Mara Pho Hlâ Collection Music Video Album tlahzawh

E-mail Print PDF

SIAHA, Hmyhpi 20 (Maraland.net) Nochhi nata Notla Mara hlasathaipa pano raihrie, ama zydua ta papalih ama yna Mara Pho Hlâ Collection music video album cha NSV Studio, New Conoly, Siaha liata Khichhai laipa ta hruapa Puhpa MH. Tiabi, EM (Revenue), MADC ta ataza Hriatuanoh 20th Feb. za ta zawpi zy nathlie thei hr'awpa ta a tlahzawh haw.

Puhpa MH Tiabi, EM, MADC ta a release nopa nothlahpa
[Album tlahzawhtuhpa Khichhai laipa Puhpa MH Tiabi, EM(Revenue), MADC ta a release nopa nothlahpa]

USA liata chhao North America cha ta Dr. Za Hlei Thang, Chairman of CNF Supreme Council ta zawpizy nathlie thei awpa ta a tlahzawh haw hra. Ary la thatih aki viapa sopa a cha.

Dr. Za Hlei Thang, CNF Supreme Council  Chairman-ta-Sese-Memorial-DVD-North-America-liata-release nga haino Feb 19, 2012, Indianapolis, IN, USA
(Dr. Za Hlei Thang, CNF Supreme Council  Chairman ta St. Se Hu Memorial DVD, Indianapolis, IN, USA liata a release nopa. Chavei lapa he Dr. Ngo Cho Le a cha)


(Siaha liata Khichhai Laipa Puhpa MH Tiabi, EM, MADC bie reina a hneinopa)

He album liata hlasatuhpazy cha Notla Mara tawhta artist zy cha John Beizachhi Phuto nata Vasty T. Azyu zy cha ei ta, Nochhi Mara tawhta artist zy cha L. Vabeiha nata Lai Mary (Fieta) zy ama cha. Hla phituhpazy cha Thakhai, John Beizachhi Phuto, L. Vabeiha, Pp Madau nata FC. Thla-U zy ama cha.

He album liata hlasatuhpazy nothlahpa
(He music video album liata hlasatuhpazy nothlahpa L to R: Vasty T. Azyu (Siaha), L. Vabeiha(Nochhi Mararah), Lai Mary (Yangon), John Beizachhi Phuto(Siaha).

Master of Ceremony Puhpa A. Thazi ta pahnie kawpa ta daihti a chhitha nopa
(Master of Ceremony Puhpa A. Thazi ta pahnie kawpa ta daihti a chhitha nopa)


He music video album 'My Thei Aw Ma pi' tahpa tlahzawhna programme he zala dawh 7:30 rachhoh tawhta hnei pathaopa cha ta, Mara Hlasa Py (M.H.P) General Headquarters: Siaha chhithana ry liata hmapa cha ta, Master of Ceremony Puhpa A. Thazi, Secy. i/c Properties, MHP Gen. Hqrs. ta pahnie kawpa ta chhihtha ta, devotion cha Rev. Thylua Hlychho, Director, Revival & Religion, ECM Hqrs ta a hmah.

Rev. Thylua Hlychho Khazohpa bietana a hnei nopa
(Rev. Thylua Hlychho devotion a hnei nopa)


Album preview na he Puhpa RC. Beilaizi Bohia ta hnei ta, a lihkawh liata S. Ngopathai, Pakhai Vytuchho, John Beizachhi Phuto nata Vasty T. Azyu zy ta hlasana ama hnei.


Album tlahzawhtuhpa EM zachhihpa chata phohla music video thiehpa eima hnei theipa cha alyzie reih ta, chi nata pho pabohsana liata chhaichhi peimawh kawpa a chapa ta a reih.


Khichhai laipa album tlahzawh khai tawhta Macha Thakhai tawhta bietana a hnei hra.


A su liata album zuana he master of ceremony ta hnei ta, cha khai tawhta he album Director cum Producer St. Vakhaitha Chhaihlo ta album present na nata vote of thanks a hnei.

He album tlahzawhna liata nopawpazy nata artist thokhazy
(He album tlahzawhna liata nopawpazy, producer nata artist thokhazy)


Daihti pachhasana n'awpa ta Macha Mc. Pabei, Executive Committee Member, MHP Gen. Hqrs. thlahchhana hnei ta daihti pachhasapa cha ta, thopi pahah kawpazy do khohna zy hnei pazaopa a cha.

