SHILLONG: Kô kha chhôhta eima moh khâhpa nata daihti(programme) peimawh chaipa Freshers social 2009 cha târi noh 19th thlarâh 2009 (Pachynoh) liana khata Anton Hall, Don Bosco, Laitumkhrah liata hlaotlo kawpa ta âhmâpa a châ. He daihti he Freshers-nazy âly pangiana achâ hlei khôh ta, kao nano-nanopata âpasyupalina nata âpachuna peimawh kawpa, Marapa sawzy âlypa nata thapha kawpa ta eimâ hmô pakhyna daihti a châ.
Chief Guest Puhpa S. Hiato, Minister nata thokhazy
St. George B. Solo nata Ls. L. Linda zy chhithana ry liata daw 11:00Am-pa ta pathaopa châta, zâlâ-ta kyhchhina chhaota pachhâsâpa a châ. Atakô freshers na he malu 100 hlei rachhôh hawta reipa châta, old students-na zydua chhaota 600 hlei tlai hawta reipa a châ (asia kawpata reitheipa châ vei). Daihti eimâ hmâna tlâpipa cha he hawna heta a châ.
Chief Guest : Shri S. Hiato, Minister (PHE, Tourism & Industry), Gov’t of Mizoram.
Guest of Honour : Shri T. A. Chhohu, Executive Secretary, MADC, Siaha.
Guest Artists : Puhpa A. Chhualai & Ls. Kalvary Hlychho.
He hleikhôta chihro-phohropa special invitee hlupi ama y hra. Rev. Dr. Lai u Fachhai, Pihno Debbie Fachhai, Pihno K. Nachi, Pihno K. Ngola (w/o Shri S.Hiato), Puhpa M. Chakhu (Ex-President, MSO Headquarters, Siaha) zy nata Shillong liata kô hlupi maniah mohôh tuhpa atahmâ Garo Hills(Tura) lâta maniah âpasie sai hapa Puhpa PT. Hlychho, chhao he daiti he maniah âhmahkhei thei eita ama chô liata MSO Sub-Hqrs: Shillong ta âlyna bie a rei hmeiseih.
Ls. Kalvary - "Khipi Ngiangaitapa" tahpa hla sa nopa
Atakô NEHU tawta toppers pano eima hnei pazy : St. M. Lalramdina, S/o M. Buichung, Siaha nata Ls. Obedee Hlychho, D/o KH. Pawhra, Siaha zy hnota âlykheina nata khokheina châropa (Certificate) hlâpa a châ. St. M. Lalramdina he B.A. Honours (Pol. Science)liata 1div.(5th rank) châta, Ls. Obedee chhao B.A. Honours (Philosophy) liata 1div.(5th rank) a châ hra.
Chief Guest, Guest of honour nata mohropazy tawta pasyupalina pha ngâsâpa nathliepa a châ. Eima Chief Guest he MSO founder(1965) nata President term thô apatu hapa, MLA avaw châ chiepa nata atahmâ Government of Mizoram liata Cabinet Minister a châ ngâ haipa châta, Guest of Honour chhaoh vâropi MADC liata posts nano-nanopa viz. P&DO, Secretary Legislative raizy avaw hria tawta atahmâ Executive Secretary rai hria ngâ haipa a châ hra. âmo pano he Shillong tawta âchuna patlô rairiepa châ eita, kô hlupi Shillong ama puasai tawta ama za tlyh heipa cha ama palô âlie ngâsâ ha hra. Marapa sawzy châta âmâ piepasana nata hriapasana he arôhna tahpita ama chô liata eimâ ly hmeiseih.
Guest artists Puhpa A. Chhualai nata Ls. Kalvary Hlychho zy chhaota zawpizy ama palysa thai ngâsâ. Hla ama sapa zy cha no-aih rai âchhi leipa ta âmo chhaota daihti cha y sala hlasa nata âhmâ awpa zy chhao ama kho ngâsâ ha hra. âmo he eimâ palaikheizie nata pasôhzie palâsana châta palyupalina châropa(Certificate) ngiakawpa hlâpa ama châ. Freshers Social eima hmâh khai tawta târi noh 21st Thlarâh liana khata âmo he Shillong khichhô liata su peimaw pazy chahry kheipa ta no-y-kha tlai cha daihti âhmâ kheipa ama cha.
