BANGALORE, Nawh 23 (maraland.net) - Satlia Lalhruaitluanga Phiapi Solo s/o Puhpa P.S. Chhuasa cha University of Salford, Greater Manchester, UK tawhta M.Sc in International Marketing hlaotloh kawpa ta a vaw patlopa cha a no nata pawzy ta kyhchhina chhaota Bangalore liata nopaw nata py chhithatuhpazy hruapa ta Pachyhnoh, 21/01 za khata alyna ama taopa.
St. Lalhruaitluanga he Mampuia, Philip tahpazy aw tyhpa cha ta, Bangalore liata Kristu Jayanti College tawhta BBM a patlo khai tawhta U.K. liana heta Master degree he a za tao heihpa a cha.
A paw Puhpa PS Chhuasa, Amyubyu khih puapa he United India Insurance Company Ltd, Bangalore liata Regional Manager, rai laipa a hria haipa cha ta, ano he unawh sai pathoh hry liata a liahlohpa a cha.
He programme ama hmana chha chaipa cha Khazohpa tawhta byhna ama daopa ama lyna chata a cha chaipa ta ama reih. He zala nie pahmaohna chhaota ahmana liana heta Bangalore liata Mawrah tawhta awhnanopa, fellowship nata NGO a ypazy liata chhithatuhpa nano nanopa tawhta hrua eihpazy ama pua pha kawpa ta bie daopa a cha.
St. Mampuia he atahma thlapa thla chhana liana heta UK la sie pakhua ta, a hlawfa nazy tluata, a ryhpaoh tita he line lia pyly heta Ph.D zy taih chhaota tao awpa a khohzie a reih.
He hlaotlohna a vaw daopa he a lykhei hmeiseih pita, Khazohpa china cho ta hmiala chhao byhna a to pazao lyma awpa ta eima khokheina a sah chaipa eim hla.
-
|2012-01-24 06:11:16 AnonymousA taopha kaw na.. Congratulations. Mara sawzy chata byhna vaw cha ma y.
.
.
. 
