SIAHA, Nawh 23 (DIPR/Maraland.net) - Siaha district Deputy Commissioner (D.C.) Puhpa Kunal chhithana ry liata sawkha lata chyhsa peimawhpazy 19/01/2012 khata D.C.'s Conference Room atyuhpakhypa cha ta Inner Line Permit (ILP) cha a i viapa ta nata yzie hnei viapa ta siekheipa cha sala, tahpa pathlu ei ta; Myanmar (Burma) chyhsa, Mizoram chhoh liata o tlohpazy cha ngia khaipa cha mawh sy, ama tah.
(Puhpa Kunal, IAS, Siaha D.C. chhihthana ry liata meeting ama hnei nganopa nothlahpa. Pic courtesy: DIPR)
Mizoram chhoh liata Myanmar chyhsa a vaw paihpazy pakha n'awpa a cha thei n'awpa ta MADC liata LAD department hmahlana ta vaihto liata Village Council (VC) zy ta register pata sia kawpa ta tao ei sala, a khihchhoh liata o a ypa nata a tlohtuhpa ama ngia ba awpa a cha. He meeting liana heta district council chhithatupazy, veiseih py chhithatuhpazy, political party chhithatuhpazy nata police department la ta luhpazy ama hlao.
Sources:
- Saiha district official website - Saiha.nic.in nata DIPR Mizoram website
-
|2012-01-23 12:45:36 ApawRegistration cha a pei kawpa ta pahno vana. Anodeikua, legal protection ama hnei via n'awpa ta khodah hawhta ama unawhpazy rah liata ama charei thei hra n'awpa ta dah taopa ei chasala, moleipazy avaina chata a pha kaw hra aw. Nepali nazy he India liata khodah hawhta lohratlo kawpa ta charei ei ta, chazy chhao ama chu thei. He hawhta keimo eima unawh heihpazy - Mara na ngala chaleipa ta Chin chyhsa zydua cha heta sawkha biehneituhpazy lata a pha viapa lobby taopa ta hiapa ei chasala a pha kaw nahta ei pangiasa cha maw. Cha hawhpa y tloh leipa ta registration tao khohna support chakhy awpa he ei tha thyu tu vei..
-
|2012-02-04 09:32:36 Anonymous - fc,,,malaysiamyanmar chy sa zy pi he eima lia ri tlo na ra nata ei ma ti nata tla lia ei ma y kho kaw,,,, cha hra sa la eima sawkha pha lei na va he ta ra hro pa la ta ei ma pai khai haw,,, a i via pata burma mara chy sa zy ei ma cha via nata ei pa ngia sa,,,,,
-
|2012-02-04 17:30:20 AnonymousHe a pha kaw nata ei pangiasa hra. Eima rah nata Mawrah liana heta achahchhieta ta dah-leipa ta a vaw ngiapa nata a vaw paihpazy tawhta buana vaw tlo tyh ta. Foreigner Issue he a vaw y tyh. Buana a tlo tawhta action la tyhpa he cha, pei a hrialeipazy cho liata taihta buana tlokhei tyh ta, chanota buana ziza a vaw pai via nata a ualuapa hawhta eima sie ha heih tyh. Chavata atahma sawkha hmah a vaw la awpa he avaihna cha ta, a hlaotloh khiala a phahnai kaw aw. Tawhla, zawpi chhao ta sawkha he baokha thai ei sihla. Achahta cha eima unawhpa, eima rah liata vaw ypa, pei a hrialeipazy cha ama duasu pahnokhei thai ei sihla. Anodeikuala, chyhsa phaleipa tawhta eima vaih thei nawpa ta Dah eima hnei awpa deikua hela abyuh hmeiseihpa ta ei pahno hra.
-
|2012-02-08 18:51:20 AnonymousAw... a do ngasana, Chasala, nama pahnochiepa hawta Burma rah he rah phapa cha leipata, chavata arah saw zy pihe arah chhoh liata pahrathei khaoleipa pita eima unaw nama yna India mara rah deisai chaleipata pahnopatheileipa rah la liata chhao thata eima vaw pahra haw.
Eima rah he apha kawpa chasala hehawta viavileita na mo hawta palo paha ngasa pata eima y thei hra awpa acha.
Ahlu viata Burmese India la apai pa nah zypi he Marasaw tla eima cha. Mara a cha leipa chysa aypenaw he business ataopa ama cha hlu via. Mara saw cha dyhchhiepa eima cha pa hawta hmohropa zy paliepa chhutaota chysa pabua awpa he eima y tupata pangiasa vana.
Burma chysa India lata apai "pakha" a tah pa he kheihawpa chysa reikhopa cha leipa ta Mara saw zy pihe tla eima cha.
Chavata hmo tao awpa eima chhua khiala MIZORAM STATE, ALL INDIA nata ALL BURMA pahno khai theiawpa taita NEWS papuapa chasala, tawta hriakhiala ala ha ngasa pata burma chysa India mara rah liata ay chiehpa chhao papuakha hawpa cha sala apha via syulyu awpata eipa ngiasa.
.
.
. 
