Nochhi Mara laihsa panozy ta University sano liata Lecturer rai ama hmo. Mara chanozy chata ngiatlahpa a cha. Ama thatih he eima pahno tawhta ama nothlahpa chhaota eima vaw kho.
(Laihsa Sikhei, left nata Laihsa Lisa, right zy)
Laihsa Sikhei Chozah, M.Sc (Credit) cha Kalay University, Department of Botany liata hria a hria aw. Cha hawhta Laihsa Lisa Zing Nei Par, MA (Eng), ELTM chhao Pyay University, English department liata a hria hra aw.
(Laihsa Sikhei)
Laihsa Sikhei D/o Puhpa C. Haoko, Author of Mara History, he Dawlei khihpa cha ta, a hriana su awpa Kalay University he Kalaymyo khihpi tawhta 9 miles rachhoh ahlapa liata a ypa cha ta, he University he Chin state liata a y awpa hawhta reipa pheisai sawkhana ta a pasiehapa kha a cha. Eima pahnopa hawhta Bama rah cha State nata Division ta pachhaipa cha ta, he Kalemyo khihpi yna he Sagaing Division chhoh liata chata, Tamu nata Kalaymyo nata Chin state tawhta student hluhpi ama chuna su a cha. Chin state a kaw hnia chaipa by (plain) rah a y tuapa division a cha. Laihsa Sikhei he Pakokku University tawhta M.Sc Credit a hmopaphapa a cha.
Credit tahpa chhopasiana: Credit tahpa he subject to ta 75 marks and above a hmopa he a cha. Master Course liata semester sapali a chupa cha ta Subject zydua 16 a y, a zydua 75 marks and above a hmopa cha Credit tahpa a cha. Grade 'A' a hmopa tahna chhao a cha. Credit a hmopa zydua M.Res (Master Research) ko kha tao khai tawhta Ph.D he thlai ama pazao theipa a cha. Laihsa Sikhei he a vaw taopha hmeiseihpa a cha. Eima lykhei kaw.
(Laihsa Lisa nothlahpa sanozy)
Laihsa Lisa Zing Nei Par D/o Rev. Sing Luai, a hriana awpa Pyay University he Bago Division liata a ypa cha ta; Laihsa Lisa paw Pastor he Township Administraive Officer (Retired) nata Director, Evangelism and Mission, Church on the Rock, liata a cha haipa cha ta, Laihsa Lisa no he Pihno Nu Te, Dawlei khihpa a cha. Laihsa Lisa, MA (English) a patlona su he Yangon (Rangoon) University a cha ta, cha khaohta Post Graduate course English Literature Teaching Methodology (ELTM) chhao a patlohapa a cha.
Myanmar liata University level liata pachutuhpazy ama ngia dah he bahta ananona a y. Pachutuh awpa ta ama ngiapataw nahta heta Science la Mathematics reileipa cha Demonstrator tah ei ta, Mathematics nata Arts/Humanities la he Tutor ama tah.
Demonstrator/Tutor tawta Promotion ama hmo khiah cha Assistant Lecturer tah awhpa a cha, Science/Arts pachhaina y khao vei. Assistant Lecturer tawta Lecturer a cha hei. Lecturer tawta Associate Professor tah awhpa a cha hei, Associate Professor tawhta Professor a cha, Professor he P1, P2 tah pachhaipa a cha, P1 he Head of Department rai a chakaopa a cha, P2 he cha P1 Baotuh chaipa a cha. He zy he Academic Department zy liata pachutuhpa zy awhna dah a cha. Administrators awhna he cha, College zy liata Principal nata Vice Principal tah awhpa a cha, University/Institute liata Rector, Pro. Rector tah pata hma laihpa a cha heih hra.
He acho liata palasapazy khi Myanmar rah Higher Education Department zy liata pachutuhpa nata Administrator zy awhna a cha, Laisa Sikhei he Batony pachutuhpa a chapa vata Demonstrator tah awhpa a cha. Cha hawhta, Laihsa Lisa chhao he English pachutuhpa a cha vata Tutor tah awpa a cha hra.
Ko hluhpi vaw sieha ta Mara laihsazy University level liata he hawhta pachutuhpa rai pha kawpa ama hmo theipa he Maraland.net ta eima lykhei hmeiseih.
