SIAHA, Nawh 16, Hriatuanoh (Maraland.net) - Atanoh kha Siaha khihpi liata Mara Thyutlia Py (MTP) zy ta Puhpa Viasai Solo, SDO, PHE department cho liata kupathlatuhpazy atanoh taihta patu mah leipa ama cha vata total bandh hnei ei ta, a hlaotloh kaw; biedopa cha he hawhta a cha.
Puhpa (Satlia) Viasai Solo he ko parohpa pathlieza (Dih/Dec.31) khata Zyhno la tawhta ama nawhtapa tlahleipa cha Tipa liata hospital liata mohoh awpa ama ngalei vata Siaha la kaw refer ei ta, cha cha Puhpa Viasai zy heta vaw buakhei ei ta, Siaha Civil Hospital nata ano o tlona New Siaha lihkawh he a vaw hlaihla ngathlahpa cha ta, he nona heta ano hnohta a ypenawh a nawhta na chhao ano motor liata kiah ei ta, New Siaha Vetytlahkawh (Vety kawn) ama tlo chy he ta sahma paripa heta vaw pahao laih ngathlah ha ei ta, amo ta khasaw reih leipa ei ta, a vaw duah u la, vaw tah ngathlah pyly ta. Amo cha Vety kawn liana chata kuva chalei awpa ta a duah ei ta, ama duapa cha a pahaotuhpa ta adua ula a tah vata a duahpa hawhta pacha ei ta thata vaw awsao heih ei ta, cha ta, a nawhta nah chata hmo yzie chhopasia awpa ta ama motor tawhta cho ei ta ama vawpa cha ano deita a ypa Puhpa Viasai cha tlao thata vaw tu ei ta, za rei a cha vata nata a luh liata ama hria vata ahyzy ma ama cha tahpa he ano chhaota pahno thei leipa ta, he hawhta ama pahnie kawpa he thokha a kiah liata uthei viapa a ypazy ta vaw hmo ei ta, pachhaih ei ta, amozy he pahnokheituhpa ama cha awpa ta pangiasapa ama cha. A hnoh la ta Puhpa Viasai chata police na hnohta FIR pangia ta, FIR a pangia khai tawhta police nazy ta investigation tao ei ta, chasala he rachhoh liata a ypa a pahnokheituhpa (witness) phapa ta ama pachapazy cha ta ama pahno leipa hawhta vaw rei khai haw ei ta, chahleikho ta chi nata chi buabana a tlothei awpazy a cha vata police nazy cha he case he ama laichadai pazi lei awpa a phazie zy ama rei vata ano ataotuhpa Puhpa Viasai Solo chhao a paloh a pasa kawpa ta pahnopa a cha.
Khihlia bie hluh kaw ta, chavata Maraland.net chhao ta Puhpa Viasai Solo bie achho pi ta, a paripa hawhta chareih eita, he bie he biedopa a cha nahta cha vei cha ano ta a reina dah ta, "He za he tlahleipa eima hnei vata bua kaw pita, a pari thai awpa cha vana, thailei ama cha vata ama ra n'awpa ama tlua chakhyhpa na a cha", tahpa ta a reih.
New Siaha VDP nahta ama ku a cho liata ama pathlapa hawhta reinazy chhao cha khihlia bie, bie doleipa a cha hra. VDP duty zy ta ku ama pathla khiahta cha FIR liata a vaw chhytuh awpazy kha VDP chhithatuhpazy kha tla ama cha aw tahna chhao cha ta, he he biedo leipa a cha. Tawhta, VDP nazy chhao a paripazy hmahta chhei chakhy leipa ei ta, a pari leipa chhochhi cha ama cho liata ku ama pathla beih leipa ta pahnopa a cha hra.
