Chennai, Pamih 8 (Chennai Mara/Maraland.net) - University of Jerusalem, Chennai ta tari noh 8 Pamih (March) 2012 khata 16th Convocation a rohna kawpa ta hmah ei ta, cha liata Marasaw Ph.D, D.Min, M.Th nata B.Th pakha raihrie ahmo thiehpa eima hnei. Ama thatih asia viapa ta ary liata sopa a cha.
 |
| Daihti pathaona liata Praise & Worship chhithatuhpazy nothlahpa |
 |
| Degree ahmopazy: L to R -Ls. Ngiarily (MTh) St. Sopai (PhD) Rev. S.T. Zawsi (D.Min) St. K. Baokhai (B.Th) zy |
1. Doctor of Ministry (D.Min) ahmopa Rev. Dr. S.T. Zawsi Thati Chyupa:
 |
| Rev. Dr. S.T. Zawsi, Doctor of Ministry (D.Min) Degree alanga hainopa |
Rev.Dr. S.T. Zawsi he Atanoh 8th March 2010 noh liata Doctor of Ministry (D.Min) Degree, University of Jerusalem, Chennai, India tawta a la haw. Anoh Dissertation Title cha: "A Brief History of the Ministry of the Lakher Pioneer Missionaries in Maraland: Dynamic Change and Its Growth" tahpa a cha. Ano he 2010 liata ECM liata Moderator a hria chiehpa cha ta, tahma he Saiha Vaihpi EMC Church liata Pastor acha ngahaipa a cha. D.Min he Notla Marasawzy hry liata Rev. Dr. M. Zakonia kha ahmotuapa a pakhana cha ta, ano he a panona a chapa ta eima pahno dah a cha. Dissertation ropa ta Doctorate degree ahmo tuapa deikua Dr. John Hamlet Hlychho ta D.D. ko 2000 pata a vaw hmo tua chai. Rev. Dr. S.T. Zawsi he This e-mail address is being protected from spambots. You need JavaScript enabled to view it liata a contact theipa a cha.
2. Doctor of Philosophy (Ph.D) ahmopa Dr. Sopai Thatih Chyupa:
 |
| Dr. Sopai, Doctor of Philosophy ( PhD Degree) ala ngahai nopa |
Dr. Sopai he East Maraland liata Lialaipi Khihpa cha ta, 2004 tawta Theology avaw chu lai ta, M.Div nata M.Th zy he Kerala tawhta patlo ta, cha khai tawhta Andhra Pradesh liata High School sakha liata pachutuhpa ta vaw hria lyma ta, chano ta Ph.D he a vaw taopa lymapa a cha. Atano 8th Marach 2012 Doctor of Philosophy in Biblical Studies ( PhD) ta university of Jerusalem, Chennai, India liata avaw la haw hra. Ano PhD Dissertation Title cha “A Critical Studies on Christian Mission with Special Reference to Mara Tribal People” tahpa a cha. Ano PhD Dissertation he atako 2012 PhD Batch liata Dissertation phachaipa (The Best Dissertation) ta atlypa a cha. Dr. Sopai he Maraland.net liata contributor pakha cha ta, ano Mongyuh reih lata article ropa Marriage fulfils the need for helpful companionship in building God's Kingdom chhao rei theipa a cha.
3. Master of Theology (M.Th) ahmopa Ls. Ngiarili Thatih Chyupa:
 |
| Ls. Ngiarily, MTh (Master of Theology) Degree ala ngaihai nopa |
Ano he East Maraland liata Lelaita (Old) khihpa cha ta unawseitano pacharupa hry liata aseihnai chaipa a cha. Ano he B.Th Yangon, Myanmar liata patlota, M.Div he Kerela State, India liata vaw patlo hei ta, MTh he atanoh Uniververisty of Jeruslem, Chennai, India liata avaw patlopa a cha.
4. Bachelor of Theology (B.Th) ahmopa St. K.Baokhai Thatih Chyupa:
 |
| St. K. Baokhai, BTh ( Bachelor of Theology) Degree ala ngahi nopa |
Anoh he East Maraland liata Lelaipi khihpa cha ta, tanoh he University of Jeruslem, Chennai, India liata BTh avaw patlo pa a cha hra. Anota areida tacha, “Abeipa ngah ta hmo phapa tao tyh," tapa he ano Life Motto achapa hawta mania a chho pa hra.
 |
| Chennai Marasaw zy chhaota - Standing L to R: Mr. Moses C. Tehlo, Ls. Catherine J. Beidi, St. John M. Beilaisei, Ls. Nudy, Ls. Manu & St. Sanga (Cameraman) nata Graduate na zy photo |
Marasaw Bachelor tawhta Doctorate taihta Degree a series ta mania ama vaw la pa thei pavata, Chennai Marasaw zy dua ta eima ly hmeiseih hra, tapata Mr. Moses C. Tehlo ta alyna bie a reipa hra. Nohthlah hluhvia ary liata sopa a cha:
Related:
- PhD, D.Min, MTh & BTh Marasaw zy ama Hmo - www.mcfchennai.org
- University of Jerusalem, Chennai official website - www.ujglobal.org
-
|2012-03-09 10:22:25 Cho U - Aly kheinaEi chaly khei hmeisei ei. Hmaotaopa zydua cha ta Byhna rohnahpa vaw cha khai bei te u. Nama hlaotlohna he eima Beipa Zisu Moh reithai na'awpa ta nata palopalie na'awpa ta cha mawh sy.
