SIAHA, Hmyhpi 26 (Maraland.net) - Chapaw hawti ko 2-pa C. Solomon Vabeirapatha s/o Puhpa John Teikhaw Chozah, Teacher, Don Bosco School, Siaha cha atanoh, Pahanoh, 26th Feb. zala daw 3:00 p.m. rachhoh khata ama o tlyhmia lalai liata a viasazy nata ama palaona liata Motor (Taxi) ta charieh ta, a su liata a hrona a lei haw.
He ama o yna he Don Bosco School mathi liata lalai National Highway (NH-54B), Meisatla nata New Colony lihkaw Meisatla a zahnia viapa liata lalai kiah liata a a ypa a cha.
Athipa hawtipa no Pihno Sikhei w/o Puhpa John Teikhaw Chozah he Aizawl liata TB pasana vata thohna angia haipa cha ta, Aizawl liata nopawzy nata MSO nazy ta Siaha la thlai a kaw sie n'awpazy ama pachakhei tahpa bie eima dao.
Solomon he saw pathoh ama hneipa liata a seihnai chaipa nata sawchapaw ama hneichhohpa a cha. Puhpa John Teikhaw chhohkha he Chakhei khihpa cha ei ta, ama raihriana vata Siaha liata khihsapa ama cha.
Hawti a charietuhpa Taxi ahaohtuhpa (driver) he Beirapadua, Ko 24, Maisa khihpa cha ta; ano he atahma Police nah ta patu ei ta, police na ku liata a y hai. Biedaona ta a rei dah ta zako tawhta motor haoh he a vaw chu pathao taraw ta driving licence hnei mah leipa cha ta; ama chhokha nazy pasai leina chota Taxi he lapapua raruahpa ta a puakheipa ta reipa a cha. Taxi (MZ-03/0910) a hneituhpa he Puhpa S. Zakhaw, New Colony, Chhochhopaw Vaih a cha. Siaha lia mobile phone network pha kaw leipa vata khodah hawhta bie achho thei leipa pita, thlai ei khata thatih a sia kawpa ta eima vaw update thei lei vata nama pachathaina eima cha haw.
Vaduana atyhpa chhokhazy chata thlahchha khei suh vy.
-
|2012-02-26 15:53:35 Ck VaihpiPuhpa John Teikhaw chhokha eima cha taokhei ngasa. Eima saw a thidah cha palohpasa a chhih kaw na... Abeipa ta thlah cha paloh ei mawh sy.
-
|2012-02-26 18:06:37 AnonymousNgiachhie achhi hmeiseih. Machhiesapa chhokhazy Khazohpa ta ypa mawh sy.
-
|2012-02-27 10:39:29 Chakhei SatliaPupa John Teikhaw eima chatao khei hmeisei na cha hawta eima saw hrona avaw lei pacha kaokha lata hieha zy a zachhi kaw na palo pasa leithei awpa chavaei chahra sala Abeipa liata thlachha via lyma eisila Abeipata hmia mania asa pa cheingei aw tapa hnabeisei nachota apa vao sa via lyma ei su vy ......RIP
.
.
. 