Noh kha noh no zy kho pua a pha leina taihta ama tu pasa thlahpa vata he a cho liata ku pathlahtuhpazy he ama phuhna hawhta biehneituhpazy ta ama hrie awpa he a kho vata, adona liata riahpha kawpa ta FIR a pangiapa a chazie chhao maraland.net a chhopa hra. "A paripangapa chasala FIR pangiapazy cha thachhie-hiahruna tla a cha aw, thai ei cha vata he hawhpa hmo doleipa he chyhsa hropazy cho liata a tlo awpa ei khoh lei vata FIR chhao ei pangiapa a cha," tahpa ta a reih.
"Ama dolei vata ara nawpa ta 'chi nata chi' tahpa nata bie do leipa anolei lata zawpi zy hnohta pathahsa chaima ei ta, pei ei tah ngaita," tahpa ta a reihpa hra.
He hmo he Dih 31 ta hmo a tlopa chatarawta, Nawh 15 taih khata khapa hma kupathlatuhpazy cho liana heta action la leipa a cha vata MTP Headquarters ta Press Release tao ei ta, he kupathlahtuhpazy he ama cho liata action la awpa ama khozie palasana awpa ta 'Total Bandh' chhao atanoh, Hriatuanoh, Nawh (Jan.) 16 khata ama hneipapa a cha.
He kyh liana heta bie doleipa hluhpi khihlia bie y ta, taochhyhpa sai a cha vata adoleipa sai a cha. Chavata, zawpizy ta hmo dopa ama pahno thei n'awpa ta he he update eima vaw taopa a cha.
Ahyrai dah paraopa cha dah lyma hawhta ama cho liata dah achabatuhpazy ta ryu ama reingah awpa a cha. FIR pangiatuhpa heta ku pathlatuhpazy he chi hropa ama cha vata a pangiapa cha leipa ta, a kheihawhpa chyhsa rai ama chapa chhaota hmodopa a pahno khoh vata nata ama phuhpa ta ama cho liata action la awpa a kho vata FIR a pangiapa chhao a cha. Ngiathaina ahawna a y tloh vei khiahta cha F.I.R. apangiatuhpa ta rights a hneina hawhta police zy ta a chana dah hawhta rai ama hria awpa chhao a cha hra.
-
|2012-01-16 18:09:43 AnonymousAma pahnopasia leipa ta a vaw comment tua peinazy comment-zy kha bah vaw delete ha ula a lypa a cha kaw aw. Hmo pahnopasia leipa ta rei he basai tua ba ei si.
-
|2012-01-16 18:46:24 AnonymousHmo taona liata bias chakhy lei awpa he a pha. Khizaw noh peimawhpa za ta mo pakha(side kha la gala) bierei pa eima py thei thla ha aw ma? Officer, nopaw pakha motor chho liata zachhih kaw pa ta atyu thla hapa nata satlia khama cha leipa pari chakhy pa ama bua thei thla ha pa cha no-ah achhih hmeisei??? Ban taita pachhuahpanohpa cha a victim cha ta record chhie gasa pa a cha hmeisei.A witness tupa zy ta hmodohpa nata a sia pa ama pahno vata ama rei kho leipa tlao cha vei tly ma i?
-
|2012-01-16 19:01:02 AnonymousUnawh, thai ama cha khiahta cha khazia a lahah kawpa ta ama witness ngah vei aw. Marasaw eima nep tu haw. He eima officer ama tuna chochah liana heta ano adoleipa a chakhiahta a chana hawhta alahah sala, adopa a cha khiah a chana hawhta moleipazy cho la liata ryurei hra awpa a cha. Victim chata record chhiepa a cha nawpa pahno rai vana. Eima rah liata adona alahah awpa eima ngah leipa he ei no a za ngasa. Keila Marapa a cha vata a chah leipa na ta, ahyrai FIR ama pangia khiahta la police zy ta ama laichadai ngah awpa a cha. Ado leipa a cha khiah ado leina dah cha asia kawpa ta reih ngah hra ei sala, chi n'awpa y tla vei. Cha hry liata he hawhpa paloh na vaw phao thlah hrapa hela noah ei tah kaw.