-
|2012-03-09 10:34:15 Cho U - Word CorrectionAcho liata rohpa "palopalie" tapa khi "palyupalie" acha bei aw.
-
|2012-03-09 11:56:21 Biesoh - Aly kheinaEI cha lykhei hmeiseih kaw ei!! Abeipa ta byhna cha pie lyma mawh ei se!! Abeipa ta ano khih nah rah kawhna nata Mara rah chata cha hmah mawh ei se!! Ei cha ly khei hmeisieh ei. Nama taopha hmeiseih tlaina!!
-
|2012-03-09 13:30:58 Forever - AlykheinaEi puhpa Paihpa,
Aly kawpa ta Ph.D na vaw patlo theipa vata ei cha lykhei hmeiseih.
JU tawhta a vaw patlo theipa Marasaw zydua Abeipa ta byhna cha pie lyma mawh ei sy.
-
|2012-03-09 14:29:01 Mg AyeNama tiamanah nata nama hlaotlonah he Marasaw zy cha ta eima tlhatlonah, ei ma nohva vianah nata tiama kho vianah a vaw cha hmei seih. Krista kypachanah namo y vawcha lyma maw seh!!!!
-
|2012-03-10 10:29:16 Paw Sakie - ALykheinaAvaw ronah kaw na, khazohpata pastor thiehpa zy miah apie heihpa vata , khazohpata liata nata nama zydua cho liata alynabie ei chahla hmeiseih hra ei. Khazohpata ano chata nata akyhpachapa chysa zy chata cha hma lyma heih bei ei se. Amen!
-
|2012-03-10 11:23:10 BosechCONGRATS for your achievements... God bless you and use you for His glory...and for maraland.
-
|2012-03-10 12:14:54 k.beidao - Aly kheinaKhizaw runah na zy sipahli pata Ph.D,D.Min,M.Th & B.Th Degree phakaw pa zy nama vawhmo pa vata Krista hno ta eicha palai khei hmeisy ei na.
-
|2012-03-10 12:18:39 samuelkczaluaA lypa acha hmeiseih,marahpa saw zy kei kha lyma ta hmia eima to lyma,,,A Beipa moh cha reithai pata y tlai maw se....
-
|2012-03-10 12:43:28 Mara - Lypa a cha kaw na.....Theology Degree hlao tloh kawpa ta a patlopazy....ei chalykhei hmeiseih ei.......
University of Jerusalem he kha tluta ma a moh a pha tly ? Ama Degree he khatluta ma a soh (value) va tly? Khazia ma Pastor Zawsi he Serampore University tawhta a tao vei........ BD patlo tawhta D.Min pazaopa he ama pasai tlai ma.....
Hmo sakha ei chi kawpa cha......quality y leipa ta quantity he Marasawzy ta eima chadai tu tla maw aw tahpa ei chi kaw......India rah liata theology a chupa eima cha khiata cha....Serampore University cheingei he cha thei sala, a pha kaw aw.....
-
|2012-03-10 13:51:48 JK Chozah; ATC, Aizawl - Alykheina..Ei cha ly khei ngasa tlolo ei na. Nama Degree dao thiepa heta sapa nata thlapa liata thata chakaona liata ABEIPA ta tha chapatlo mawh ei sy...
-
|2012-03-10 18:20:27 Sopai - Namahnota alyna bi eirei hmeiseihComments avawpi pa nama zydua hnota Khazopa moh ta alyna bi eichahla chyu ei.
-
|2012-03-10 18:34:24 Sopai - Chennai MarasawDear Chennai Marasaw, eima cho liata namataophana he a rohna eita hmeisei, Khazopa ta nama fellowship-nama cho liata byhna chapi pha lyma ei sy tahpa thlachhana chota nama zydua cho liata alyna bi eirei hmeiseih.
-
|2012-03-11 03:56:39 A.Zawngia, ShillongHe hawhta University sakha tawhta Degree chi nano nanopa Marasawzy ta eima dao theipa he a rohnah ei tah hmeiseih. Nama zydua hnohta ei khokheina bie ei ch'aw hla ei. Aviapahchaipa ta, Rev. Dr. St. Zawsi, ei uhtapa hnohta ei khokheina ei hla. Abeipa ta byhna cha pie chyu ei sala, nama chakaona liata tha cha patlo chyu mawh ei se.
-
|2012-03-11 05:04:53 Isral Spencer - Alykheina.Chokhazo Byhna Mara Sawzy cholia nia piepa he ly achhi kaw dia maw...Eichaly khei hmeisei e..Namatiama na nata hriapasa cha Byhna avaw cha haw..Marasaw zy chata mopa tla nama cha hmeiseina..Hmiala KRISTA chata kei nama chaka liata khokheina sa chaipa ei cha hla ei...Ato taothei tupa athei thla nacho tasy,Tawla CHOPHO NGIANA TLUA LEI AWPA SY....Eima ly nazy cha KRISTA hnota y maw sy.
.
.
. 
you've made us proud once again . .
God lifted you in your days of toil and struggle,
And now is your turn to lift God's name on high . .
Wish you all a blessed disciple life . .