SIAHA, Chutyhnoh (DIPR/Maraland.net) - Tari noh 1.2.2012 za ta Siaha Bazar liata meikapa raroh y kawpa cha a su lia cheingei mo awpa ta minister pano Puhpa S. Hiato, PHE, etc nata Puhpa Zodintluanga, UD&PA, etc zy ta atanoh (Chutyhnoh) nohchhoh dawh 12 khata Siaha ama kaw tlo.
(Puhpa S. Hiato, Minister i/c PHE, etc bie reina a hnei nopa)
Minister zy he chhiena atyhna su kiahpa liata chhiena a tyhpa chhokha, official zy, V/C nata veiseih py nano nanopazy ta vaw dy ei ta, amo ama dyna liata biereipa ta, Puhpa S. Hiato chata Siaha khihpi ta meikapa vata chhiena raroh y kawpa a tyhpa cha pei a tahzie nata paloh hmeiseihpa ta meikapa a taotuhpazy a taokhei zie reih ta, baokhana rai thatlo kawpa ta siekheipa a cha thei n'awpa ta sawkha ta thapi a papua aw, a tahpa hra.
Puhpa Zodintluanga chhaota bie reina hnei ta meikapa a taopazy a taokhei zie reih ta, he hawhta a cha nona heta he hawhta chhiena he politics liata tyuvyuh phana chata hma achhuah tyh pita, a pei ei tah kaw, a tah hra.
(Minister Puhpa Zodintluanga, right nata Siaha DC Puhpa Kunal IAS zy)
He daihti liana heta chhiena a tyhpazy baona cha ta Mizoram governor Puhpa Vakkom Purushothaman cha ta Rs.78,000/-; Puhpa Zodintluanga, Minister chata UD & PA Department tawhta o sa pathi n'awpa 1st installment chata chhokha sakha chata Rs.40,000/- chyu nata amo chhokha chyu chata Rs.1000/- chyu a pie hra ei.
Siaha DC office tawh chhaota baona chata chhokha tota rs.10,000/- chyu nata blanket nata silpauline 100 a piepa ei.
He chhiena atyhna liana heta meikapa vata a taopa zydua cha chhohkha 66 cha ei ta, New Colony V/C pahlypa chhoh liata chhokha 48 nata Vaihpi V/C pahlypa chhoh liata chhokha 18 zy ama cha. He meikapa liana heta mopakha o 29 nata MADC quarters 3 zy cha a ka khai haw.
(Minister zy meikana su ama tly nopa)
Meikapa vata rairuna atyhpazy mohohna nata ama o sana rai thatlo kawpa ta siekheipa a cha thei n'awpa ta member 11 yna Task Force Committee Puhpa N. Chakhai, Additional DC chhithana ry liata paduapa zy nata Minister zy chhaota a tyu khohna thlai ama hneipa.
He meika no ta thapi phiapa ta rai a vaw hriatuhpa hry liana heta PHE Deptt., Fire Deptt., nata MTP General Hqrs. zy nata mopakha 15 zy hnohta reithaina Certificate zy Minister heta a hlapa ei.
Source: DIPR website.
-
|2012-02-03 13:50:06 AnonymousTha nah za ta a bao tuhpazy Abeipa ta byhna cha pie maw ei sy. Vaduana a ty pazy cha tao khei hmeiseih pita,a pasai ngasa pata a bao tuhpazy Abeipa ta byhna cha baichha ei maw sy.
-
|2012-02-03 17:06:10 Maraland PostVaduana raroh kawpa eima rah liata atlopa he atheipa nata a thatih a vaw pahnopa maih ta pei eima tah kaw sai. Pei eima tahpa reihkah ngalah he a daih thlahha aw ma, tahpa thata ei pacha cha. Pei a tahpa zydua heta tlaw 100 chyu thyu thei ei sihla, vaduana atyhpazy he a rakhapa - thuakhai 1kg sakhazy cha a chalei thei hr'aw vei ma?
=
Atanoh Mawrah sawkha heta vaduana atyhpazy duasu a vaw mokheipa he ly a chhih ta, thlah maniah ama paloh ngaita kaw. Anodeikuala, ama baona ngalah heta o paduana khi atloh theipa cha leipa ta, chavata pachana dah hropa pacha via ei sihla, abyu kawpa ta ei pacha cha maw.! kheihta nama pacha hra tly?
-
|2012-02-03 18:16:05 AnonymousAizawl liata chhao YMA nazy ta baona byh pahy ei ta, chyhsa hluhpi ta a pasai kawpa ta vaduana tyhpazy chata ama vaw thyupakhy lyma tahpa thatih eima thei. Lytai, Lolei nata khi hro lazy chhao a cha pyly, ama tah hra. Ama tao pha kaw.
-
|2012-02-03 18:54:31 mara seed - Rah kypacha tupa dopa/do leipaAma vawtao pha ngasa na.....mara rah khipi liata vaduana ama vawty pa vata minister zy kawtlo thei eita,,,,,,,,,,sakha keita tahma taita palo liata yty pala N. Laty khi kiapa liata current ta patu pata athipa chhokha zykha tahma taita baona/minister kwtlypa ama y pata pahno vana, rah ky ama pacha hmeisei khiala ama bia ngala pacha leipa eisala mara rah chho liata chhiena raroh ypa liana heta hmala lyma eisala tapa eikho ngasa, current patupa liata thipa zykha chysa pachaki(9) ama hrona leita tahma taita baona chhao hmo ma leioa hawta acha.
-
|2012-02-04 11:56:03 siaha college vaih - chysa pachaki current apatupa sahlaoKhi acho liata na reipa khi ado kaw. Bie daona zie ta Mawra Sawhkhata thanai/zonaina chata Rs 9.oolakhs sanction h ta daihti reileipa liata mo pakha ta Rs 1.00lakh hihsa ta tlai pie awpa/ rai awpa acha aw pata bie daopa acha.
.
.
. 