Puhpa A Chhualai hla sa nopa
MSO Cultural troupe-na zy ta Pho lâ Rakhâ-tlapa nata Awh-khypa lâ cha ângia ngaitapata palâsa eita, local band viz. The Beat Risk, Street disciples nata Sticky Sweats zy chhaota hla pha ngâsâpa ama sa hra. Freshers nazy vâropi mopathlipa ama châ tawta chanô nata chapaw tawta papangaw(5) rairie âtly papuapa châ eita, chana zy cha ama pie lyu zie, py hmotaona liata ama puapha nazie, âpakhy pazi ama tiama ziezy nata ama nôcha-hrozie zy thliepa acha tawta henazy he atly patlopa ama cha.
Miss Freshers 2009:
Ls. Penini Syhly, Class - XI(Science), St. Margaret’s School
D/o S. Zasawna, New Colony, Siaha.
Mr Freshers 2009:
St. Amosa Hlychho, Iyr BA, Umshyrpi College
S/o Pacho Hlychho, Meisavaih, Siaha.
Ls. Penini Syhly, Miss Freshers 2009 (Pic sia viapa thlai eima vaw upload heih aw)
Guest Of Honour Shri T. A. Chhohu nata thokhazy
Mara Costume Parade hnei nopa
Note: Photo hropa thlai eima vaw update heih aw
-
|2009-09-23 18:22:27 PipawShillong MSO nama hma dah cha a pipaw ei tah kaw na... palohtlah a chhih kaw... nothlahpazy chhao a mo a pha kaw, sia via heih sala kho achhih kaw aw. Tawhta, tyuvyu a hneipazy he nothlahpa liata ala thei cheingei tyh ei sala kho a chhih hra.... ei khohleikhona hawh ta na vaw pachapa mu vy.. nama tao pha kaw... Marasaw hmiala toh lyma sy...
-
|2009-09-24 08:57:47 Aldrne Bohia - Vah nama chhi da cha.C'long Mso zy sai u,,,va nama chhi da cha........Khazoh ta byhna chapi mawsy.
-
|2009-09-24 09:00:16 jams - alykheihnacongratulation, MSOS for being able to organise such a nice functions......Pasia,, pahlu, pabei, pui2, patlo n palte ei cha lykhei ngasa ei..nama tao pha kaw.....2007-08 no tapa va a chhi kaw na....keep it up...jams(ex-ob 07-0
-
|2009-09-28 09:20:19 pj - alykheinamso shillong hmia la to lyma te u. achuhai pazy eima maophaona patlo achhua ei s'u
-
|2009-09-28 21:56:52 bielautha - to lyma su vec.long MSO nama taopha ngsa.hmothlipa arytlypa ta pachleipa eisila,athiepa pata athokhei cheingei awpata achhua chyu su ve.achuhaipa zy he hmialata eima rah chhituhpa zy eima cha tahpa pahno na chota adona ,ngachhina nata tiamana chota `EIMA KHAZOHPA CHTA NTA EIMA RAH CHTA` hmiala to lyma su ve.MSO hroparei maw se.....fr..florida,USA.
-
|2009-10-02 14:29:12 Apawmara - Nama tao pha ngasa!!!!MSO clong "FOR GOD AND MARALAND"" chata tiama papua via lyma awpata nama hria via lyma awhpata khokheina eicha hla ei. Clong MSO nata MSO su to nata Rah to liata adua hapa maita tla parei lyma maw sy.
-
|2009-10-02 17:33:57 john beingachhi - Nama vawchhielei ngasa.Dear-Hi... maralaisa?
namavawngiangasa maralaisa
nama picture zy eivawhmopacha eima mara rah khana einavawpavasa ngasa chi ei.....mara laisazy namavawngiangasa
hmialadaiti liatachhao ahluviata maniavaw pasapahei beimu vei
Ls.penini Syhly & Ls.kalvary & damary namavaw ngiangasa.
Mara laisa, very very beautiful...I love you all mara laisa.
By-john beingachhi
Country,U.S.A
State,New York
City,Syracuse.
MSA
Centre,Yangon