-
|2012-01-16 19:12:01 AnonymousA khei haw va chhao rai cha vaw cha va cha sa la,ku pa thla tuh va na zy cha , a ma palo tla lei na a y k tah cha MTP head quarter la zy chhao bie a ngia khei thei va ei tly ma..ku taitah a mapa thla nga va hela a ra lei lo sawzy mia zy leina haw da tlu po tah pa cha thei pa a cha...cha hnai tah pho hro eima ra liatah y vana a ra chysa zy za lei kaw patah a pa y sa va a chua va zy a ma y khia tah la.cha do va cha va ei.....Puh pa J.Vialua tah na tlo pa chi,na so pa chi,na nie pa chi a tah va na tla a cha.....molei pa na zy cha patuh pa ra ei sala a pha aw...pa zei pa zei tah soh va a ma cha cha.
-
|2012-01-16 19:19:49 AnonymousWitness zy ta hmo dopa ama pahno vata ama rei kho leipa tlao cha vei tly ma i? tahpa haihrina a vaw taotuhpa he na hiahrina he noah a chhih kawna. Hmo dopa ama pahno thlah khiah khazia ama witness ngah vei. He hawhta eima New Siah vaih satliazy hmo tao doleipa ama vaih nata chyhsa ama chah thlahpa a lyupa he hmo pha lei ngaitapa a cha. Siaha vaihpi liata tlo sala, Siaha vaihpi satlia ama do leipa a cha khiahta la adoleipazy cha ama phuhpa hawhta hrie awpa ama cha. He hawhta New Siaha chhao.
He hawhta witness ama y thlahpa ta ama rei ngah vei khiahta cha ahy e ado vei tahpa pahno theipa cha leipa ta, adona he papeimawhsa leipa pita, eima vaih khapa, chhokha sanawhrino, zy a chah kawpa ta eima ypa he ta eima rah eima parao khai haw. Witness zy ta hmo dopa atlopa asia kawpa ta reih ei sala cha cha chyhsa tota ama khopa a cha. Marapa a cha vata keila a chah leipa na ta, chi hropa ama cha vata a chah leipa ta y hra vana. Justice he eima rah ta a peimawh kawpa tlao a cha. Myla Vaih hropa liata he hawhta vaw tlo heih sala, a vaihzy ta a chah khai ei sala, kheita eima tao cha. Shillong nata alyu thlah ba aw. Chavata, atahmapa liana heta ado leipa cha a sia kawpa ta pahno ei sala, abyuhna hawhta action la mawh ei sy.
- Adona khohtuhpa
-
|2012-01-16 19:27:21 AnonymousA chi nata chi tahpa ta maniah ama pachhipary ngah hrapa hela ei pahnei achhi kaw. Satlia pakha pano lohmao ngamaoh bie reipa a cha aw. Amo hawhta a chi nata chi tahpa ta angah leipa cha ma pi. Mano Mahpaw daihti tawhta he Mararah he Mara pasaiphazy thisaih ta ama pabohsapa cha ta, atanoh he rah phana he maniah a vaw hly ei ta, cha hawhta bie ama pareisapa ta ama reipa hela a pei tah leipa nata ei pahnei tlao a chhi. Ama comic kawpa ta ei pahno.
Thai ama chapa nata Ama dopa a cha khiah riahpha kawpa ta reih ei sala, ama doleipa a chakhiah ngaithaina a chatliena lata a vaw haw ei sala, chi nata chi buabana a tlo awpa hawhta ama reipa hela ama nopawzy ta hmo phapa hawhta pacha hlei hra aw vei ei. POLICE nazy chhao ta dah cha a chana hawhta sie khei tua ei se.