Producer, extreme right thokhazy nothlahpa
(Album Producer cum Director extreme right thokhazy nothlahpa)

MY THEI MA PI - DEDICATION: Chin National Front (CNF) ama vaw padua tuano tawhta avaw hlao hrapa Mara Satlia Se Hu (Sese) nata rah chata ama hrona apiepa ta a vaw hriatuhpa zydua a thei thlaha n'awpa ta pachhuapanohpa a cha vata amo zydua 'My Thei Ma Pi' tahpa ta he album he a moh bipa a cha. St. Se Hu he ko 2002 khata Delhi liata a daihti lei kawpa liata maniah a paha sai haw. Myanmar rah democracy a vaw cha thei n'awpa ta article pha kawpa hluhpi chhao ano heta vaw roh ta, awareness thata a vaw taotuhpa pakha cha. He album hnohky liata ano nothlahpa chhao palasapapa a cha hra. A chhoh liata hla a ypazy chhao a hnohky lia pyly heta palasapa a cha hra.

USA liata Album Release haw hra:
Siaha liata tlahzawhpa a cha nona heta North America chata Dr. Za Hlei Thang, Chairman of CNF Supreme Council ta Feb. 19th, 2012, at 8:00pm (Feb. 20th in Asia) khata Indianapolis, IN, USA liata Officially ta a release hra.
St. Sese nothlahpa a hnohky liata palasapa a cha

He album chhoh liana heta pho hla 9 nata satlia laihsa angiana hla 2 a ypa ta pahnopa cha ta, recording he Ocean Sound & Records, Aizawl liata taopa cha ta, DVD nata CD format ta chalei thei raihriepa a cha.

Video shooting nota nothlah sakhapa
(Director & Producer Nochhi Mara Satlia St. Vakhaitha Chhaihlo of 4ever Video, Ls. Vasty T. Azyu nata model hmapa thokhazy video shooting ama hnei nopa nothlahpa)

He Album su hrola tawhta a chalei khohpazy chata a ma nata contact tao n'awpazy thlai eima vaw update heih aw.

Ary liata he music video he preview theipa a cha:

Alyna biereina nata Practice scenes thokha:

Producer blog liata official report nata nohthlah hluhvia a y. Visit: Vakhaitha blog

DVD nata Audio CD chalei theina su zy:-

USA:
1.Thomas Taitu, Michigan USA , Ph.2695896598
2. Papao Limau (317-677-5909) or Meipaw (317-215-4979) Indianapolis, IN, USA
3. Laikhaw, Colorado USA, Ph.7192265330

Australia:
4. Samuel Mauthili, Viactoria Australia, Ph.61403328569

Malaysia:
5. Meipaw Aung Shwe, Kuala Lumpur Malaysia, Ph.60123531150

Singapore:
6. Khine Gey, Singapore Ph.6582760811

India Viarahzy:
7. Moses C.Tehlo, Chennai India, Ph.9176098260
8. Mawite, Banglore India, Ph.8722154551
9. Meipaw Naylin, New Delhi India, Ph.8527657415
10. Henry, Shillong India, Ph.9863748968

Mizoram chhoh lia:
11. Pu Thetni, Aizawl India, Ph.9862648548
12. Pari, Lawngtlai India, Ph.9612852641

West Maraland:
13. John Beizachhi, Siaha India, Ph.9612229181
14. Bierona, Chapi India, Ph.9862872220

Myanmar:
15. Ngochosa, Kalay Myanmar, Ph.07321943
16. Aye May, Yangon Myanmar, Ph.95089222
17. Biesoh Deitu, Pakokku Myanmar, Ph.06221672
18. Saya Khin Photha, Matupi Myanmar,

East Maraland:
19. Saya Va E Sa, Lialaipi Myanmar, Ph.9436733915
20. Naosao, Sabyhta Myanmar, Ph.9402115195

