Maraland.NET - The Home of Mara people on the Internet

To, MSO South Zone chhithatuh penawh,

MSO South Zone nah nama taopha ngasa na. Mania rah lia y hra sihla, eima Mara chana zy palaha pata, apalypa-uana pha ngaitapa nama hnei tyhpa he reithai tla nama cha ngasa. Hmo sakha ei paloh liata ypa cha khala South la cha Mara saw ypa hluh chheih ei chi ta, MSO chhao nama reirao ta a thatlo kaw hra. He Sports nama hneipa chhao he a pha ngasa. He hawhta Sports zy nama taotheipa a cha khiah cha Delhi liata Ko 1 ta eikha ama hnei tyhpa, Mizo Kut hawhpa he hnei thei hra ula ei tah kaw. Sports nata apazao/apachhai pata "Mara Ku" tlyma, "Mara Fest" tlyma, a moh kha cha ryhrao thai viapa zy ta bi ei sala, Ko khata Marasaw zy a pokhana nata a hmaohpakhyna daihti he hnei thei hra ula ei tah ngasa. Delhi Mizo Kut ama tao dah hawhpa he MSO South Zone nawhta pachhuahpanoh thei hra ula kho a chhih dah cha....................

Alypa chakawna aphakawta nama vawpatlo theipa vata, Pune MSO ta eima za hlao theileipa pei eima tah hmeisei. Hmiala liata tlahpata eima ykhia ahlao eima chhuahra aw. MSO tlah parei mawh sy.

He hawta Marasaw zy lokha phao pata daihti phapa zy, rypaona phapa hma pata nama hnei pa he hmia la liata hmo y zie hnei a cha nata pangiasa a chhih hmeiseih, Nama nothla pazy mo pata nga nama chhih raolao kaw sai, hmiala daihti liata mara rah nata Khazohpa chata chyhsa phanaipa, chhaichi hmatlah pa nama cha cheingei nata hnabei kha a seih.

Cha chu awhpata no nata paw zyta ama tua ngakaw nota,mso sport meet zy organise hla cha expensive hmie da awh chi..kha hla tala nama chuna la chha a hei pata programme educative kawpa zy organise ula pha via vei ma?how much would the total expenditure,each of them incurred on this event amount to,i wonder!!!

aw adokawna..
He liata eimazu na chha pacha achu na vata acha tapa eima zydua ta eima pahno khai hla taraw, ano deikua he sport he mo pakha kho na saita tao lei pa cha lei pata, zawpi lorao kaw pata rei pita apha ta pita he south sports he eima tao pa acha..chavata he sport eima tao pa he ahy raita eimathei na rakha ta eima tao chyu hra pa acha, nama na rei pahawta eima pahno khai hla hra ahy rai ta.pahno aw pa sakha eikho kaw pa cha, achu na saita adai lei pa sala, hmoto zydua pahno via lyma aw pa he,abyu kaw eita.

Ado vei. Nama hmopha taopa liata ahyhmah a vaw chahraoh kha se. Apalypa-uasana taopa heta sapa nata thlahpa liata thatlona maniah pie ta, apohkhana maniah a pie hra. Khazia e eima taothei rakhapa liata hmo eima taopa cha nama vaw seisia? Hmo hluhpi hmopha kawpa eima tao thei leipazy hmahta pei eima tah thla bao nata. Chavata, he acho liata seisiana hawhpazy hela vaw papeisa rai rai khuh vy, MSO - Chennai, Bangalore, Pune, Hyderabad, etc. thatlo kawpa ta nama sie lyma thei nawpa khokheina ei cha hla ei. "For God and Maraland, with one spirit"

This is not criticism alone..i have rather brought about the challenge along side...mara saw zy pi he,eima la thlo sie nawpa a hla zie eireina chhuahna acha..hetlu pota,thaina nata competitive world lia mara saw zy eima hnai chyh hnaita, challenge vaw palasa hra nata,tla navaw criticise..??phai la eima saw nazy a sa hlei chathai ta,chysa pitlo ta papua eima chhuah ngakaw nota na msg eivaw hmo hla la,hetlu pota khia,eima saina khizaw vaw bua tly?nama hawva mara saw eima chyh ti la,mara saw hi,IAS,IPS,MCS,MPS..etc hi eima vaw hnei lyma bah aw...MADC politics khaw vaw bua kheila a daih...we'r on our to bringing about transformation in our education and its related sector,and it may also come in for a great deal of criticism on its way from few self-intelligent minded maras:yet we won't give in to such ignorance,coz the challenge ahead is within our reach and yes,we can

