Siaha, Nawh 10 (maraland.net) - Electoral Roll, 2012 papua thieh chaipa liata Mararah liata vote a ypazie bahta a poh via haw hrata, apohpalohpa liata chapaw hlata chano 705 tlai ta vote ahneipa ama hluh via.
Mararah liata vote a ypa zydua cha 32,217 cha ta, cha liata chano 16,461 vote a hneipa y ei ta, chapaw vote a hneipa cha 15,756 a cha.
Siaha bia liata vote a ypa zydua cha 17,011 cha ta, he liata chano hluh via ei ta, chano 8791 nata chapaw 8220 ama cha. Ama hliena cha 571 a cha.
Pala Bia liata vote a ypa zydua cha 15,206 cha ta, chano hluh via hra ei ta, chano 7670 nata chapaw 7536 zy cha ei ta, ama hliena cha 134 a cha hra.
Mizoram state pohpalohpa lia chhao chano vote a hneipazy cha chapaw nahzy hlata 10,120 tlai ta hluh via ei ta, voter zydua cha 6,11,124 pha ei ta, chano zy 3,31,664 cha ei ta, chapaw 3,08,884 ama cha. Ko 2003 assembly polls hnei no chhao khata chano vote ahneipazy he chapaw hlata 3,816 ta ama hluh via pyly hrapa a cha.
Mararah liata Siaha town chhoh rei leipa ta vote a hluh viana khih 10 zy nata chano nata chapaw vote zie zy cha:
1. Tipa 'V' - 1740, chapaw 519, chano 559
2. Noh-aotlah - 1001, chp 476, chn 525
3. Zyhno - 997, chp 502, chn 495
4. Chakhei - 804, chp 393, chn 411
5. Saikao - 750, chp 383, chn 367
6. Phura - 681, chp 345, chn 336
7. Chhaolo - 676, chp 322, chn 354
8. Tisi - 656, chp 327, chn 329
9. Siata - 628, chp 305, chn 323
10. Amobyu - 599, chp 287, chn 312.
Acho liata chano nata chapaw vote a ypa zie mopa ta khi to liata chano ama hluhviaro hrapa ta pahnopa a cha.
Khi hropa nata Siaha town chhoh liatapazy cha ary liata link liata mo theipa a cha:
Siaha Bia liata vote a ypa ziezy: click here (PDF)
Pala Bia liata Vote a ypa ziezy: click here (PDF)
Related:
- The Chief Electoral Officer - CEOMizoram.nic.in
- Female voters outnumber men in Mizoram - UNI via The Shillong Times
-
|2012-01-12 11:32:46 AnonymousViarah nata eima rah la a vaw nano kaw. Viarah la cha chano hlata chapaw ama hluh via lyma. Hawsaih ama hnei tita chapaw ama tly kawpa vata a chapa hawhta ama reidah a cha. Ama pahlie kaw...
-
|2012-01-13 12:19:31 CaTcH^mE^If^UCaNPyna zy he eima rah siaha district liata ama vaw po chatlie kaw na. Hetaw ko reileipa liata la, USA hawta phohropa ta biehneina lai cha chaipa ama vaw cha ba cheingei hra no ta Rev. Wiley Drake hawta ama thi na awpata thlachha hrawsila a pahnai khao tlo bao vei aw.. eima haw tu hlana he ta tahma tawta tao pathao adai hmeiseih ha ba.
.
.
. 