Comments (33)
  • mara
    L.Vabeiha he dua maw..Laihna Rahpha tahpa ta a phi pa he..he hla http://www.youtube.com/watch?v=4TRQc5KhwHY nata a lyuh thla haw..he hla ao nyuh chhao he by the river of Babylon awki ama paru pa cha pa tlo...Hla phi na lata skill a hnei pha leipa a cha khiala mara literature pahnai tu awpa chata la hla phi khao lei pa sala ei kho khei kaw...
  • Anonymous
    Mara, L. Vabeiha youtube liata link na piepa nata Rivers of Babylon (Boney M - http://www.youtube.com/watch?v=zdgMo7BjA0Y zy he vaw nathlie rairie hra na ta a aoki a lyupa ta pahno vana. Na thei chheipa cha khiah maw. Boney M na hla he cha Marasaw bahta a uhthei viapazy ta a aoki chhao eima pahno khai thlah ha hra. Chavata, he hawhta chyhsa thapachhie khohpa ta a siano lei kawpa ta na vaw reipa he a pei kaw. Maraland.net admin nazy ta na comment he vaw delete thei ei sala a pha via aw.
    Tawhta, a cho liata news chhao comment pie tla leipa chi ta L. Vabeiha dei na vaw ka thlahpa he L. Vabeiha he na tah khoh kawpa a lyu kaw. A pei ei tah kaw. Critics eima y awpa a pha, hmasiena chata hmo peimawhpa a cha chahrasala, constructive kawpa cha leipa ta chyhsa thapachhiena zie ta ypa deikua pha hlei vei.
    Acho liata ama music video album zy khi comment awpa hnei tla va chi khiah? Thlai ei chalei hra aw.
    Keila nathlie hra awpa eina byuh kaw.
  • St.Vabeihrau  - Mara tahpata namo a châ hmeiseih ma?
    Hawtipa chima?Machâpa chima? Châ nama roh tita nama mohzy hmâhta namâ roh ngâh leipa he a phapa kyh eima reipa chhaota nahta a chhiepa kyh eima reipa chhaota yzie hnei leipa Khizaw liata pohchypa nahta châ kariepa hmâhta a tlu leipa hmâ tlâh a tlalei kawpa ei châ tahpa he eima pahno pasia awpa he a phachai.

    He tawhtala Uhnawzy a hy nama châzy chhaota ngiachhiepata châ eima rohtita Moh a rohpâ awpa he a phachaipata pasaona eima hnei khoh chaipa a cha.


    Palôh pathai kawpata
    Eima khohkheina liata

    Ct.Vabeihrau
    Camp.Malaysiam
  • Anonymous
    St. Vabeihrau, moh a roh ta comment yzie hnei leipa nata Maracha a luhchho n'awpa liata chho tloh leipa, a luhchho dah a doleipa ta luhchho ngapa hlata cha moh ro leipa ta comment reitlah a cha viapa, luhchho leipa ta luhchhopa hla chhaota rei a rainao viapa he pha via vei ma? Moh a roh cheingei teh u maniah a tahpa y tla vei ei, a register pazy chhao nick ama hmah thei pyly hra. Pahno thai haba ma y... :roll: Chyhsa na sei chakhyh nga khiah a chasei thei awpa ama hluh kaw aw. Learn to respect others!
  • Angel BN Khailochhoh  - Avw gia kwna.!!
    Nma hla sapa avw gia gasa na...?? Keep it up 2 enrich mara literature
  • Naylin Nohro
    Nama vaw tao pha hmeisei na.... he hawta Mara Pho hla album sakha eima vaw hnie via heipa he eima literature nata Chipho eima pabosana sakha a cha hra..... nama ao angia thei da cha!! eima artist naw he va-ia hla hlahta rah hla ama sa nata hi ama ao angia viapa na alao!!!!!!
  • Anonymous
    Mara,Nareipahe adoeitakawhra.Hla ao parupata hlaphipahe marapata eimahmaleiawpaeipaphasakawhra.Eima literature ahnaikawhpana alaokawh.
  • Anonymous
    Mara,Nareipahe adoeitakawhra.Marapata hla ao he eimaparuleiawpaeipaphasakawhra.Eima Literature nata eima ideatity na ahnaikawpa alao.
  • KLM
    Ao (tune) paruna y tla vei. Boney M nah eih Rivers of Babylon nata L. Vabeiha ta maraland gospel centenary no ta hla asapa ao kha alyuna y tla vei. Nama pahno chhei vata a cha. L. Vabeiha ao he a special kaw. Keimo India Marasawzy chhao pita eima khodah a cha kaw thlah ha.
  • Anonymous
    St.Vabiehrau y Mara cha na roh pahi (Viet nam)cha alyukaw.a luhkhu avawhluh kaw pa vata.Pasao na nata pahe khapa maw na reikhoh?Pasyu na hema nareikhoh taraw?
  • boshech
    A LUHKHU a bai na khih a do lei na a y raima.? athai tlao eitah kaw.Marah reih cha ro he avaw ru kaw tlai....Chahlei khota keimo marah na hi eima kaw lei kaw eitah, 'marah' eima tah nota chi hlupi y hra pita.. thokha chata eima official rei he arei/ro ru kaw thei hra ta, he liana he ta tla arei pachhie lei pata tlao adopa achho lyma ei suh u.
  • JK Chozah: ATC, Aizawl  - He hawpa he reithai tlah ama cha chaima....
    Nama taopha hmeiseih, Atahma 2012 liana heta Mara reih he hnasa tata a tlapahnai lyma, siaha khipi liata hmotheipa a cha. Cha vata he hawta Hla la chha nata eima reih he eima cheichalo pita paso lyma ei su u......
    Marasaw zypi sapa nata thlapa liata thata hmala angiah ha ba, Su to liata y hrei sila Hla heta cha miah a saopakhy heih tyh, Hla heta cha lo miakha maniah apaphaosa thei...Nama taopha ngaita kaw
    May God bless
  • Hla Aung
    Natao phakaw na. My thei awpa tlai chavei.
  • Ngokhipipaw
    He Music Video hlaotloh thei n'awpa chata chah nata daihti zy, hneina soh hluhpi zy pachha khai tawhta he hawta hlaotloh kawpa ta Mara Music Video avaw pua thei heipa vata ei ly ngaita kaw..Apatohpatiah tuhpa, hlasa thaipa zy nata khokheina apie tuhpa Paw khazohpa cho liata chhao aly hmeiseih nata angia eita kaw hra..Hmiala daihti liata chhao vaw papua thei via heih u la tahpa khokheina chhao eicha hla ei..Marah saw ! A khokheina he pasah sa via ei suh u....