(Contributed on request by Satlia K. Hliesa)
Comments (45)
-
|2009-09-25 08:19:26 Dr. K. Robin (Daoki Paw)Mara Chano Achuna sa chaipa (University) liata pachu-tuhpa rai ama hria theipa he eily khei hmeisei. Centenary kho tawta eima Khazohpa ta Nochhi nata Notla Marapa zy cho liata a ngiachhiena Byhna hmo theipa ta apatlosapa he aly aly chyu su. Laisa Sikei nata Laisa Lisa, my heartiest congratulations to both of you.
-
|2009-09-25 12:33:19 Cho U - A ly kheinaMarapa hro liata Chapaw nata Chano chana bata nanopa hawta hmo theipa cha tyta, cha cha mano mapaw tawta a kaw si laipa pachana vata acha thei aw. Chahrasa Chapaw nata Chano likaw liata hmona dah nanopa cha marapa hro liata a lei via lai lyma. He he mara mo pita eima hma siena sakha hawta acha tapa keima la ei py.
Chano zy ta ama chana dopa pahno thaipa ta kao to liata thata tiama eita ngachhipa ta a ma kaw dua lai lyma. Ls. Sikhei nata Ls. Lisa chhao he cha hawpa hry liatapa zy a ma cha.
Ls. Sikhei nata Ls. Lisa Khazopa byhna to ei chi ta he hawta nama taophapa vata cha palai khei ei nata a lyna bie ei chahla ei.
-
|2009-09-25 16:59:05 Laiu FachhaiHe Mara laihsa pano penawh ei chi he ei cha vaw palaikhei ngasa thlah ha ei. Khazohpa ta nama raihrianna liata byhna cha pie ei sa la, chyhsa hluhpi, a eihpachaipa ta Marapasawzy, chata byhna hnawh ta cha hmah ei se.
"Credit" tahpa deikua he khama a yzie a cha tly? "Distinction" nata a lyu tlyma i?
MSc, MA deita a daih leipa sala, PhD chhao vaw tao cheingei muh vy!
-
|2009-09-25 17:45:57 Tu tu - re:Dear Pastor Laiu Fachhai,
Credit tahpa y zie a chy tah ei vaw roh,
Credit tahpa cha "Distinction" nata a lyu vei tah theipa a cha, Distinction tahpa cha Subject sakha"75 Marks" a hmo khia cha One Subject Distinction a cha, Credit cha Master Course semester sapali a chupa chata Subject tah 16 a y, a zydua "75" marks and over a hmopa cha Credit tahpa a cha. Grade point "A" a hmopa a cha. Credit a hmopa zydua M.Res (Master Research) ko kha tao khai tawta Ph.D tlai pazao theipa a cha.
-
|2009-09-26 00:48:12 sasaHe marapawpi angedacha.marasawzy chinataphochata rai hria baeisi.
achu nachhao pazuleimate U.tlhachhaeimachabaoleima aw.မာရာလူမ်ဳိး
မ်က္ႏွာမငယ္ ေတာ.ဘူး ph.Dကုိ လည္းဆက္တက္ပါ.အေ၀းကေန ဆုေတာင္းလ်က္.
u.s.a. MD
-
|2009-09-26 08:44:32 samuelkczalua Bangalore - A lykheinaLs.Sikhei nata Ls Lisa,Nama hlaotlona liata palohhmeiseihpata eichalykhei ei,Marapa chano hehawta University Lecture eima vawhnei theipa he eichapalai khei hmeiseih ei.Marahpa chata No cha avawchhuah mu vy/.
-
|2009-09-26 08:48:33 NC. BeihrosiaLaihsa Sikhei & Laihsa Lisa, ei lykheina sah chaipa ei cha hla ei. It has been one of my happiest moments whenever I receive the news of the outstanding academic performances and achievements of the Maras. God be with you and bless you!
Marasaw zy pita University a chuna eima kaw patlo pathaona he rei vei. Achuna sah chaipa Univ achuna patlopa dei chalei pata, Univ pachutuhpa rai taita Marasw zy ta ama kaw hria thei lyma pa he Mara Gospel Centenary byhna miakha a cha. Eima ly hmeisei.