@dear misael, na comment vaw hmo na ta, na pasyuna heta yzie ahnei kaw awpa ta ei hnabei a seih. Nama ta ama sport he hmo byuh leipa hawhta pacha chi ta, kei ta a phahnainazie ta hmapa a cha khiatala, sapa nata thlahpa liata athokheina a cha thei awpa ta pangiasa na ta. Na nata keima ta eima taopa cha hleipa ta, eima soh hmah hra veih ei. Anodeikuala, achuna he IAS, IPS, etc. ngalah kaw chana cha hlei leipa ta, thokhazy achhuahpa y hra aw ei ta, thokhazy deikua business nata hmo hropa lata asie awpa hluhpi ama y hra aw. Hmo he khapa rai tao ei sihla, achu haipa chata achuna a parao khiata la cha cha asu leipa ta. Chahrasala, achuna pahlei tloh hlei leipa ta ama daihtizy ama hmah khiata la a peina y hlei vei, tahpa he keima pachana a cha. He hawhpa Sport nata apalypa-uasana he tao hnei hrai ei sala, achuna liata a hlaotloh awpa la a hlaotloh thei thlah ha pylypa ta ei pahno.
Anodeikuala, MADC politics kaw buakhei la a daih thlahha na tahpa deikua he, chyhsa mohnaona reikah cha ta, kei heta MADC politics he buakhei beih leipa na ta, buakhei awpa achhuah beih hra va na, tahpa vaw pahnokhei teh. Anodeikuala, atamy ta na comment ei vaw hmopataw nata pachana na vaw piepa la, khazia ma keimo Marasaw hry tawhta 'MCS zy ama kaw cha pataw nata mohropazy ama mohnao hma kaw tyh tly? Keimo ta eima cha palaikhei kawpa tlai?' Nama hlaotlohnazy he keimo chata phahnai vei hra sala eima cha palaikhei kawpa tlai? tahpa he a cha.
Pachadah cha a nano theipa cha ta, chhohkha liata unawh chhao rai, paw nata saw chhao, novah chhao pachadah alyuleipa a y aw, a pha via nawpa ta tla eima reih awpa a cha. Hmopha viapa a cha awpa ta ei hnabei a seih

Nama pachana chyu thyu ula, personal kawpa ta la lei achhuah suh vy. Personal kawpa ta a nua hra lei a pha. Issue he my ha tyh pita, a reihtuhpa chyhsa kha eima nua tyh bao. Cha ta, abyuh leipa liata eima pasasa nga tyh. Chatawh cha issue eima kheh chaipa kha yzie hnei khao leina la a pua. Achu haipazy chata hmo pha viapa nama pachana kyh liata ei cha reithai kaw ei. Anodeikuala he hawhpa issue hela pitloh kawpa ta debate hneipa chi a chapa ta ei pahno.

judith paw,sorry for hurting your sentiment.this is not intended to hurt u at all.education chocha hela thyutlia via ta vaw champion a chhua sila,politics nopaw viata eitana acha.a hyma judith paw hi acha ta chhao pahno hlei rai vana,eima opinion a conflict vata eivaw react tla acha.chahaw chalei pasala ei identity chhao eipalasa ma?mara saw zy pi achuna lia eima hmasie via naw palia saduhthliena eivaw active or excited tu vata,chyhsa sentiment vaw hurt tla maw nata apei ngai ta kaw na.ei comment heta a chyhsa pa chalei pata a comment le tlo ei reply.bie a chyhta rei hra pita,mcs akaw cha paw nata,atahna daihti chakhao vei..eisaduhthliena tla ei rei hra....student nata education issue hela la thyutlia heta eima pahno pasia chai vei ma ie eita?

