DELHI, Hmyhpi 5 (maraland.net) - February 2-3, 2012 liata MSO Joint Headquarters, Delhi ta Shimla la Trip hnei ei ta, dahhaw yna motor sie thei khao leina liata ara (horse) 35 hire ei ta, ama chhuahpa hawhta ly y kawpa ta daihti ama hmah. Ary liata report nata nothlahzy a y:
 |
| Kufri liata member asiepa zy |
Trip asie theipa he Chapaw 21 nata Chano 14, aima zydua ta chyhsa 35 zy cha za dawh 11.50 p.m pata ISBT Kashmere Gate tawhta Chandigarh pangai pata siepa chata, February 3, my dawh 4.30 p.m rah chhohpa liata Chandigarh atlahpa ta eima tlo.
 |
| Krufi su liata a siepa zydua group photo |
 |
| President nata laihsa thokhazy |
Chandigarh tawhta Tempo sano (2) nata Innova sakha (1) hmapa ta my dawh 5.00 a.m liata Chandigarh tawhta pua hei pita Shimla tlo chy liata member zy motor ama kiapa ama riethei, thachha, nodi kawpa vata buakha hmo zy nie pita, varopi eima paha tawhta sie hei pita dawh 9.00 a.m pa lia ta Shimla tlo pita, Shimla lia apaha leipa ta dahhaw (snow) tlana su Kufri pangai lyma hei pita my dawh 9.30 a.m pa liata Kufri eima tlo, dahhaw (snow) eima hmopa pacha motor eima paripa zy my khai pita sahlaozy ama thapawh ngasa.
 |
| F1 Drivers zy |
 |
| North Delhi F1 Drivers nahzy |
 |
| Dahhawh thih liata satlia laihsazy |
Dahhaw (snow) atlana su la he motor angia thei leipa vata Ara (Horse) 35 hire pita, 5Kms cha Ara (Horse) ta dahhaw tlana su la eima pangai. Varopi Kufri su liata apaly pa uasana nano nano pazy zy nata nohthlahpa alana zy hnei pita, Shimla City liata sightseeing zy eima hnei hei awhpa a ypa vata, no ai achhihlei kawna chota zahla dawh 3.00 p.m pa liata Kufri puasai pata Shimla su pangai pata eima lie lilaw haw.
Shimla liata eima pheita khihchho liata akhie kha pita, nohthlahpa ala zy hnei pita zahla dawh 5.00 p.m pa liata Shimla puasai pata Chandigarh la eima lie lilaw haw, Chandigarh liata Satlia, Beiryrao Syuhlo (Mampa) nata aviasa (Punjab University) zyta ama campus chhoh liata eima zydua ta dinner paha ngasapa zy maniah achhuanohpa eita, liasa pati zy eima nie khai tawhta zahcho dawh 12.30 p.m pata Delhi pangai pata eima vawsie lilaw haw, February 4, mydi dawh 4.30 a.m pata Delhi su cha atlah ngasa pata eima tlo thei haw.
 |
| Laihsa Nono Nata Angie |
 |
| Satlia Beizachhua Nohro Nata Satlia Nick Mopathalua |
 |
| President F1 driver zy |
Alyna bie reina:
1. Maniah pabua theipa nata maniah pasa thei awhpa zy tawhta maniah pabosa ta, khapa rairuna hmata y leipa ta, atlah ngasapa nata apalah ngasa pata maniah pa hmasa tuhpa Abeipa hnohta alyna bie reih pita, Abeipa moh cha reithai pata y mawh sy!
2. Satlia Beiryrao Syuhlo (Mampa) nata aviasa (Punjab University) zy cho liata MSO Jt. (H), Delhi mohta alyna bie rei awhpa hlupi hnei pita, dinner paha ngasapa zy maniah pa niesa eita,chadei chhao chavei eima sie nawpa zy maniah pato patiapa khai eita, he zy va heta palohru hmeiseipa ta ama cho la liata alyna bie eima hla hmeisei, eima cho liata ama hmotao phana zydua he Abeipa ta byhna ama cho la liata pie bei mawh sy!
3. He Trip ahlaotlohna chhapa he member zy tiamana nata reingiana vata ahlaotlo theipa chyu chyu acha, nama cho la liata alyna bie eima reih hmeisei.
4. Trip ahlatloh thei nawpa ta thla maniah chhakhei tuhpa zydua cho liata alyna bie eima reih hmeisei hra.
"FOR GOD AND MARALAND"
(Nothlah a lai viapa a mo khohpazy CLiCK HERE)
(Nothlah a lai viapa a mo khohpazy CLiCK HERE)
 |
| A chhana: Shimla su lia |
Nothlah hluhvia ary liata slideshow ta sopa a cha:
Nothlah a lai viapa a mo khohpazy CLiCK HERE
-
|2012-02-06 04:14:01 Judith PawUpper Shillong hmah a chakua tah tu ha na ta, puasai nawpa ei ngiatiah lei kaw nota, MSO Delhi zy dahhaw yna la Trip pha kawpa nama hnei theipa heta pachana thata ei na pie. A chakuapa liata ypazy chata cha a palopa lata y awpa khoh pi ta, a palopa liata ypazy chata cha a chakuapa lata alyna tlao a y. Movyhpa keimo heta ngyuh awpa khoh kaw ei ta, make-up thata athu tyh ei ta, mongyuhpazy heih hra cha vyh via awpa ta Beach liatazy nohsa tlao apa-aih heih ei ta, khizaw chyhsazy he eima paloh phaozie a nano hra tlaih my... A kheihhawhpa rai chasala, Delhi MSO zy daihti pha kawpa nama hneipa vata ei chalykhei hmeiseih ei.
-
|2012-02-06 04:59:20 Angel BNekhai..Delhi liata eima unw panw jy nma vw tao pha gasa na...daihti pha kwpa nma hnei pa vata ei caly khei gasa ei...
-
|2012-02-06 08:19:14 Anonymousnuam vadaca...csala kei y lei pa nta...laisa na khw anuam ta bao va ei...heheheh...best luck delhi mso
-
|2012-02-06 12:30:05 Anonymous - LAma ngiakaw saina.Ama nothlazy he a size laivia tazy vaw post thei ula apha aw.asia kawpata Mara satlia ,laisa zy hmo awpa eina byukaw sai ei.
-
|2012-02-06 12:38:41 AnonymousSlideshow kha click la, window thiehpa liata a pahy aw ta, a lai viapa na hmo thei aw.
-
|2012-02-06 15:25:11 JK Chozah - lolie a vaw chhih kawHe hawpa he reiraona nata apokhana pamohsana hmo sakha a cha hra, Nama tao pha kaw DMSO. Ko 2004 liata Delhi MSO ta eima sie Member deikua eima chy kaw ...Kurfi liata ara(Horse) pha leipa kia nata ei tla pazy eina vaw pathei sa kaw. Rei hrawpa rai rai ta tah pita Viapkao pahlu pita sasaih pata Nothla zy eima la....Paloh nama vaw palie kaw.....
-
|2012-02-07 09:24:56 GT NohroEima lyu chia, keima chhao he tahma ta trip eima siena liata ara(horse) ta nahai kheita lapi lai kathi la ei hluah pathlah daihma, ei phei atlie pahru, apasa dahla e. Na reipa hawhta dahhaw liata viakao pahluh pata azia nata nohthlahpa ei palasa,chasala he lia deikua vaw post mapi hahaha...
.
.
. 