Mara personalities hry liata pano, a cho liata comment pie tuhpenaw- Rev. Dr. Laiu Fachhai nata Dr. K. Robin hnoh chhaota eima ly ngaita hra. Mara community mo papha tuhpa nata Marasaw zy eima dua lei zie tawh papuatuhpa a ma cha.
-
|2009-09-27 04:32:15 Zahu - AlykheinaLs.Sikhei nata Ls. Lisa nama chota byhna rohnapa he eima chaly kheizie chhao reithei mapi.Eima Marasaw Chano hryta Tutor rai avaw chakao tua chaipa thei hmiatuapa zy nama chana hawta nama chakaona nata nama rai rohnapa liata byhna vawtloh rili mawse.Nama thai sohna nata nama pawngiana chhao eima chi nata pho pabohsana liata hmathei mia avaw pasai thei hrabei mu vei tahpa ahawna lai kawpa eihnei.
USA
-
|2009-09-27 09:56:42 Moses C.Tehlo
Dear Kheino (Si Khei) & Fano ( Lisa),
Eima khi Dawlei khi ( Darling Village) he Education lata eima hnai hmeiseih tapata eima ngia avaw chhi ngalichita Eima Beipa khazo pata nama pano tlaita hehaw pa byhna rona kaw pa achavaw pie pa eihe eicha lykhei hmeiseih y.
Eima Beipa khazopa ta Eimara nata Chipho chata Byhna rona kawpa sakha nama vaw chalai lei ma thei naw pata byhna cha vaw pie lai lei ma maw eisy.
From
Tata Pahlo ( Papa Hlo)
-
|2009-09-27 14:14:42 Fabulous ladCongratulations Miss Sikhei and Miss Lisa!! Marasaw achhu ngahaipa zy chata mohpatla mama cha hmeiseih. Nama thaina nata sonazy kha khozohpa nata Marasaw chata nama cheingei aw tapa ei hnabeisei.
-
|2009-10-02 15:48:51 Nunu Fachhai - Eily na reitheipata cha hualua vei
eily theida cha Mara Laisa hmipha, Chhihthai, Siano, tlochai, Thaiso, Deitu, tapata khizaw liata a y pa morona pa hlupi ta aw thlanga awhpata eipalo liata eilyna chhathai rima vei ei.
Mara Laisa Si Khei ( SiSi ) nata Lisa ( LiNo ) nama tiama na nata nama thaina zy dua Mara Chano zy duachata a mopatla phakawpa nama vaw cha pa he a rona hmeiseita a ngiahmeisei ta K'zopa mo cha reithai lyma via he pata cha maw sy.
NuNu Fachhai
USA
-
|2009-10-02 18:05:13 john beingachhi - nama siakaw.Dear-Ls.sikhei & Ls.lisa
Eichavaw lykhyngasa hra ei..
Nama hmi phana nata nama soh nazycha mara pachata
nama vawhmathei awtapa eihmabei asei hmeisei
nama vawngiatheidala eimoh na ai thai veichi...hahaha
abeipata namatiama nalymahawta hlaochavaw patloleima maw y se,
nama pachana zydua abeipata pichavawpa tloleima maw y se.
Ls.sikhei & Ls.lisa chibai abu awpata eicha byungasa y
za nama mo daitiliata maphangasa pasa mu vei hehehehe.
eichavaw ly kaw y chhithai chai naw...thanks!
By-john beingachhi
Country,U.S.A
State,New York
City,Syracuse
-
|2009-10-02 21:46:13 KeimolasawPuhpa C, Haoko, Mara History tahpa rohtuhpa cha ta, a sawchano he hawhpa duasu - chathaipa a chapa he a ly a chhih via pachai pata ei pahno. Research lazy vaw pahah laihsala, a paw pheihnie lia kaw sie sala, a paw lapi a chhih chiehpa kaw pakawh via laih lyma hrasala tahpa khokheina ei hnei lai kaw.
Laihsa Sisi nata Laihsa Lino zy eima cha palai khei kaw sai ei.
