SIAHA, Hmyhpi 17 (TZT) - Delimitation Committee liata MDF vyuhpa ahlao leipa nata Siaha MLA raopa a cha no ta Pala MLA raopa a cha leipazy he 'Democracy' siepakhona a cha, tahpa ta chakhiatuhpazy ta ama reih.
Mara Autonomous District Council (MADC) ry liata Member of District Council (MDC) seat sathoh (3) taochhi awpa, Delimitation Committee member cha ta Maraland Democratic Front (MDF) rao hrapa ama cha leipa cha Mara chi mohnaona a chapa ta ama pachazie reih ei ta, MNF, MDF nata ZNP Joint Meeting chata resoultion taopa ta ama reih.
Zahnia kha Siaha District MNF President, Puhpa H.C. Lalmalsawma Zasai chhithana ta MNF, MDF nata ZNP zy heta Joint Meeting hnei ei ta, MADC liata seat baichhi awpa chochah liata Delimitation committee liata MDF party pahlao hrapa ama cha leipa cha pha ama tah leizie ama rei hleikho ta, member hry liata Siaha biatuhpa MLA rao hrapa a cha no ta, Pala (Tipa) biatuhpa MLA rao hrapa a cha leipa cha no-ah ama tahzie nata democracy siapakhona a chapa ta ama pahnozie ama reih.
Joint Meeting heta resoultion sapangawh (5) ama taopa liata vote a hneipa 17,000 hlei yna Siaha Constituency liata MDc seat 10 y ta, vote 15,000 hlei yna Pala (Tipa) bia liata MDC seat 12 a yzie reih ei ta, atahma ta seat taochhi awpa sathohpa lia chhao he Siaha bia liata seat no (2) baichhi ta, Pala MLA bia liata seat kha (1) baichhi awpa ama khozie ama reih.
MDC bia a y chiehpa, vote sahkha (1,000) ama tloh leina liata vote a hneipa 1,000 tlyma, a hlata hluh viapa chyupa tlyma y awpa ta pachhuahpanoh ama khohzie nata bia tao thiehpa awpa liata zawpi ao nathlie ta, zawpi khodah zapa awpa ta Delimination Committee cha ama haw tahpa resolution liana heta ama palasapa hra.
He chochah he District Council Affairs Department chata Delimitation Committee padua ta, he liana heta Siaha District D.C. cha Chairman cha ta, Member Secretary chata MADC Legislative Secretary raopa cha ta, Member hropazy cha Mara District Congress Committee (MDCC) President, Siaha District MNF President, Siaha District ZNP President, Minister, Puhpa S.Hiato, MADC CEM, Puhpa S.Khipo, Member of Parliament parohpa Puhpa Hiphei nata Sr. Vice President, MDCC, Puhpa TT Vakhu zy ama cha.
Delimitation Committee heta MADC liata seat 3 hropa a baichhi dah awpa chochah thlakha chhoh ta recommendation tao aw ta, he ama recommendation he Mizoram sawkha District Council Affairs Department liata pangia awpa cha ta, cha cha sawkha ta a pykhei khiahta cha District Council heta cha seat zy cha a baichhi thei awpa a cha.
MADC liana heta elected seat 22 y ta, seat 3 baichhipa a cha khiahta cha seat 25 y ba aw ta, atahma ta sawkha a sie haipa he May thlahpa liata a chha ha awpa vata atlyna (election) he May thlahpa thla chha hlata hnei cheingei awpa a byuh aw.
Source: The Zozam Times online.
Related:
-
|2012-02-17 08:00:30 KLMZNP na he MADC liata seat sakha dahdei chhao a hnei mah leipa ama cha. He hawhpa party zy Delimitation committee liata rao ei ta, MDF tlao ama rao leipa hela ama tao chhei kaw. Siaha District ZNP President vyuhpa heta Siaha District MDF President he rao ei sala yzie a hnei via aw. Mizoram pohpalohpa cha leipa ta MADC area liata Delimitation committee a cha, chavata ZNP hela a vyuh leipa a cha.
-
|2012-02-17 08:52:20 AnonymousMDF party tawhta raopa ama cha lei no ta, y leipa party (MPC) president ama rao hla hapa he la marasaw mohnaona nata khasaw ta reileina a cha hmeisei. Gongress party hmotao da anano ngasa! MDF party ama chi ngasa tapa alapasia kaw.... Bye bye congress!
