SIAHA, Hmyhpi 1 (Maraland.net) - Mararah khihpi Siaha liata ahmie zuana (Subzi Bazaar) zatlo chy ta chachah la ta ô a ypa hluhpi cha ataza Pakhyhnoh, Hmyhpi (feb.) 1, 2012 za heta thata ka ta, my 12:25 a.m. (2nd February) rachhoh ta a diah chyu chyu, odyh 46 pahrana a ka hma haw. Chyhsa hrona deikua a lei hrao leipa ta pahnopa a cha. Update hnoh chaipa a ry lata a y.
(Siaha liata o kapa nothlahpa. Photo courtesy: Sufflegie Nif-t via facebook)
Mei kapa a pasa kaw vata a vaih chhoh liata a y leipazy chata o khazie tlaima a cha tahpa he he thatih eima vaw so nona heta pahno thei mah leipa a cha. A kana su tawhta biedaona ta a rei dah ta Subzi Bazaar cha ka leipa ta, subzi bazaar zatlo chy ta chachah la ta ô a kaw paziahpazy kha a kapa ta a rei.
Mei a kapa he he biedaono heta kheihawpa tawhta athaopa ma a cha tahpa pahnopapasia kawpa cha leipa ta, chahrasala ama pangiasa chaipa cha CTS School kiah liata thopi daoh tawhta a thaopa ta pangiasa ei ta, he heta a kiahpa liata thopi daoh hropa a hla ta, cha tawhta o hropa a kaw hla lymapa ta ama reih. Thokha ta thopi daoh tawhta cha vei, o sakha tawhta a thao, a tahpa chhao ama y hra.
He hawhta meikapa he a pasa kaw vata, a cho lata sohdaoh hluhpi cha ahneituhpazy nata vaihto tawhta veiseihpa ta a vypazy ta ama hmozy sohdaoh tawhta puakhei ei ta, a boh n'awpa su lata palypa ei ta, veiseihpa ta a pie kawpa chhao ama hluh kaw tarawpa ta mei kapa he a chatlie tuha rairuna thata ama tyh. Ama hmozy chhao he hawhpa vaduana atlo nganona heta a lei lei awpa ta hnabeiseihpa a cha.
Meikapa he pachhai thei rima awpa cha leipa ta, o hluhvia syulyu he rahva o (Assam type) a cha vata ru pachai ta, tawhta a lihkawh liata meipatina gas byh he pa (explode)-pa ngathlah ha ta, tawhta o zy chhao a hnia ta, a chadie kaw sai vata a ka nao pachai heih. Chavata, a chheipa liata o hluhpi cha hmobyuh paly papua lymapa cha ta, a cho lata lalai lia khata hmobyuh hlupi chahy thlahpa cha ta, motor a sie n'awpa chhao aryhpaoh leina taihta a cha.
Ataza Siaha khihpi a zoh ngasa. A pua theipa maihta pua ei sila, baongiahpazy bao ei sila, a su liata a y leipazy pita eima thlahchhana liata kha a thei chyu suh vy.
UPDATE at 12:20 a.m. on February 2, 2012: Atahma o hropa ka via khao vei. Hluhvia a diah haw ba. O a kapa zydua he khazie tlaima tahpa pahnopasia thei leipa pita, o 20 rachhoh a pha thlah awpa hawhta eima pangiasa dah a cha. Chyhsa hrona deikua a lei hrao tla leipa ta pahnopa a cha hra.
UPDATE at 2:00 p.m. on 2nd February 2012: MTP la tawhta bie eima daona dah ta O a kapa zydua he 38 cha ta, he ozy liata khih asapa odyh 46 zy pahrana a cha. O hlata odyh ama hluh viana chhapa cha o thokha he chhah no (2) pazy a cha vata a cha.
Note: Abyuhna hawhta eima vaw update lyma aw.