- Adona khohtuhpa
-
|2012-01-16 19:28:33 Palo pa sa a chhi hmeiseiNew Siaha liatah Mara saw y va na zy he ,a pa sa sa na cha ama pahno hra va tly ma he..a tlia sa tawh heta Mara ra lia he tlaikao,py natah, Buma na zy he a ziza ama pa nga sa kaw ba tah la ei pahno..Marasaw zy pi he eima pha tuh ty..he haw va hmo eima ra lia a y khao lei naw patah la eima pa hra pa hrao via ba va a byu ba aw,chalei khiatahla generation kaw y lyma awpa lia la MTP zy chhao lei vei tah thei va cha ve,,ei ma hra ba hmeisei va abyu lkaw patah ei pahno..,Marasaw cha tlo tah apa maw sa kawpa na zy chhao he za khei ama chhi hmeisei..New siaha la cha he Mara rei hlu via ba sala a pha aw Church lia chhao rai...
-
|2012-01-16 19:38:39 AnonymousMTP na chhao he ama bias eima tah thei aw ma? Kupathlatuhpazy heta ama dopa a chakhiah khazia witness chhao hluh kaw ei ta, St. Viasai ado leipa a cha khiah police nazy hnohta a doleina ama rei ngah vei? MTP na a bias pa hawhta a pachapazy kha bah vaw pacha pathi tua u. St. Viasai a doleipa a cha khiah cha khazia witness zy ta riahpha kawpa ta ado vei, tahpa ama rei ngah vei. Hmo dopa nata adona he pasahsa suh vy. Achah viapa hnei leipa ta biedopa a pua thei n'awpa ta hmah vaw la para ei sa. Cha hawhta ama tah vei khiahta la he N. Siaha liata nopawpazy he ei maochhie kaw ei aw. Adyhryhna ama khoh lei vata a cha aw. Satlia paripangapazy cha chhorei theipa ama cha. Amo tao chheipa a cha khiah ngaithaina chhao a haw ei sala, a ngiathai lei n'awpa y vei ei. Anodeikua, ama chalih khai thlah khiahla a pei kaw aw.
-
|2012-01-16 19:48:29 AnonymousMTP nata MYA chhithatuhpazy khata reipahmaoh ei sala, he kyh hela amo ta ama pathla thei tu ha aw. Eima rah liata adona charei mawh sy. Adoleipazy cha hrie awpa ama khoh vei khiah ngiathaina ama haw awpa ama rai a cha.
-
|2012-01-17 00:09:32 Anonymous - MARASAW ahra ei suh ueima madc heta riapha kawpata Dah enforce sala kho achhih kaw.Chi hropa hei Rah pie khao leipa cha ei sala tahpa kho achhih.Marasaw zy hlata hneiro via eita ama thai ama so via hra.Heta acha khia cha myla hano mania ama di sao aw tah lei thei mapi.Eima Madc liata tlaikao rei ahlu tuhpa chhao he ai a chhih hmeiseih..
Mara thokha mawrei ahma pazy khata hehe ahrana chata hma ei sa tahpa ei kho kaw.Police na ama bias zie hi.
"Mara poh Mizo,Mizo vek kan ni alom",tahpata Fb liata mara laisa pakha ta a rei ty.He chano he a mo(name) chhao mawreih ta aro pa acha.Tanoh police nazy ta bias kawpata ryu ama raona lia heta a bie reipa ado lei zy he vaw pahno sahla ei kho kaw.Anodei cha vei Marasaw ama Maw sa kaw pana zydua chhao.Mara na he Mizo hmeiseita mania rao vei ei..PSEUDOMIZO/FAKEMIZO mania ama tah ma my.
New siaha chysa ta witness ama cha kholeina chha pacha ama chi heipa hrie awpa ama kholeiva acha.Myla hano vaipi field liata new siaha mo phy khy ei sila witness cha kho tla leipa ei sila kheita nama pacha??Police na heta case ama close hei va tlyma i????
Marasaw ahra ei su y.Reirao viata y ei su u.
