SIAHA, Hmyhpi 20 (Maraland.net) - Mararah liata Hospital eima hma chaipa, Siaha Civil Hospital liata Operation Theatre (O.T.) liata Khaw nata chhaichhizy a raohapa vata tlah-leipa, aviapahchaipa ta a (operation) abyupazy cha Aizawl nata Lolei lata pasiesapa (referred) cha lyma ei ta, he vana heta tlahleipa, a abyuhpazy ta rairuna ama tyh ngahai. Aviahpachaipa ta nawh hnei awpazy cha lathloh liata rairuna atlo theipa a chapa vata ama nopo hmeiseih.
(Siaha Civil Hospital angiana nothlahpa. Photo courtesy: Siaha district website)
Eima rah liana heta Hospital y holo hra sala, zawpi alai-achyh ta ama pangai chaipa cha Civil Hospital he cha ta, Operation Theatre chhao he Civil Hospital liata ngalah a y. Chavata ahyrai ta he liana heta ngai tyhpa cha ta, chanota he Operation Theatre liata chhaichhi thokha cha January thla tawhta a rao hapa vata Aizawl nata Lolei lata alei theileipa ta pasie lyma ei ta, atanoh taihta he chhaichhi a raohapazy he taopathipa cha mah leipa ta, tlah-leipazy ama nopo hmeiseih, tahpa ta biedaopa a cha.
Atahma he thokhazy cha Aizawl nata Lolei lazy sie ei ta, thokha deikua cha Lytai lata Dr. K. Beichhua hnohta angaipazy chhao ama y hra. Dr. K. Beichhua he LIKBK Hospital liata a hria ngahaipa cha ta, ano chhao he biedaona liata atahma thla ngalah hria awpa a chhuah ta, thla thiehpa tawhta cha MADC Election vata a rai tawhta apaha ba awpa hawhta reipa a cha. Chavata atlahleipazy ta eima rah nopawzy ta he khaw araohapa he thlai taopa a cha thei nawpa ta hmahla theipa cha sala, tahpa ta ama nopona Maraland.net hnohta ama reih.
Maraland.net ahmah tyhpa nata special contributor pakha chhao (moh palasa leipa) ama chhohkhapa ta hawsaih hmia hmo awpa a hnabeiseih ei ta, chahrasala a byuhpa a lyu vata khi hrola pangai ama chhuah hai. Nawh/hawsaih hnei dahdeipa taihta khi hropa pangai a byuh thlahpa he a pei ngaita. Biehneituhpazy ta a chatliena lata he rairuna he thlai pathlah thei ei sala ly a chhih kaw aw.
-
|2012-02-20 12:15:12 AnonymousA pei kaw. A chatliena la ta khaw pha leipa nata chhaichhi pha leipazy cha repair palah ei sala a pha aw.
-
|2012-02-20 16:24:29 Maraland LoversMawrah liata Civil Hospital hry liata Siaha he a uhthei chaipa hry liatapa cha ta, anodeikua Aizawl nata Lolei achhah hluhpi pacho ei ta, Specialist hluhpi nata Dawty zy, Khaw chhaichhi phachaipazy chhao ta topi nga kawpa a cha nota, eima khihpi liatapa deikua la, mokhoh achhi vei. "Mohhohtuhpa" nata "Kyhpachatuhpa" a hneileipa hawhta a cha. A o nata lyu ta chhie bailai, chhai hra ama hnei chhie bailai, a hriatuhpazy hra phahnai angiahna chah pahno ei va, a tahpa a cha. Atanoh ta OT a vaw raopa chhao he tlahleipazy chata khatlu ta nopo a chhi aw va tly i? A pei kaw. Tlaikaopenawh ta Marasawzy maniah ama khokhei leina ala hmeiseih. A tliata liata National Human Rights Commission ta Siaha nata achheipahzy kaw tly ei ta, ama hmo hmopa cha, "Tlaikaopazy ta kyh toti liata maniah ama tlybai cheingei" tahpa ama hmo papua. Ado tlai na, tah teh u. Eima rah tawhta Minister zy eima hnei thlahha hra bao hnaih ta, a pahno leipa ma a cha aw va tly i? Chaleipa ta, pahno thlahha ta, hmah a la leipa ma a cha aw va tly? MTP, MSO, MChP zy ama y vei ma? Eima rah Politician zy ama mo nota vaw pahra tyhpazy chhao ama tlu khai hra ma? MSO(H) liata ei y hra no kha cha, Power Supply phaleipa vata chhao Tako nata EE zy eima ngaihnao nga kawpa kha cha ta, zawpi vyuhpa ta hmah ala tyhpazy khataih lia ama y khai haw? Ei va a vaw sah dah cha!!!
-
|2012-02-20 16:39:49 maraland kypacha tupacha apeida rima cha.ata hmano tata cha minister pupa s.hiato eima hnei no acha ta raw hnai bao.kha ziamaw he hawta cha hla tly, january tawta raihru na aty hapa cha,khazia maw hma a la hla vei tly i.pahnolei ma a pa cha ha tly.chasala.maraland lovers na zy duahpa lo pasi chy su u, a beipata mara chi nata pho kypachatu hmeiseipa a beipa ta ma nia a pie aw tapa he atla angiapa su u.
-
|2012-02-20 23:19:02 KaliapawEima rah nata chipho chahta kyhpacha hmeiseihpa hela ama vaw soh kaw tlai na. Ama pakapalei deita hena tla a cha tyh bao...Apei kaw.
-
|2012-02-21 10:31:17 AnonymousAwwww a vaw pei da cha...khajia maw eima rah kypachana jydua eima pahleidia khai haw???rai a hnei via nata jy chha phusa contribute ta mara rah zawpi a ei pa cha ta thotla la tah y nazy cha Byhna cha thei khao ma pi ma?????hmmm Kheita rai chasala he hawh ta khazia chyhsa ta a ma tao vei?khazia a ma bao vei???eima ta chho la eima rah a kaw sosa ngai vei tahma tawhta a chu nga hai na Khazoh pahno na cho ta Eima chhokha cha dei cha lei ta eima rah MARA RAH chata pahnai kho kawh ta a chu lyma si la eima rah he my pathlei lei khai suh vyyyy...I REALLY WISH I COULD SPONSOR THE MACHINE,,,chasala a chu hai va cha nata kha hma tao thei va hnei na,,ei chu va jy ei vaw hlao tho khia tala Eima rah chata hmo tao aw va ei ba hlao ngai ta kaw,,, ei theihna dah hawta eima rah a sosa nawh vata ei hneina nata ei tao thei na ei hma aw,,,,,Nama thla chha na lia na vaw thei myyy vyyyy pha ka che ta cha a chu ta hlaotlo kaw ta patlo ta eima rah chata chyhsa hmahtlah ei cha thei nawh vata....Palo pasa a chhi kaw eima rah ta BASIC NEEDS chhao a vaw hnei khao lei nata he la...
.
.
. 
