Siaha, Nawh 23 (maraland.net) - Shillong liata 1st Year BA achu haipa St. Vabeichhitha Khaimeichhô, ko 21 s/o Evan. K. Choma, Missionary (ECM) to Tripura cha a daihti lei kawpa liata chhoh la pasana vata Pahanoh, 22/01/2012 zala 5:00 p.m. rachhoh khata Shillong liata maniah a paha sai haw.
A pasana chaipa bie daona ta a rei dah ta, St. Beichhitha he a rih chie ta, operation tao awpa ta a Blood Pressure (BP) a hnai tuha vata ama ha chyna liata a hrona he a daih khao leipa ta maniah a vaw paha sai hawpa a cha.
Zahnia pyly khata Shillong tawhta eima rah la a ri he pangai khei haipa cha ta, Chapi khih liata pabu awpa a cha. Palasa chiehpa hawhta St. Beichhitha he BA ko khana achu haipa cha ta, Bissau College, Nongthommy, Shillong liata a chu haipa a cha.
Satlia thyudyupa ta a daihti lei kawpa liata maniah a paha sai thlahpa ta i pita, a siesaipazy eima taokhei ngaita. Machhie a sapazy chata thlahchha bao chyu suh vy.
-
|2012-01-23 08:00:59 Angel BNUnw..na daihti lei kwpa liata miah navw paha sai pahe keimo na viasa nw jy pita eima ca i hmeisei...
-
|2012-01-23 08:07:43 Brandon Hnaipaw ChozahUnaw, cha eima khitlyna khizaw baochala, pasana hrichhihpa he chha beihlei pata maniah avaw to thlu nga he zaw, pa saileina chota niah na vaw siesai hapa cha eima paloh pha thei rima vei, Eima paw tlyzaw paha na O liata niah vaw ha cheingeih bei ma y...
-
|2012-01-23 08:22:05 Vanoh pawCha a vaw pei rima cha! Shillong liana eima y vei chhoh cha ta, a pasapa Chhao vaw pahno hma leipa pi ta. A paw, Evan K Choma nata a no zy he chyhsa sia kappa, Khazohpa nata chakaona kyh a pacha kawpa cha ei ta, Beipa ta AMA thlah rie paloh ei se!
Satlia Beichhihtha, na paw locho lichih ta chhazaw rah la maniah na siesai thlah hapa cha, eima cha pasaih lei ngasa thlah ha. Khizaw Ngia bah lei ta va sie la, na Beipa hnohta tlyzaw ta a ly mah y!
-
|2012-01-23 13:36:58 Anonymous - Judith PawSatlia Chhichhih ta maniah a vaw pahasai thlahhapa he pei tah hmeiseih na ta, a chhohkha nata sanawh, viasazy ei taokhei hmeiseih ei. Chhichhi-paw, Evan CK Choma nata a chhohkhazy he Tripura Mission Field liata ei hrialahpa, uhta nata chhohkha hawhta eima tlyhkiah tyhpa cha ei ta, he hawhta ama sawchapaw uhtheipa, satlia siapa nata a reisi kawpa maniah a vaw pahasaina kyh liata ei paloh a pasa hmeiseih hra. Abeipa ta thlalohna rie pie ei sala, ypa mawh ei se.
-
|2012-01-24 07:58:12 beilytha khaimeichhoEi nawta y,eima raochha leina daiti liata miah na vaw paha sai hapacha taothai aru eita hmeiseina. He khizaw akileina rah achapa vata chapasai thai vei hrasila,eima taotheina y tlova.Abeipa ta thlalohna nata hnangana mia vaohei chyu mawse.
-
|2012-01-25 08:20:23 Anonymouszako kha eima cem samopa delhi liata a mô saopata thi ta!!? Aizawl twhta a ri kw pathlie pachao ama hlu ngasa, eima headquarters ngo na jy chao a ki thei chaina hawta beinô hleidy taihta ama ja dy hra,news lia chao a thata a chapai hra!! Tahma ta eima viasa ecm missionary deikua aizawl lia chao chyhsa chy tata vw dy ei ta,beinô taita ama ja dypa thath paro tla vei!! Ei hiahrina-delhi liata a thipa ma peimwh via ma shillong liata a thi pa mw? Politician saw thipa he missionary saw a thipa nata a lyu hla vei ma? A mô saopa he pasana hropa vata thipa hlata a peimawh via ma? Hneirôpa thipa eima tao khei dah nata dychhiepa eima tao khei dah he a nano awpa a cha ma? Eima ngo najy heta dyphapa a thipa ngahla ma kaochao taita ama dy tyh awpa a cha tly!?
.
.
. 
