, chyhsapa nata hrona hneipa hropazy he a peimawh raihriepa ta Khazohpa ta maniah a taopa a cha, a tah. He Seilako chizy hawhpazy he Wild Life Protection Act Part II Schedule-I liata a ypa sai a chazie palasa ta, Rahsa pabohsana kyh liata sakwha dah nano nanopazy chhao he daihti liana heta Khichhai Laipa ta a palasapa hra.
He Seilako lai kawpa he a seihna la ta inches 22 tlai pha ta, a phiana la he inches 20 rachhoh a pha. A hrina he kg 21 tlai a pha.
He apakhyna liana heta MADC Deputy Chairman, Puhpa KH Beihlo nata MADC official nata MJA la tawhta chhithatuhpazy ama hlao hra.
Related:
- Rahsa pabohsana programme Siaha liata hmapa a cha (Mizo) - DIPR Mizoram
- Zonet news - January 6, 2012 (English)
-
|2012-01-08 13:53:46 AnonymousPuhpa F.Engnghakha he New Siaha ECM Awnano Hyutuhpa kha a cha tlyma? A taopha ngasa na...Anodeikua Puhppa Thaly bie reihpa hawta pabohsa nawpa dah norai a chhih kaw.. Zoo hra hnei tlo lei pita.. Aizawl Zoological Garden liata hla sala a zie y via awpa cha ta..
-
|2012-01-08 19:21:15 Beilaisei Mathipi - Ko-2012Puhpa.....F. Engnghaka.....He hawpa hmo lyh y chhipa, Marahpa rah liata navaw taopa vata, nacho liata ei chapa lai khei hmeisei. He haw pata Marahpa rah liata hmohro hnei pazy, ky eima pachapa hawna heta, marahpa leilo nata a chysa pahrapa zy pi he, eima hneina nata thai nazy i lei pata, marahpa rah pabyusa awpa nata hmasie nawpa liata apasai khai hra eisila, eima pahrana marah rah he angia kaw awpa nata hmasie na liata thata eima sa aw pata hna beisei na eina zapa hneisa ngasa.
-
|2012-01-09 06:48:29 AnonymousMADC heta Zoo he Siaha liata tao hra ei sala, atahmano tawhta rahsa eima hneipa thokhazy he soh pathao ei sala, student zy chata chhao a pha kaw aw. He he mohoh tua chai ei sala, council liata peon, MR, etc rai a hnei hlei leipa ama hluh ngasa. Amozy heta mohoh ei sala a pha aw...
eima EM nah a sa ama rai khoh nata ei pagiasa hahaha..
.
.
. 