-
|2012-02-01 18:01:08 Anonymousapei da la khama tao thei pa hnei hra vei si la thla chha nata bao su vy...........javascript:JOSC_emoticon("
")
-
|2012-02-01 18:05:35 newcolony royal kinga vaw pei da cha thati a sia kaw ta pahno pa na byu da cha...........a pei da la aw..................apei ngasa thlachha na chota bao su vy..
-
|2012-02-01 18:42:30 Parei LapiThlachha khei aw va ama ngia hmeisei na,keimo mara rah khotho la y va zy pita eima tao thei chho va acha,tawlala mara sawzy bie eima ta kho kawpa cha ELECTION TITA RAH CHATA HMOPHA TLO KHEI NGA TU AWPA EIMA PEIMAWH HMEISEIH,FIRE MOTOR CHHAO EIMA HNEI VEI HI.
-
|2012-02-01 20:10:19 Anonymous - Vâduana vs. VâhneinaSiaha khipi liata vaduana laipa atlôpa a châ. 'A pei kw' tahpa nata 'thlachhâ bao awpa' tahpa leipata rei awhpa chhao y vei. Anodeikuala,Abeipa ta he vâduana rarôh-ypa he Mara mapi zy ta 'bazaar' su phapa & thieh viapa tlao eima hnei khei nawhpa ta rai a hria khoh vâta eima châta vâhneina tlao a vw châ hw! Abeipa mo reithaipata y sala, a hmah lana liata alykw ta eima mo khaihnao hri ei si.
-
|2012-02-01 20:12:48 paduaA taza la palo pasa gasa hapa ama hlu kw w.....tahma tw tala ahy rai a sosi kw pata ema hro b wpa a peimw gasa...
-
|2012-02-01 20:43:06 Anonymousapei kawna tatu, chahrasala eima rah chyta mararah he Khazohpa ta kyhmaniah pacha ngasa tlota, ano kholei nazie hawta eima y awpa he ary vei,chavata ngiachhieta marasaw zy a lai a chy eima zydua ta amo pasia na awpa eima hnei khiatala amo pasia chyu ei su vy...... Thlachha khei awpa la myh kha ei su u...
-
|2012-02-02 02:06:59 Judith PawA pei dah rima chala! Eima rah mei ta chhiena a tyhpa hry liata la a raroh a y chai thlyu na, ei tah. Vaduana atyhpazy ei taokhei hmeiseih hra.
-
|2012-02-02 02:07:45 Biesoh - Cha apei rima cha!!!Eima khihpi hnei chhohpa Siaha khihpi he hawhta mei miah avaw kapapa cha palohpasa leita y thei vana. Chyhsazy ama boh baoma? Meikapa liata Chyhsa thi leipazy ama y hraoh baoma? Thlahchha bao lyma suh vy!! Eima khihpi padua pakhua suh vy!!!
-
|2012-02-02 04:29:47 DD paw - Hmo taona chhao taThlachha pasai ta cha lei pasala Hmo tao na he ta pala sa chyu suvei
-
|2012-02-02 04:45:22 apple - ummm..................Ummm.......................! ............Tapa awpa hly ta khapa e eitao thie aw..........
apie da cha Saiha khipi
-
|2012-02-02 07:08:45 Vanoh PawA pei dah rima cha!!
Siaha liata mei pachhaina khaw (fire engine) vaw hnei mapi lah i?
-
|2012-02-02 07:50:17 Ngokhipipaw - chahai cha aw!Atamy liata ei mobile phone liata SMS eivaw dao tuapa liata eima siaha khihpi meikana thatih cha eipaloh liata araroh y kawta, apei eita hmeisei.
Siaha lata ei viasa nawh zy thlai bie avaw chho pala ei na ta,, meikana athaona he chyhsa pakha secondhand zy azuaty hrapa, chyhsa aheihnoh apha ah leipa ta sahma pari ta ei o na meita eiraoba aw tahpa tawta athao pata eina chho..ado va tly ma? khih liah/ ti liah bie ma acha vatly.
.
.
. 