-
|2012-01-17 02:36:52 AnonymousEima rah liata buana he a poh via rili lyma aw. A chhapa cha chi hropazy ama vaw poh via lyma vata a cha. Siaha khichhoh liata cheingeipa chhao Marareih hlata Mawreih he hmah viapa vaw cha ha ta, Maw la tawhta Tlaikaopa nata Viahpazy ta; Nochhi la tawhta pypazy ta Siaha vaw pangai lyma ei ta, atahma cha "O pazu ta rah pazu a pho" ama tahpa hawhta keimo cha khasaw ta maniah reih leipa ei ta, "Na tu pa chi, na lu pa chi, na nie pa chi" tahpa hla Puhpa J. Vialua hla kha a hmeiseihpa a vaw cha haw.
-
Eima hra ba awpa abyuh. Khazia e, Khasi-nahzy heta chi hropa liata rah zua awpa ama pasai vei? Vaw pasaih ha ei sala, Shillong nata a chheipah rahzy he chi hropazy ta ama chalei khai ha aw. Ama pakha hlata ohmo lyuhmo ama vaw chalei hapazy hmahta atahma he buakhei khi tlai ama pha. Eima rah nopawzy heta pachana ama hnei hawh kaw ei tah. Eima raona awpa vaw tlo awpa pahnothai ma pi ma? Avaih awpa byuh kaw ba vei ma?
-
MADC heta Land, Revenue nata Settlement chochah liata biehneina hnei khai ta, eima khoh khiala eima vaih thei. Nopawzy bah pacha ba ei sala, a peimawh hmeiseih. Tawhla Police zy heta khazia e, sahma paripa, peihria leipazy cho liata ku vaw pathlatuhpazy cha tlua awpa a chhuah leipa ta, a chalihsai thlahha tly? Pei a hriatuhpa cha ahyrai cha se, ama patu awpa nata hriena ama pie awpa na a cha. Cha Law & Order taihta chi hropazy a chah kaw rai chu?????
-
|2012-01-17 04:21:52 AnonymousMTP reithei tla a cha hmeisei. Marapasaw huha a la khei ta, siaha eima rah a chana hawta nata marasawzy ky a pacha pita palo nata tha eima pasa hmeisei zie a la hmeisei.Hmiala daihti lia chhao reirao via lyma pata, thapasana, kypachananata apokhana eima hnei thei via lyma naw pata Abeipata MTP byhna pie se.
-
|2012-01-17 04:32:30 ApawMTP ta hmah a vaw lapa cha Siaha a chalyu thlah kha zaw! Police bias tupa he ai achhih ngasa. Hmah ama la para vei khiah a pei kaw aw.
-
|2012-01-17 05:02:57 AnonymousSiaha eima rah chana hawta marasaw zy mania ama za hra awpa a byu. Ama y pha kho lei khia la pua khai thla ei se. Marasaw tlaikao a tahpana zy amo pasia ei sala, mara sawzy ta reiraona eima hnei awpa a byu. Chi hro pho hropa eima rah liata a pha kawta y penaw zy cha a hao thla leipa ta, viasa a tao pata amo tawhta hmasie eima chhua awpa a cha. Chahrasala, marasaw mohnao pa officer, chhokha, mopakha zy cha puakhai ei se. Eima rah ta mamaw mapi.
-
|2012-01-17 06:16:45 AnonymousMara satlia palo eima hnei awpa apeimawh, N. Siaha liata chyhsa kupathlah ta buana ataotuhpa cha N.Siaha mozy ta ama pahno cheingei aw. Aphi leipata y ei sala apha aw! Chata acha vei khiatala N. Siaha Chyhsa innocentzy ama suffer pathlei aw!.....