    Ngokhipipaw,
    N.D
  • MSA  - Aly kheina
    St.Vakhaitha Chhaihlo(Former MSA Chairman)ta My Thei Mapi tahpa Mara Phohla DVD pha ngaitapa avaw taopa he thata eimâ ly khei ngaita. Apha ngasa. A Video zy eima vaw mo tita eima rah chana duahmo nata eima rah angianazy thata apalasa. Video record chhao he ko varopi chhoh na taopa hawhta hmopi ta, eima cha reih thai hmeiseih. Eima ti nata tlah zydua, khih zydua aki kaw. Eima cha ly hmeiseih. Mara reih, Mara cha nata Mara Hla zy promote na chata chhaichhi pha ngaitapa acha. Nochhi Mara sawzy hry liata Phohla DVD avaw tao tua chaipa na vaw cha. Hla asatuhpazy chhao ama ao apha hmeiseih. Hla bie chhao apha sai chyu. MSA Centre Yangon moh ta alyna bie eima cha hla hmeiseih.

    MSA

    PS: He na DVD he Copy hluhpi vaw taola MSA ei(40)na GC 14/4/2012 Ngephesizo liata Mara siku hawti zy hnohta zua theipa ta vaw patohpatia cheingei hra mah y!!
  • Anonymous
    Good news... Marasaw hmiala pangai lyma sy :D
  • MAIHPA LIALAIPI
    Nama tao avaw pha hmei sei na MODEL hma pa laisa naw kha za maw ahy zy maw ama cha ama ngia kaw pa tlai kha.ei cha reithai nga sa ei na.Thlahchha abao chy su vy.
  • pahu  - you tube liata hla napahno pakha aphata nathlie pa
    Ahy maw nachah bei.. you tube liata nanah thlie pa hla kha nathei chheii haw khia e.. aphata vanah thlie pachhi ma y , alyutiarah vei.. cha taw la namachhao ano hlata nathai via pa nata na skill zy cha apha via pa nachha khia ,, phihrala sah hraty chy .. marapa chysapihe nama nama hawta amaphaleina ngala ahmo thaipa cha leipita ..nama hawpa naw he ama hlutupa vata atano eima rah kiathy vei ,, chavata bie nareipa nata cha nakaw ro pa he namasasay ta apacha tuala na vaw ro awpa ta ei chakho khei kaw.. cha vata positive optimism he bahta vaw study viala .. acha veikhia so na he achu viala , athaipa chysala nachathlyu aw ei cha pangia sa,, chahrasala asopa chysa cha tiarah awvachi tapa nacharo nadah liata eima cha pahno... akhokheina ky he vaw study via ma y. chataw la nomo chhoa he avaw ro pah ty may . eichaly kaw,, :(

    pahu

    MD ... second sem
    Philippines
  • Forever  - Ado kaw
    Unawh Pahu, na reipa he 100 liata 100 ei cha pyh, keima rei khoh kawpa tlai na vaw roh haw.
    He liata Comment a vaw pie theipa nama zydua ei cha ly kaw sai ei.
    Vakhaitha
  • beilotlah  - Alynabie
    Ata hma ta DVD or CD avawpapuatupa U ta vakhaitha nacholiata eima BEIPA zisu mocha rythaipata y mawsei. he mara hla he avawphangasapata eivawpahno DVD chhao he avawtlo nawpa chhaota avawngiatiamapi.. keimo Dallas Tx liata marasawzy ta DVD he eima vawmohkha ngapa avawcha..hneibeisei nachota eima vaw ha thla haw DVD
  • Forever  - Ei cha ly kaw hra
    Ei nawhta Beilotlah,