-
|2012-02-17 09:13:48 Anonymous1. MPC la rao tla vei ei, ZNP na tlao ama rao. He he a do lei ngaita. Seat sakha chhao a to thei leipa ZNP tlai ta he hawhpa committee peimawhpa liata ama raopa he la a su lei ngasa ha. MNF hla chhaota MDF he hmia a sah awpa a cha. Congress nata MDF he Mararah politics liata cha ama peimawh chai.
.
2. Siaha bia vote hluh viapa liata MDC ama chyhvia tahpa hela a su lei kaw. Siaha cha khipipa cha ta, vote zie ngalah he representative taona measure cha leipa ta, Thotlah lata khi hluhpizy vote a chyh kaw thei, chasala representative a noeih ta ama hnei hrapa he a peimawh ngaita. vote chhao chatlupo ta apahlie hlei vei. Chavata, he Joint Oppositiona party zy resolution he thokha a pha kaw no ta, thokha hela pha hlei hra vei.
.
Tipa Bia y khao vei, Zozam Times liata Tipa bia MLA tahpa reihkah ama hma ngathlah ha, Pala Bia MLA a cha.
-
|2012-02-17 09:19:30 ApawSiaha liata MDC bia pahluh viapa chasala, Pala bia liata 2 a thiehpa so vyuhpa ta Siaha liata tlao sopa chasala tahpa hela MNF na game-plan a chapa ta ei pahno. ZNP chhaota ama support aw, MDF ta a support leipa chhaota he Opposition hriakhohpa liata 2-1 ta MDF he pahniepa ta resolution he ama tao khiah maw?
Thotlah la chi hropazy MDC ta tloh ba beih aw vei ei, a ru kaw. Siaha lia deikua mapaihpa - Tlaikaopa nata chi hropazy ama poh via lyma, cha nazy chata MDC bia tao via awpa ama khoh tahna ma a cha aw?
Joint Opposition chhao he MDF reikah ngala cha khao tyh vei, MNF nata ZNP nazy ta MDF he ama hijack tyh khiah maw? Khazia MDF ta he hawhpa resolution he ama pykhei tly? Siaha bia liata vote a hluh via vata MDC bia pahluh via awpa khona heta chi hropazy MDC ama tloh thei n'awpa lapi tluana tla a cha tahpa vaw pahno tua u.
-
|2012-02-17 15:00:07 AnonymousTlaichu! Napahna ngasa na! MPC ama rao nata raolei napahno kho khia District council affairs: delimitation raona minute kei mo ma y, ama rao zie hmo chita, na haipa napahno aw. Pahnopasiapa zy ta ama reipa haipa ta vawrei khao kha y. Noza a chhih!
-
|2012-02-17 18:48:40 Keima - Official source lia MPC y veiSiaha district official website liata he Delimitation Committee liata member zy cha a sia kawpa ta palasapa ama cha. Cha liata MDF nata MPC (Mizoram Peopls' Conference) zy a hlao vei ei. Official website liata ama palasa, he hawhta:
...
Chairman: Deputy Commissioner, Siaha district.
Member Secretary: Secretary, MADC.
-
Members:
...
President, Mara District Congress Committee, INC
President, Mizo National Front, Siaha district committee/Unit.
President, Zoram Nationalist Party, Siaha District Committee/Unit.
Puhpa S. Hiato, Hon'ble Minister
Puhpa S. Khipo, CEM, MADC
Puhpa Hiphei, ex-Member of Parliament
Puhpa TT. Vakhu, a prominent leader in the autonomous district.
.
He order he Puhpa P. Chakraborty, Principal Secretary to the Govt. of Mizoram, District Council Affairs Department ta order a papuapa a cha. Siaha district website liata nama hmo thei aw, http://saiha.nic.in/dc-orders-notification-madc.asp
.
MPC ama hlao hra tahpa nama rei ngapa he Mizoram People's Conference (MPC) nama nuana a cha khiahta la a hlao vei ei. Hmo pahnopasia leipa he la hiahrina tao lyma thei sila a pha kaw aw. Hnabeipa ta he he a do tahpa ta bie reingapa he pha tu vei.