-
|2012-01-17 07:02:00 Vairam TlagvalA mimal tak in le ,MTP headquarter lama ngai dam in dil vat ka ngen che u,lo chuan kan Siaha boruak a chhe lutuk pal ag nag mahni vag in..Kan hriat tur chu .ram dag a kan awm cuan a ram nei tu te hi kut kan thlak tur emaw,za lo deu in emaw an chug a kan awm tur anih ngai lo,,kan lung awih lo em em na a a awm pawh in MTP,MSO headquarter a a thlen zel tur..hemi rwn chhiar tu te zig a a thrian te emaw, a chhug te emaw in awm cuan...Tv.Viasai solo leh MTP headquarter lama ngai dam dil vat turin ka ngen che u.
-
|2012-01-17 13:43:14 ThangteaTlangval zu ruiin officer pa inah a chhungte damlo buaipui a damdawi inah a kal lai a, kawng bulah kuva a lei laia an vuak hi a tih diklo hul hual. Zu ruih laite chuan thil diklo tih a awlsam a, he tlangvel te hi kan dem rualin zu ruih lai chuan thil awm thei a ni. Chuvang chuan ngaidam dil se a duhawm hle ang. Kristian theu theu.
Kan ramah remna leh muanna kan duh theuva, thil tihsualtute hi tupawh nise, kan dem ngam tur a ni. Kan chipui a nih avangin kan tan ngawt tur a ni lo. Chuan dan angin hrem an ngam loh chuan ngaidam dil mai tur. Thil zahthlak paw a ni lo. Ram kan hmangaih vang a ni zawk ang. Chuan, Pu Viasai hi a rui lova, a ruih hovin an vuak hi a zahthlak tak tak a ni. MYA hotuhte khan MTP thiltih hi zah takin umzui sela, remna han zawng teh se. Thil harsa a ni loh phawt ang chu..
-
|2012-01-17 14:31:00 HV.BeihaluaMaraland.net ta thatih siapa maniah avaw pahnosapa vata ei ly kaw. He hmo tlopa he akheihawhpa rai chasala police zy ta hmodopa pahnopapua awpata riahpha kawpata alaichadai eisala tahpa khoh nata, hmodopa pahnopapua awpata amo police dahdei chhaota alaichadai awpata ama ngah vei khiatala police tlah cha vei ei. ei maochhie kaw ei. Tawhta hmosiapa pahno thlah tlo eisala ama witness ngah leipa he ei maochhie kaw ei. Marasaw hmodopa liata riahpha lyma tua s'uh. MTP ta he hmo ama taopa he ei pyh khei kaw marapa acha vata cha leipata,hmodopa biehneituhpazy ta ama laichadai papua ngah leipa he ei maochhie kaw ei. Hmodopa liata Marasaw dua lei awhpata ahawna ei tao pa. ADONA TA EIMA RAH RYU REIH BA MAWH SY!!!
-
|2012-01-17 14:39:15 HV.BeihaluaA tlah chha chaina liata DUA LEIHPATA' ei tahpa he riahchhielei awpa tahna a cha.
-
|2012-01-18 08:55:08 PajawnFacebook group sakha, Kolodyne group liata ei post pa, admins zyta ama vaw remove hapa ei vaw share hra.....