maraland.net nata ahmahtuhpazy hnohta nama pachathaina ei cha haw ei. Athai-so a tah kawpa hawhta "keima pachadah" vaw tah nga kaw hra na ta, ei ka ei na vaw chhie kaw. Anodeikuala, a reihpasia awpa abyuhpa ta ei pahnopa vata he issue liata ei rei hnohchaipa cha awpa hawhta ei pacha. Eima Officer Puhpa Misaela nata eima pachadah alyu leipa liata keimo personal taihta a vaw kiah hapa he pei ei tah ngaita kaw. Puhpa Misaela heta 'ahyma ei cha' tahpa a pahno leipa he chho khoh na ta. Achhapa cha kei ta ano he pahno pasia kaw na ta, a chhohkha nata ama laiseihnazy taihta. A uhtapa (M.Lalrammawia, SDO; Siaha) chhochhi he cha ei lahpino hnei daihti liata Best Friend ta ei hmapa, eima lyna nata nopona daihti liata chhao ta atyukhei duakhei laih awpa viasa cha pi ta, ei na pahno leipa kyh liata chhao pei ei tah kaw.
=
Kei ta cha ano he nawhtapa hawhta hmo tyh na ta, ei paleikhei kaw tyh. Ei theina rakha ta thlahchhazy bao tyh na ta, ei sermon liata chhao ta ei reih tyh. Eima thyutliazy chata "Idol/Icon" hawhta ei pachapa a cha (he liana heta sakha a link ei vaw soh "[urlhttp://maralandpost.blogspot.in/2011/07/sermon-satlia-davi-ch eisia-nata-achuna.html[/url]"
=
Keima thatih deikua he rei nga kaw awpa khoh hlei leipa na ta, abyuh khiala, a khohpazy chata cha Maraland Post (acho liata palasapa Blog) liata amoh thei.
=
Achhana liata la, ei viasa zydua saih u, eima rah zawpi heta keimo achuhaipazy chata Pachyhnoh zala maihta thlah maniah chhapa tyh ei ta, thokhazy cha kahvi leipa ta thlah maniah ama chhapa tyh. Chavata eima hlaotlohna he alai tlyma achyh tlyma, eima rah zawpi ta thlah maniah ama chhakhei vata a cha hra, tahpa kha a thei ei sih la. Riethei dyhchhie chaipa, sipasa ngaitapazy chhao tla mohnao khah ei suh u. Keimo ta amo chata khapa hmah ei taopa lei nota nata thlahchha ei kha chhao ei bao lei nota amo la keimo chata Abeipa lata byhna maniah awpazy ama cha. He he kha athei ei suh vy.
(By A. Zawngia)

Dear @Judith pw....miah na pasau na liata eima caly gasa....he sport eima taona ccapa ccu he marasw jy eima pahno via thei nwpa nata hmaokha ta eima hria parao thei nwpa ta taopa cata...eima ccuana vw pahno thai cita eima caly gasa...
@Dear misael cacu wpata aju pita sport tao wpata aju mapi tapa eima pahno thla ha hra...deikuala..education heta cacu na lia gala ta y lei pata...edn is ol round developmnt or the ability 2 meet our life situations.....He south jone sport hela kokha ta eikha hnei lyma wpata paccua pano pa cata caliata na pacana jy avw kho kwpa aca khiata la...na ccokha sanw he south india liata a y pa ama ca khiata la,,,ahlao lei wpata vw pasau thla vaci e......

"For God and Maraland" MSO tla parei mwsy.!!

Chennai satlia,don't u think that yr comment is too personal....plz come out with yr identity disclosed...weather to send my near ones to bangalore or not is nt yr business.

Nama vaw reipa hawhta pachadah alyuleipa, nama opinion a conflict va tla a cha. Ahy rai pachadah cha eima hnei khai thei. Tahma ta sports chochah chhao he biepipa(theme) pha kawpa, college level liata debate na liata hneipa cha sala a pha kaw aw. Tawta la eima comment pazy he chyhsa pei a hria thei ma tahpa he pacha tyh sihla a pha aw. Thokha eima bie ropa he cha a ‘irony’ pa tu ha tyh, he hawpa hela khokheina chhao lyu leipa ta, chyhsa personal kawta eima nua hlei leipa chhaota eima bie ropa he chhythai a chhih tyh vei. Eima comment pa cha ahy cha rai digest thei awpa ta comment tyh sihla a pha aw. Officer a cha vata reikha nai kawta a chhy ei si, chyhsa rietheipa a cha vata eima pachanana thla ta reikha ahrah-hrao kawpa palie ei si eima tah khiah pha thai vei. Judith Paw a cha va tlyma, Hiphei a cha va tlyma, Thanhawla a cha va tlyma ta eima comment he anano leipa sala, eima comment hapa a cha khiah eima comment liata a duah nga sihla a pha hra aw.