-
|2009-10-10 00:28:34 kypachadear,mytheivana eimachana story.
khizaw kaokiliata ay pamara pa zydua sai u nama phakhainota achama?chasala mara pihe thaina tlua leipata chysa thaipazy liata hmiahao na eima hnie ty.he hawpahe eichama cha awh paraichavei.athaiviapazy amavawpuanata hietlia na eima hnie pahe chysa molei pa eima cha hmei sei.thaina he KHAZOPA ta mania apikhai pa acha.heliata ataopasa viapata ataona hlao cha pi atleity.pitlei nahe KHAZOPA tawta avy pacha hei tlota he tawta azao navata chhua achahra.kheihawpa eima cha chhao ta palosa kha phaota eima y awh pahe abyu ngasa.chysa thati eima rie ngavata keimo chata sa kha hmata ke thyu na rai y vei.mara pa eima cha khiatala eima pho nata eima chi ky eima pacha awh pa rai acha.phaosa ahniepa zy vata ama hnota eima y awh parai cha vei.chysa pata angiap[a na hno ahei saihaw khiatala ngiapa pachysa rai cha awh vei.M EC liata ay pa eima cha khiatala eima y na py he eima pasa sah awh parai acha.mara pata MEC leipa a y awh pa pahno angavana.MEC tawta apuapa he acha awh.chasa tu pa napaw mo napahno lei pa khiatala chysa tla cha awh vei chi.napaw nata nano napahno pa hawta ngiapa nahe nahnie awh pa acha.ngiachhipata mara u naw liata hmo kho achhipanata azao nachata nata motyu chata byhna cha awh pata letter zy vaw roty ba bei mu vei.
-
|2009-10-10 10:06:23 kyawkyaw - A phakaweipalaikhiekawna hehawta temapapivia leimasu vy.
alykhinachota
-
|2009-10-10 18:33:15 Anonymouso achana...he haw pata Marasaw chano tta thaina sa pa hnei pata,,eima liahri tlona mara rah tha phapa hmeisei nata am theina rakha ta liata mara rah ama cheichalo pa he aly achhi hmeisei ta....ei palai khei hmeisei hra ei
-
|2009-10-17 15:45:37 Dr John Hamlet Hlychho - Congrats!Ls. Sikhei & Ls. Lisa zy University liata Lecturer ta nama hria thei awpa vata ei chalykhei hmeiseih ei. Abeipata nama thaina hmapata Myanmar liata Krista apahno leipazy Krista lata nama chhi thei nawpata, nata Chano chiehlei viapazy challenge rohna kawpa nama pie lyma thei nawpata Khazohpata byhna cha pie lyma mawhsy, Amen!
-
|2009-10-17 16:46:29 Dr John Hamlet Hlychho - Praise the Lord!Mara Community Church, Maryland, USA liata avaw thlaha he cha...Abeipa raihria a cha hmeiseih. US liata Marasaw a y-penawh apiena nata khopasana va chhao a cha hmeiseih. He heta Khazohpata Marasaw he miah my leipata byhna ta kha miah achadaipazi tyh tahpa apalasa, Praise the Lord!. Marasaw zy Krista vata Keimo nata keomo Apalyupalih, Cheichalo lyma pata, Apokhana nata Hriakhona lapi a chhih lyma ei suh u. Mara Community Church liata Pastors, Deacons & Members zydua Paw Khazohpa tawhta Byhna Soh chaipa ei cha awpa ei. Amen!
Duaduapaw,
Siaha
-
|2009-10-18 11:17:34 Anonymouslaisa sikhei nachhie lei kaw,cha thai pa hei chi,laisa adaih hmeisepa nacha,laisa lisa nasia hmi kaw,eica pasasa kaw.
-
|2009-11-13 07:19:53 C.Bikheisa - Ei ly/palai khei hmeisei eina....MAra laisa sai chEi popa ta a ty thei tlai sala ei ly kheina ei he khei ta ma ei palasa aw tapa chhao pahno thei khao vana. Abeipa ta eima ra nata chipho chata vaw hma haw ei maw se!
-
|2009-11-13 07:47:52 BeichhuafachhaiI... khai apalai khei leitheipa rai cha vaeichi.nama tiama nahlao chapatlotu pa ei ma paw Khazopa choliachhao thata ei ly.
