Lorrainville, Maraland, Nawh 10 (maraland.net) - Congregational Church of India Maraland (CCIM) awnanopa cha ta General Assembly, 2012 cha thla heihpa Hmyhpi (Feb.) 16-19 lihkawh khita Lorrainville, Saikao liata foreign delegate-zy chhaota ama hnei aw.
(Rah hrola tawhta hruapazy: L to R: Rev. Heany, Puhpa Pickering nata Rev. Sado zy. Ama nohthlahzy sia kaw leipa ta nama pachathaina eima cha haw)
CCIM Headquarters: Saikao tawhta bie eima dao dah ta rah khothola tawhta he assembly liata a vaw hlao thei awpazy cha:
1. Rev. Michael Heany, General Secretary, Congregational Federation, London, UK.
2. Puhpa Richard Pickering, Church Secretary, Market Harborough, London, UK.
3. Rev. Elvis Sado (Mara), General Secretary, Congregational Church of Myanmar (CCM), Yangon, Myanmar.
A mozy hleikho ta Indian Evangelical Mission (IEM) tawhta Rev. G.K. Ngaite, State Secretary zy nata LIKBK (IKK) tawhta delegate zy hruapa ama cha hra.
He pakhypi liata biepipa cha, "Khazohpa Raihrialahpa" - 1 Kawrini 3:9 tawhta lapa he a cha.
CCIM awnanopa ta he pakhypi he hlaotloh kawpa ta ama hma awpa ta thlahchha khei ei sila, ama biepathlupazy Mara sawzy chata thlahpa nata sapa liata hmasiena maniah atlokheituhpa cha mawh sy.
-
|2012-01-12 09:01:38 Maraland.netHiahrina achhyna: ECM he cha rah chhoh liata a y thlah hrapa a cha vata a noeih ta hrua hleileipa ama cha tahpa ta CCIM nopawpazy ta ama rei dah a cha.
.
Tawhta, ama bie pachia awpa liazy heta adyhryna tluana chochahzy he a y thei awpa a cha vata ECM la tawhta delegate official ta ama hrua leipa chhao a chapa hawhta ama reih hra.
.
Hlaotloh kawpa ta ama hnei thei n'awpa ta thlachha bao chyu suh vy.
.
.
. 
ECM delegate hruapa cha hra vei ei ma?? khazia maw?? ECM Assembly lia chhao he ta CCI(M) na hruapa cha tyh vei ei ma . . pahnopa eima y tly ma??