Eima vaw reipa hawta nama pachadah alyuleipa, nama khokheina achuhaipazy bie nama ta napa cha ta, a kheihawpa ma a pyh via awpa a tly a ru kaw aw. Achuhaipa cha Cha pha ta a chu sihla, hmo kheihawpa rai tao sihla tiamana nata ngachhina chhaota tao lyma sihla tla a cha. Judith Paw, thyutlia via liata Mara literature liata eima ngachhapa, chyhsa siapa nata a reisi pa, paloh kawh kawpa he ei pasahsa ngasa. Ano tawh heta hmo hluhpi a chu awpa ei hnei. Cha hawta Misael chhao Mara saw chathaipa, MPS nata MCS a tloh theipa, chyhsa bright kawpa eima hneipa, a hlaotlohna tawh heta thyutliazy achu awpa hluhpi eima hneipa ta ei pahno hra. Nama pano2 ta ei cha pasahsa rairie ei, ei Idol vai2 nama cha. Anodeikua nama thaina nata raihriapa a lyu leipa hawta ei cha pasahsana kao deikua a lyu vei…………..

Vaw comment hra a chhuah tarawnata @Kaliahpaw ta ei rei awpa ei chhuahpa zydua a vaw reih khaihma ha vata ano biereipa he tla ei THUMB UP. Pitloh kawpa 'balance' kawpa user-zy eima poh via lyma vata thlaloh achhih ngasa. Achuna chata thyutliazy ta hmah lyma suh vy.

Dear Judith Paw, Controversial hmo liata ahlaohli khao lei awpa ta eicha khokhei kaw. Na comment hlupi vaw rei ty pita, alohaw eima ta kaw ty hra. Hmo sakha eicha advice kho kawpa la, Pastor cha awpa ta achu nga haipa cha chie ta, thaina sona tikhao liata apachie thaopa (beginner) na chapa my lei awpa ta khokheina eicha hla hmeisei. In this regard, the best medicine is to talk less and comment less, and everything will be alright. (This is purely good intention)

VB Mara

Dear VB Mara, ei chaly kaw, na pasyuna nata khokheina vaw hmo na ta, alyna bie ei cha hla. He heta pachana thata na pie ta, myla hanoh taihta ei na thohkhei kaw awpa ta ei hnabei a seih. A chahta cha, ei thyutliana paloh he vaw pua tyh hra ta, a hlaohli lei awpa liata ei vaw hlao tla maw ha tyh hra he maw. Kei ta ei vei kaw tyhpa cha, Marasaw thyutliazy he apohkha kawpa ta adeichhy raih-rie lyma chyu ei sihla, "Positive Attitude" he hnei chyu ei sihla. Tha a pachhie leipa ta, a reipachhie thlahha leipa ta, tlao a reithai chyu ei sihla, hmopha viapa lathloh liata deikua a pahmo tyh ei sihla, tahpa he ei pacha chaipa a cha. Cha hawhpa thyutliazy ei khokhei tuna vata biezy chhao vaw reih tlamaw pa ha tyh na ta, hmo pha viapa lathloh ei na vaw pahmopa vata alyna bie ei cha hla chanei hei.

Ama biereipa he ei thohkhei ngasa. Ama khopasana zy vaw hmo na ta ei ly via pachai. Anodeikua la a hmochheina atlokhei thei awpa athaona la personal volley ama thythlupa khina a cha, khi khi pha vei. IPS, IAS tlyma kheihawhpa Officer ama cha vata chi awpa cha vei ei. Ama taochheipa la reingah hra awpa a cha. Personal kawpa ta "nama hawva mara saw eima chyh ti la,mara saw hi,IAS,IPS,MCS,MPS..etc hi eima vaw hnei lyma bah aw...MADC politics khaw vaw bua kheila a daih.." a tahpa khina ado vei khi. Misael ei cha pasahsa ngasa. Anodeikua he liata la na reipa he asu lei kawpa ta ei pahno. Issue he tla rei awpa cha ta, "nama hawva", tahpa reihkah hawhpa khi a pha lei kaw. Judith paw ahyma a cha tahpa pahnopa nata pahno leipa chhaota he hawhpa reihkah hela asohsi chyu sila a pha kaw aw. Na vaw reipasia pakhua hra hra vata a pha kaw thlah ha. Achuna chata hmah chyu suh vy.