-
|2009-11-16 11:50:30 Cholaibie Chozah - Ei chaly khei kaw eiMarapa saw he eima naw kaw ngyu aw.Anokua cha cha Khazopa ta panawraisa awpa ta a za chhua chiepa cha tiara aw vei.Achalei zie cha he eima laisa pano he ta ama vaw palasa haw he zaw!
-
|2009-12-11 04:24:40 Mara Laikha Chozah - Ei chapalai khei/ei cha ly khei kaw eiLs.Si khei nahta Ls.Lisa,ei cha ly hmei sei ei.Mara pa Pawpi ngiapa,roh pahah pa nama cha tlai.Nama tiama na,tao pasa na he Khazoh pata namo nahta Mara pachata byhna vaw cha via lyma maw sy'
-
|2010-02-10 21:45:33 nksasaAw aly lei theipa cha vei,eimaly ch'ngei aw pa abao,MARA rah cha nata chipho cha ta ahria awpa amacha ch'ngei aw na,MARA laisa he universty lecturers azacha bapa am y ba ma?ama y ba pata eipahno vei,chanai ta eily khei kaw e nama ly khei cho awpa ta eipangiasa,tiama eisala pacha vialy ma maw ei sy.
-
|2010-04-13 14:25:52 vakhei(Siz0)Marasaw Laisahropa zy chata nama pheihnie he zi tla awpa cha parei maw sy!
-
|2010-04-23 07:58:09 C.Simon - Eichaly kaw eiNama ngia thei dahla. nama thatih rei na ai vei. Taotuhpa my bei khu vy.
Ei thlachha na ( My prayer to our living God)
Hla no ta chi nata pho cha lei pa ei chi ta a tahma deikua chi nata pho ta mia a padua tuhpa ei ma khazoh pa y, Ei ma cha ly ngaita na. Mara pa chi chyh kaw pa pi he khizaw pi pa hno khi pata mia tao via lyma mah y. Amen
-
|2010-05-07 05:02:11 vabieneihmo - a ly khei naHe haw ta ma ra saw zy ei ma hnei thei pa he ly a chhi nga sa
-
|2010-07-02 04:00:11 AnonymousM glad and proud of your achievement................
Next,we're soon about to have a NEW SCIENTIST,who's going to make Maraland proud by achieving what people think is IMPOSSIBLE.............
Arise and Shine Maraland
-
|2010-07-28 08:31:48 Laikhai Paw - Chano saw !Mara laihsa. Chano saw !
Laihsa Sikhei & Laihsa Lisa, paloh hmeiseihpa ta cha lykhei ei na ta,
ei cha palaih khei hmeiseih ei...
Chano saw hmiala to lyma ula, Assistant Lecturer, Lecturer, Associate Professor, Professor, ProfessorP1, ProfessorP2 taita hmiala to lyma awpa ta khokheina ei cha hla ei.
Pro.Rector & Rector he chapaw ngalah chata taopa post cha hlei vei.
Chano & Chapaw he marapa paloh liata ananona hneipa hawhta cha chy hrasala, thaisona arapasuana nata rai chakaona kyh liata ananona rai rai y hlei vei....
Nochhi nata Notla Laihsa hropa zydua chhaota he he dua nathlie ula,
hlaotloh cheingei hra awpa ta khokheina nata ahawna chhao ta ei cha pasyu hmeiseih ei.
Rai pathaih 'Pachuna' nata chano he a vaw hmie pachai heihpa ta ei pahno cha maw...
Zawpi zydua ta Abeipa la alyna bie reih ei su.............................
Laikhai Paw
Shillong.
-
|2010-09-15 06:00:48 V.B.Mokhai - AlykheinaLs. Lisa nata Ls. Sikhei ta University liata rai nama vaw hmo theipa he ei cha lykhei hmeiseih ei na ta, ei cha pasahsa hmeiseih ei. Marasaw chano he khizaw liata chhao dua ma pi tahpa ala kaw, Abeipa ta nama rai hria n'awpa liata tha cha patlo lyma sala, cha ypa lyma tahpa khokheina sah chaipa chhao ei cha hla ei
Eima Mara chanozy eima kaw sah nona heta, Mara chapaw zy chhao, eima chano nah tawhna heta pahaona challenge eima palohru liata maniah pahneisa sala tahpa kho a chhih kaw.
