Kolkata, Pamih 13 (KMCF/maraland.net) - Tari 03.03.2012 (Pachynoh) khata MCF Kolkata ta ama Chhithatu thieh peinawzy atlyna nata atlyna ei 2-na cha Advisor Puhpa L. Beimopha, IRS o liata hnei ei ta; tari 10.3.2012 khata incharge ahlana chhao zapati niepahmaona hneipapa ta ama hnei haw. He a ry liata moh pala sa peinawzy he ko 2012-2013 MCF Kolkata chhithatu awpa châta zawpizy ta lôrao ngasapa ta ama tly pazy ama cha:
 |
| New Leaders From Right to Left, Macha K.Davies Chairman, V/chairman St. VT Lawmsanga, Treasurer, Ls. Edenthangi, Gen. Secy. St. Tlaku Nohro, Fin. Secy. St. Erom Chozah |
Chairman - Macha K. Davies, B.D. I
V/Chairman - St. V.T. Lawmsanga, MBA 1st Sem.
Gen. Secretary - St. Tlaku Nôhro, BA II
Asst. Secretary - St. Beihrotha Syuhlo, BA III
Fin Secretary - St. Erom Chozah, MBA 1st Sem.
Treasurer - Ls. Edenthangi, MA.
Election he Puhpa L.Beimopha, IRS, KMCF advisor ta pha kawpa nata pala kawpa ta chhitha ta, âtlyna hnei khai tawhta ama senior advisor Macha Laima Chozah, IAS, ta chhithatu thie peinawzy châta pasyuna bie pha ngasapa a reipa hra.
Kolkata liana heta a ei hra pata MSO zy â dua leipa vata, MCF maophaona lia a pahnie zie nata, thlapa lâ deita a deichhyna châlei pata sapa lata chhao eima saizie a kaw via thei nawpata eimâ chuna nata eima noto hro nata rai liata ngachhina eima pachu awpa a peimaw zie zy chhao a rei pa hra.
 |
| Advisor nata MCF chhithatu peinawzy |
Dt 10.03.2012 (Saturday) 4:00pm pata, Puhpa L. Beimopha O liata MCF Kolkata chhithatu peinawzy incharge hlana hneipapa châta; ama advisor Puhpa L.Beimopha ta he incharge â hlâna he a pahneisa ei.
 |
| Outgoing chairman St. George B. Solo ta newly elected chairman Macha K. Davies incharge a hlo nopa |
 |
| Advisor Puhpa L. Beimopha, IRS pasyuna bie a reinopa |
Chhithatuhpazy incharge pahlasatuhpa Advisor Puhpa L. Beimopha, chata pasyuna nata pahaona bie khochhi kawpa nata pha kawpa hnei ta, chhithatupazy cha member-zy keih kha ama chakâ nota a hlu via eima chakâpa a ngiaziezy, kyhpachana nata thaphasana chôta member nazy eima chakuchavei awpa a byuna ziezy, Mietaku vaituh phapa eima cha pah a peimawna zie zy a rei ta, chhithatu phapa cha awpata cha keimo ta eima theina rakha tao pita Khazohpa ta eima theina khola maniah a bao aw, tahpa ta Chhithatu thie peinawzy a pasyu ei.
He program ahma khai tawh heta, ama Advisor Puhpa L. Beimopha ta, chhithatu paroh peinaw pathliena nata chhithatu thieh peinaw alykheina chata niepahmaona paha ngasapa a taopapa hra ei. KMCF chhithatuhpazy ta ama lyzie he hawhta reih ei ta, "Kolkata MCF member nazy ta Kolkata liata Mara saw Officer nazy, Khazopa pahno kawpa chysa eima hneipa zy he eima thla aloh khei hmeiseih," tahpa ta KMCF chhithatuhpazy ta maraland.net ama chho.
 |
| Chhithatuhpa thiehpa nata parohpazy group photo |
Kolkata MCF chhithatuhpazy thatlo kawpa ta he py peimawh kawpa he ama siekhei lyma thei n'awpa ta eima thlahchhana liata kha athei tyh suh vy.
Nothlah slideshow ta ary liata sopapa a cha:
Related:
- Kolkata MCF ta Advent Christmas 2011 Lyy kawpa ta hmah
- Kolkata lia Mara Christian Fellowship (MCF) padua haw
-
|2012-03-12 22:11:42 MCF DelhiKolkata MCF zyta chhihthatuh thiehpa atlyna apala ngasapa nata apha ngasa pata nama hnei theipa he arônah tah pita, eima chaly khei hmeisei. Chhihthatuh thiehpa zydua nama sie laih lyma n'awhpa liata Abeipa ta cha chhihtha ei sala byhna chapie mawh ei sy!
-
|2012-03-13 04:45:47 Angel BNKolkata MCF chhihtuh thie pa nma hnei pa vata ei cly khei hmeisei ei..hmiala nma sie nwpa liata Abeipata kha ca y pa lyma eisala tha ca patlo lyma ei se....
V/Chairman St.Lomsanga Congrats......
-
|2012-03-13 11:29:14 HV. BeihaluaKolkata MCF chhihthatuhpa atlyhna ei 2-na a pala kawpata nama hneithei hapa vata cha lykhei hmeiseih ei nata, hmiala daihti liata Abeipata tha a cha patlo lyma'pa ei ta ei khokheina ei cha hla hra ei.
-
|2012-03-14 07:39:18 MCF BangaloreKolkata MCF chhithatuhpa thiehpazy atlyna hlaotloh kawpa ta nama vaw hnei heih thei vata eima chalykhei hmeiseih. Nama sie lyma n'awpa liata Khazohpa ta cha ypa ei sala, tha chapatlopa ta byhna chapie lyma mawh ei sy.
-
|2012-03-15 14:42:02 JK Chozah ; ATC Aizawl - AlykheinaAly avaw chhi kaw tyna, Kolkatta liata MCF chhithatu theipa nama hneithei hei vata. Marasaw Chana nata khazohpa pahnona-china liata he MCF heta cha chhitha lyma ei se...
.
.
. 
