O kapa 29 sa pathi n'awpa cha ta Rs.49.3 lakh pachhuahpanoh
SIAHA, Hmyhpi 3 (ZZt/Maraland.net) - Siaha New Market, Bazar Vaih liata meika vaduana atyhpazy hnohta Mizoram sawkha chata Urban Development & Poverty Alleviation Department siepahliepa ta ama pahrana o sa n'awpa chata Integrated Housing and Slum Development Programme (IHSDP) siepahliepa ta chhokha 29 hnohta first installment chata Rs.40,000 chyu atanoh khata a hla ei.
(Minister Puhpa Zodintluanga, right ta state sawkha tawhta baona Siaha DC Puhpa Kunal IAS hnohta a hla)
Meika ataohtuhpazy chata apakhyna liata UD&PA Minister Puhpa Zodintluanga ta phusa he Siaha DC, Puhpa Kunal hnohta a hla.
Siaha New Market liata baona hlana apakhyna he MADC, CEM Puhpa S. Khipo chata chhitha ta, Minister S. Hiato, Zodintluanga, Siaha DC Kunal zy ta bie reina ama hnei.
UD&PA minister ta i sa pathiena awpa ta phusa a hlapa zydua cha a zydua ta Rs.11,60,000/- a cha. Phusa he pie baichhi via lyma awpa ta rieh ta, O sakha sa n'awpa chata chhokha sakha ta ama dao awpa cha Rs.1,70,000 chyu cha ta, sa khai tawhta a zydua ta Rs.49,30,000 (49 lakhs) pachha awpa a cha.
Siaha Bazar Vaih meikapa cha Zodintluanga chata internet facebook siepahliepa ta Maw saw zydua pahno awpa ta palapa a cha zie reih ta, "Maw zawpi khizaw su nano nanopa liata a ypazy ta meikapa ataotuhpazy ama ngiachhiena bie palasa ei ta, ama taokhei hmeiseih," a tah.
Meikapa ataotuhpazy bao ta, hro ryhpa hawhta ama hro pakhua thei nawpa ta hmala awpa ta Task Force Committee cha February noh 2 khata Siaha liata paduapa cha ta, hairman N.Chakhai, Project director DRDA/Addl DC, Vice Chairman V Zacho, EO MADC, Member Secretary Donny Lalruatsanga, BDO/ DTO nata member hropa 9 ama y. UD&PA Minister Zodintluanga heta zahnia kha Task Force Committee zy he meeting hnei khei ta, o sa n'awpa dahzy ama rei pahmaohpa hra.
Mara Thyutlia Py (MTP) President Dr. K. Rakhu chata Salvation Army tawhta sapha nata amona khazieleicha tlaima ama dao haw tahpa reih ta, baona ama daopa zydua cha atahma he Rs.6 lakh rachhoh a tloh hawpa ta a reih hra.
Zahnia sawkha biepuapa ta a palasa dah ta he chhiena atyhna liana heta meikapa a taotuhpa zydua cha chhokha 66 cha ei ta, New Colony vaih chhoh liata chhokha 48 nata Vaihpi chhoh liata chhokha 18 cha ei ta, o 29 nata MADC quarters 3 cha latlah y leipa ta a ka khai hapa a cha.
Meikapa a taotuhpazy he Mizoram governor Vakkom Purusothaman cha ta Rs. 78,000 pie ta, Saiha DC ta Rs. 10,000 chyu nata blanket 100 nata silpouline 100 a pie ei. UD&PA Minister heta ano-eih ta baona cha ta Rs. 1,000 chyu a pie hra ei.
Source: The Zozam Times
Related:
- State sawkha Minister panozy Mei kapa vata Siaha tlo
- Siaha Meika Raroh y kawpa pakatuhpa a phuah (Videos)
- Siaha New Market Meikapa Official Report & Photos
- BREAKING NEWS: Siaha khihpi Subzi Bazaar kiahpa ô hluhpi ka
-
|2012-02-04 17:39:10 Msmwell done n its really comforting n happy for those victims family to hav such a considerate leaders and Govt
-
|2012-02-05 11:06:45 BosechHe Siaha liata hmo a tlo pa he apei ta hlei kho pata rei via naw pa chhao pahno thai na. Anodeikua he raona he achhiena la saita tlapa cha leipata, he raona tawh heta tlao a pha na lata apadua pathi a chhua ei su u. Eima khipi y zie nei leikaw pa he, he araona tawh he ta y zie hnei viapata eima sawkha thatlo kapa he ta hmala sala, vadua atyhpenaw o zy tla sa cha khyh lei pata y zie hnei kaw pata plan hnei ei sala, eima khihpi he mohropa zy ta chhao ta mopa tlah khihpi ama ta aw pa taihta tao ei su u.
.
.
. 