V.T.Thelmapaw
New Colony, Siaha
-
|2010-11-23 06:11:16 L.Biesaw - Alykhei na eivaw hnei hraHe Mara pawpi zy ta Mara pa he noh hah atao thei awpa zy amacha pahe amachota eivaw reih thai hmeiseih hra pa cha . ABEIPA ta Mara saw zy nata Mara chipho chata Byhna pha pacha mania vaw pi tapa eingia pacna cha. Khapa rai chasala eima taopa nata ima hripazy duahe ta K'zopa ta eimahno tamania y pa tloh ta ato zyduata Ano cho laita eima pahhnei thei hla awpa he apha. He Mara pawpi naw zy chhao heta amachu na nâ nata amabao hiah na zydu ach aABEIPA ta pahno khai tlo ta Chysa pata eima tao thei pa y vei hra sala atao tupa K'zopa lata eima pavao sala awpa he Thlachha bao chyu eisi la eima thei raih ri awpa he Mara saw zyduata apaha chai.
Chihro phohro pazy ta vaw mo hnao hra eisala Mara pazyta eim apalai khei lai awpa acha . Chihro phohro pazy ta amapahno l eipa chhaota Mara saw zyta eima pahno lai ha awpa apha chai.
L.Biesaw
Malaysia
-
|2011-03-22 01:56:13 AnonymousMarapa saw he hawhta khazohpa byhna nam a to lyma pa vata Abeipa eima khazohpa he apha tlaina ! Eima tao theina cha leipa ta chavata Apalaina y leipa ta khazohpa hmosai piepa a chana zie pahno pata khazohpa la alyna bie hla lyma ei su vy.
-
|2011-06-08 08:49:24 PaulKhai - HiahrinaLaisa Sikhei,, Ano/paw/ Mara hawta asiapata cha liata eivaw hmo thei,
Laisa Lisa he nama vaw roh dah ta Ano dei Mara pa hawta nama pala sapa eipa hno. apawmo chhao he Mara mo hawta chavei tapa eipacha. mo hropa pa deina lacha eipahlana acha aw.
Ano-------------------Mara -------------------------Apaw Mara acha leipa nawhe Mara pa Chysa ta apy thainawpa lapi 1% hmata hmo thai vana ,,
Apaw ----------------Mara-------------------------Ano Mara acha leipa chhaota chahaw pa nawcha 100% Mara pa ama eita khokaw.
Keima pokha hmo nadah acha.
-
|2011-06-08 15:22:08 Mr. TruthNo nata Paw he pho alyupa, e.g. Marapa ama cha khiata cha ama sawnahzy cha "Marapa" identity he amo liata a vaw pih thlahha. Anodeikuala, no nata paw pho alyu leipa a vaw cha nata deikua a vaw bua ha tyh. Ama paw a satuhpa cha Marapa cha hra sala, ama no ta chi hropa vaw cha sala, ama no chi nata pho reih ahlypa ta "Marapa cha va na" ama tah tlo vei khiala, Marapa a cha tah thei ma pi. e.g. St. Tlawmlova cha a paw K. Riachho cha ta, Marapa pathlapa na a cha taraw. Chahrasala, Marapa hmotaona liata a pahlao beih leipa ta, MSO Membershipa ama khei daihti liata pie khoh leipa ta, Chahawhpazy cha "Marapa" tah thai aw ma?. Cha hlata la, Tlaikaopa tlyma, viahpa tlyma ta, "Kei he Marapa ei cha" tahpa ta Marareih cheih sala, ano cha Marapa ta apyh tla a cha via.
;
Keima pacha dah ta la, no tlyma paw tlyma cha Marapa cha sala, sawnahzy chata "Kei, Marapa ei cha" ama tah khiala, Marapa ama cha tahpa ta ei pyh. Ls. Lisa heta "Marapa ei cha" a tah khiala, reih awpa a hropa a ypa ta pahno va na.