    Keima chhao na Comment vaw dao thei nata ei cha ly kaw hra.Namo zy thlachha baona vata nata tha patlona vata he Mara Phohla Music Video he ahlaotloh theipa a cha. Ngiachhiepa ta nama nata ahnia viapa lata Contact vaw tao bei mah y. Nama hnohta He Mara Phohla a vaw tlo thei awpa ta Ready ta eima y thlah haw.

    Vakhaitha
  • mara st
    awkhai l.vabieha. nahla ao pongiadachala.. naao rei eima vawthei chatala loli avaw chhi kawtlaina. phopi rahla navawsa panata navaw phipa zyduahe pha eivaw tae kawtlana raky napachazi a vawla pakawtlaina. na ao nata narei he nasawchha nawchhata vawli thei bei aw vei... hmialachhaopha viapa vaw sathei via hybeima y,,,,,,
  • Robmara  - Mara reih roh dah dopa
    Maraland.net nama taopha ngasa no ta Mara reih nama rona dah he bah edit via thei ula a pha kaw aw..maraland.net a tly tyhpa zy Siaramo.wordpress.com vaw tly hra awhpa ta ei cha hrua ei..
  • maraland.net
    @Robmara, maniah na khokheina he eima ly kaw. Marareih he keimo ta pasoh pi sila, ro dahzy chhao eima chu via lyma awpa he a peimawh kawpa tlai a cha. Nama khokheina bie zy nama vaw palasa tyh vata eima cha ly kaw. Tiama vaw papua via lyma eima chhuah aw sy. Eima cha ly kaw.
  • paw.zangohkhaipha
    :evil: :wink: Ls.Lai mary he khapa khipa acha bie!a ao nata ahmie he avawsia kaw ngiachiepata miavawco bie ty u? :roll: :)
  • Anonymous
    Ls. Lai Mary he Rev. Abraham Laicho sawchano a cha. Yangon khihpa a cha.
  • marasaw
    achobienata azaopata achyta eivawrokhokawhrana ..
    hlaao paru tapahe y vei ..chysapakhata viahla ao akhokhiala abie alaoleipachhaota ama abie akhodahawta ataotheipaacha ......
    atahma keimo vianaw... ley phau amatapazy... ange amatapazy hmata mohropa hlazy laeita viahlata ama sapahe ......ngiachhipata eimapacha na pakaw viachyueisu khizawhmasienahe eima chadaitheiviakhiala aphakawawna .
  • bierapai  - V, JOHN, N. M............

    Aly nama chhih kaw tlai na . maraland chata byhna vaw cha muh vy.
  • anonymaus  - a
    aly nama chhi kaw .
  • Anonymous  - Alykheina.
    Nama hlasapa zydua angia kaw sai.Mara mo zakhei achhi khao mapi,,,,aly achhih hmeihseih,,,,,,,,,,,,,,,,,
  • VB.Kholai
    chhie lei kaw lei he.................. mara pa saw keep it up
  • JB fachhai,shillong  - mara
    Hehehe!!nama chhielei lei kawna..marasaw eichapalaikhei katao ha ei
  • deicha  - aly khei na
    Ei ma cha ly hme sei na . He My Thei Ma Pi ta paDVD apa pua tu pa St.Vathaitha na ao pha kaw pa hla asa tu pa na ma zy dua ei cha ly nga sa ei.nama hla sa pa apha hmei sei na .
Only registered users can write comments!
Last Updated ( Wednesday, 29 February 2012 03:31 )  

Maraland.net chhoh liata tluana

Elsadai Boys Hostel Shillong lia tao


Elsadai Boys Hostel at Nongshiliang, Shillong. Admission Open! Click here for more information!

Maraland on Facebook

Mara Gospel Music Video

Gospel Outreach Music Ministry




Maraland.Net

About Us
Contact Us
Company Info
Maraland Blog
Maraland

Mara History
Map of Maraland
Maraland at a Glance
Tourist Spots
Programs

Advertising
Partnerships
News Contribution
Article Competition
Help

How to Register
How to Comment
How to Submit News
How to Submit Link
Policy

Terms of Service
Privacy Policy
Copyright Notices
Comment Guidelines
© 2002 - 2013 Maraland.Net - The Home of Mara people on the Internet - All Rights Reserved
RSS Feed