Maraland.NET - The Home of Mara people on the Internet

SIAHA, Nawh 26 (maraland.net) - Atanoh, January 26, 2012 he India Republic Day chata suto liata aly kawpa ta hmapa a cha. India rah chyhsazy pi ta India dahpipa (the Constitution of India) cha January 26, 1950 tawhta a parohpa Government of India Act 1935 cha thlapa ta vaw hmah pathao pita, he noh he India Republic Day ta aly tyhpa a cha.

(Rajpath, India President O nata India Gate lihkawh liata ko heihpa liata Republic Day nothlahpa. Pic courtesy: Reuters)

August 15, 1947 khata British ryureina tawhta Khotalaina (Independence) hmo ha tarawta, chahrasala Dah (Constitution) hnei mah leipa ta, King George VI daihti liata Gov't of India Act 1935 bahta pananopa cha hma chypa a cha.

August 28, 1947 khata eima dahpipa Drafting committee cha paduapapa cha ta, Dr. Bhimrao Ramji Ambedkar (B.R Ambedkar) cha Chairman ta atlypa a cha.

He drafting committee ta India dahpipa cha he November 26, 1949 pa khata apypa cha tarawta, hma pathaona daihti deikua January 26, 1950 a cha.

He January 26 noh cheingei ta dahpipa hma pathao awpa ta pasupa a chana chhapa chhao he ko 1930 pa ta India rah khotalaina chata a vaw hriatuapazy ta India rah khotalaina ama phuah tuana athei thlaha nawpa ta pasupa a cha.

He noh he India sawkha chhuti cha ta, India rah suto liata flag paraina daihti rohna kawpa ta ahma chyu'pa a cha. A pipaw chaina su awpa cha Rajpath, acho liata nothlah liata palasapa su khi cha aw ta, Chief Guest chata hruapa cha Thailand chano Prime Minister tuachaipa Pihno Yingluck Shinawatra a cha.

Maraland.net a hmahtuhpa zydua Republic Day Samaw eima cha hla.

• Add New
• Search

Comments (0)

Write comment

Your Contact Details:

Name:

Email: do not notifynotify

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Powered by !JoomlaComment 4.0 beta2