"A tirah chuan MTP meuhin hetiang thila bandh an huaihawt hi ho ka lo ti deuh hlek a, Saiha khaw pawn atanga a lan dan leh Aizawl lam atanga thlir chuan MTP thil tih hi a ho ang reng viau mai thei. Mahse ngaituah chianin a huathlala awm em tin a ni. Pu Viasaia khan amah kutthlaktu te chu zawng chhuaka an phu tawk hremna pe turin FIR a thehlut a, MTP pawh a rawn lem lo. Mahse kar hnih lai liam hnu ah pawh an la hmu thei lova. A thuhrimah tuman kei ka ni chu an ti dawn chuang lo, mahse Police lam thawhhona a that viau chuan zawn hmuh mai theih a ni( a witness thei tur pawh an awm). Police lam hian eng te ual ah mah ngai lovin an lo bawhzuih tha duh lova, he thil hi hnam leh hnam inkar pawi thleng thei a ni, te an rawn tite kha a mak khawp mai! He thilah hian hnam leh hnam inkar engmah a inzep lova, pawikhawih tute hremna pek chu a victim in a duh ber a ni. Pu Viasaia leh MTP lam hian chi leh chi hawi zawngin kam khat mah an sawi hmasa lova, he thilsual titu mi dawizep tak te leh, an thurualpui , an thianzaho leh an veng chhung mi thenkhat te rawn chawhchhuah leh bawk a ni! Hetiang anih tak avang leh Police lamin hna an thawk tha duh si lo ah chuan MTP in hma ala ta a. A nihna takah chuan kha bandh kha Saiha Police te lakah an vuina te pawh a ni. MTP chuan a tihtur dik tak a ti zawk a ni. Mu leh mal nei lo leh, thil hrechiang lo khan MTP thil tih hi lo sawisel vak tawh suh u, FB group dangah te diklo taka thil post leh comment I ching tawh lovang u."
-
|2012-01-18 11:16:57 MrpaWell said Pajawn. Marasaw chapawsaw kawpa ta he hawhta group liata Tlaikao reih chhaota achhyna vaw tao lyma tua u... ama nep tu haw.. Biedopa pahno leipa ta ama rei chakhyh ngathlahpa he ai achhih kaw, chavata, Pajawn y, nama hawhta riahpha kawpa ta heh hawhta hmo reihpasia laihpazy he ei cha pasahsa kaw ei. Achah eipa hnei pha vei, anodeikua biedopa a reihtuhpa deikua khizaw a y chhohta pasahsa ama chhih chai.. well done!
-
|2012-01-18 12:00:15 Anonymoushmo do leipa tao tu pa cha,,dah hawta hrie ei se,ano kahro ta nata ama uai a thuai via lei nw pata ama phu na rakha ta action la ei se.he hmo parao tupa jy he hmo byu ama ccikaw..
-
|2012-01-18 13:54:25 mr.peace lovingnew saiha tlangval dawizep ho inni le ami??? mi beihrawn te hi an uar tawh lo.
-
|2012-01-18 17:50:43 Anonymousbie dopa nama vaw post pa he a pha kaw..hmo do leipa tao tupa zy hrie awpa ama cha...
-
|2012-01-19 07:30:36 MarapaHe thati he a a dopa cha y thla ha awta, khavata bie dopa a pua thei vei. Khavata he hawta, chi nata chi tapazy a y tyh. Keimo Mara pathlaipi he Chihropa rei eima pasa sah kaw tuh na. Mara pa na cha na a vaw my kha y.
-
|2012-01-23 06:17:44 VA oh pawMara and.Net ta HMO y dah a report zie tawhta mopata cha MTP hmotaopa he AMA Tao awpa tlai AMA taopata a la. Chipho kyhpachana nata biedopa pahno khohna vats he HMO he AMA taopa a cha. MTP zy, MSO zy, MCHP zy he Marapa chi nata Mara rah a duakheituhpa AMA cha hmeihseih. Hy py zy he tha patlo khai ei duh u.
-
|2012-01-23 08:52:50 Br' ChozahH.V.Beihalua reipakhi a do hmeisei tahpa ta ei pyna dah acha hra.
Police ta kheihawpa rai liata ngiachhiena nata hmiahmo na a hnei awpa cha vei, hnei sala ahria vei khiala hmo sakhakha cha moleitupazy tawta ama taohpa acha tahpata lahlei thei awpa cha vei. Phuh lana tahpata apyna anao ngasa.(Eg. Phusa zy piepata police ta a chah khei).
Hmo ngiachhie tlah awpa nata ngiachhie achhih ngasa hmota acha ha khiala Mara pa eima cha na la tawta dyhna cha eima taoh cheingei awpa chata cha, MTP nata Akhisah(SIAHA) nopaw nazy ta ama tao khei awpa acha.
.
.
. 