-
|2012-02-17 18:54:45 KLM@Anonymous cha a pie chhei heih naw.. lolz, Party sathoh tawh ngala rao ei ta, chazy cha Congress, MNF nata ZNP a cha. Mararah politics liata MDF ama rao leipa he a pei kaw. MPC he rao leipa ei ta, ama rao nawpa la y vei. MDC seat kha chhao hnei vei ei, ZNP chhao he rao ei ta, ama paba a pha via, MDC seat kha chhao a to leipa ta ama rao ngapa he ama taochhei haw.
-
|2012-02-17 20:30:09 AnonymousAnonymous apiechhei cheita bao va,..... website, third party nazo kho ngasa khia, Vanglaini dt. 12&13(sunday-monday), February, 2012, puapa kha moh la, ''......President MPC District. Hqrs:saiha......'' ama rao zie hmo chita, nahai zie napahnopasia via hei aw. Laitla la heina chota, aru lata na palei pataw chita na lu nakhao na ta eipangiasa.
-
|2012-02-17 20:39:38 AnonymousA pha ngasa na! Minute computer liata nata wepsite liata eikha ama roh na...khizaw record break! Congress bao hnaita a rona ngasa. Genius record liata chhao a cho hana ama tah chu! Hu hu hu.
-
|2012-02-18 02:53:55 AnonymousVanglaini news ta a ro chhei ha hra cha zaw. District Council Affairs, govt of Mizoram ta Dt.08.02.2012 ta Delimitation committee raopazy notice papua ta he he official a cha, cha liata MPC pahlao tla vei ei. khazia Vanglaini ta a hnohla syulyu Dt.12.02.2012 ta ama news liata MPC ama pahlaopa hawta AMA report thai. Ama report chhei ha cha zaw!
-
|2012-02-18 17:08:18 Anonymous - Yes,we can change itPala cönstituency a chama siaha constituency chhao rai cha sala,tlaikaona tlotheina chance y leina cha khia tlao pala bia cha pha via vei ma?siaha bia lia cha,py nata tlaikao na tloh theina chance a hlu tu ha.mdf na hra hie zawpi ta pahnie tlata hmo khao vei ei ta a pahno khao lei eita,zyhno kuh ka lia ngala ama pha.ama mla hra hi state lia mnf tla za hria la hei,maraland UT policy oppose tu chai va.chavata MDF bie hela,khasw ta rei aw pata pahno vana.UT Policy vata zwpi ta support hra eita,UT Policy hma sie khei nga leipa party la,mara ra chhi tha awpata,kheita eima nga w?ama MLA hra hi MNF sawkha nota,king maker duasuh lia adua nota hma, minister hma ama pi kho lei chota hrohra support nga hla...chavata,eima rah lia hela,party politics lia bua khao leipata,mo pakha(individual),ahyma eima mara rah chata state assembly nata council lia rah chata hmia la thai chai aw ta va he sai bah suh vy...MDF,CONGRESS,MNF ta khao leipata...state assembly session nota eima rah chata bie rei awva tlohkhei awpa hnei leipata,y ru ta ka cheta,amo thlah leipa nata a fit via va thyutlia cha thai patlo ba suh vy..chatanachata,mara rah ta,change(development) ahmo bah hra aw
-
|2012-02-19 10:44:16 boshhe na reipa hih ado kaw.... Ano deikua marah pa hawhta nama hmo hra khiah 'ama MLA ' tahpe reika zy hi hma lei awpa apHa. Achhapa la eima rah chhihtha tuhpa, eimarah vyuhpa ta state ryureina liata a tyuh theihpa zy chahra tlo eita. .........mARAH pa ta atlypatloh pa zy chatlo hra ta.................
-
|2012-02-18 17:43:04 Anonymous - Say a big NO to thisThe addition of three more mdc seats in MADC may not sounds more than melodious one,if we take into consideration the no.of voters each mdc constituency would have.Along this addition comes the possibility of some one making inroad into mara district council legistature not by virtue of his being the best,yet he/she so gets elected just because his/her family circle encompase a huge chunk of the voters in that particular constituency.Im afraid that many self-styled politicians may be driven enthusiastic by this family-oriented politics and make foray into the up coming MADC election...so,let's remain united to thwart this dirty political game
.
.
. 