-
|2011-06-08 08:40:41 EagleYePuhpa Tlawmlova, MCS he Delhi MSO hmotaona/function liata chhao ahlao tyh hra, kei he a y chiehpa ei cha vata ei pahnopa ei vaw reipa a cha. Cha hawhta MSO membership fee a piekhoh leipa chadua ei zo tu ta vei. A uhtazy chhochhi cha Mara feeling kaw hrapa a cha. Ano chhao eima rah lata posting ama kaw hnei tita la Marasawzy tha pasa kawpa officer a cha nahta eima pangiasa. Ama yna nahta ama nozy ama chu lei vata Mara kaw hlao leipa he y holo ei ta, eima chaku chakie thai awpa he a peimawh kaw aw. Moh chakhipa ta reipa deikua la tao kha ei si. Ama paMarasa tlyma sa lei tlyma Personal attack hela bah hmaleipa sila a pha kaw aw.
-
|2011-06-08 09:29:08 JTDear Paul Khai, na pachana na reipa he ado kaw. Pachana rei leipa ta y thlahpa he hmo pha leipa a cha. Hehe... Hmeiseih ta eima no or paw Mara ama cha khiahta cha amo chhao Mara atah theina ama hnei thlah ha. Chyhsa pathlua lei kawpa ta paloh kawh kawpa ta Mara sawzy sie hra tua ei si. US President Barack Obama he A paw cha Kenyan chata ano he American a cha. Ano he American tla a cha hra bao. Kheita na pacha?
-
|2011-06-08 20:20:36 MaraMr.Truth he a 'Truth' tu vei he tly ma! Pachâthai awpa chi a châ. Hnabeipa ta biereipa he pha kaw tu vei, chyhsa moh chakhipa ta rei tlô ta, âdo lei kawpa ta rei chakhyh thlâhpa he apôhkhana taotuhpa hlâta papaisatuhpa tlao ama châ khoh via.
-
|2011-06-09 07:37:19 Mr. TruthHe he hnabei hnabapa ta reipa cha leipa ta. Aizawl MSO Member pakha reipa tlao a cha. Cha hawhta Marapa chana liata asia kawpa a cha khia, ly a chhih kaw cha maw!! Keimo ta "Marapa na cha, cha va chi" eima tah thei awpa cha leipa ta. Ano (Tlawmlova) pachana kha na a peimawh chai bao.
-
|2011-06-09 08:24:25 EgeAno leipa chhao chyhsa hropa ama y holo. sakhana liata ama yna achu leipa ta a sanona liata ama no nazy ama chu heih vei. Officer saw cha rei lei Mara politician eima bochha kawpazy sawzy hmahta cha hawhta rei awpa ama y. Ama pawnazy politics reipa nahta alyu khao vei. Moh chakhipa ta bie reipa hela pha vei. Kei chhao chyhsa hropa rei awpa ei pahno hluh kaw. Eima reipa heta ama paloh zy tlao eima pahla via thei aw. Officer sawzy lia chhao ano dei cha vei, chyhsa hropa ama y chheih thlah hra. Anua kawpa ta na vaw comment pa he hmiala eima chuna chata chasala kho achhih. Tawhta, ei kha hmo ama tao chheino ta ama ydah zy rei ngapa he pha vei. Ahyrai ei kha ei no hmo a tao chhei theipa sai eima cha. Chavata, Kheitama Mara sawzy chata ama phahnai thei aw tahpa kha tlao pacha awpa a cha.
-
|2011-06-09 02:24:00 Anonymous - A ly a chhi kaw dia!!Mara laisazy he hawpa duasu liata a ma kaw dua lai theipa he a ly a chhi talei thei vana. Tiama papua via lai lyma mu vy. Ei cha ly khei tu haw ei na.
-
|2011-06-23 10:27:39 Beichhuakhai - AlynaMara laisa, sikhei & Lisa eima chahnei pahe eima ly chaima na, nama khopasana nata Riahphana, Maraland kyh nama pachanacha ala ngaita, eima eicha palai khei kaw ei.
-
|2011-08-26 05:52:58 koko ( cheko - Eima chareithai nah.Marah saw zy khazongiachhi navah ta degree asah pazy vaw hmo hawba pata atahmachhao university lecturer zy eima vaw hnei hawbapavata khazopa chhao nata byhna atoh tu py naw chhaoeima charei thai na..Eima thai nahe khizaw chadeileipata miapituh pakhazopa cha chhao vawhma suh vei..Amen,
Powered by !JoomlaComment 4.0 beta2
.
.
. 
