Students Chano-Chapaw O tlokhohpazy ta Mizo tha ama pachhie: BMA

E-mail Print PDF

Bangalore Mizo Association (BMA) chata Mawrah tawhta Bangalore khihpi liata a y pazy kyh toti liata ama sohsi awpa ta bietana tao ta, achuhaipa chano-chapaw o tlo lahpa nata tlo khohpa (live-in) a poh via ngapa cha Mizo community tha pachhietuhpa a cha, ama tah. Ary liata aki viapa ta:


(India rah khihpi hmasie chaipa hry liata reipa Bangalore ava (skyline) a panano kaw tuhpa sakha ta reihpa UB City nothlahpa)


Bangalore, Pachawh 16 (UNI) - Bangalore Mizo Association (BMA) chata atanoh khata Mizoram tawhta chachupa nata rai tluata a y haipazy avaivana nata aboh via n'awpa ta security tips - pahnosana a papua.


He zikyurana he atliata liata Mizo laihsa 12 ama raihriana liata dopa ta ama y hapa tawhta ama taopa a cha.


"University ama kia n'awpa pahnopasia ta, kheihawhpa affiliate-pa ma a cha, a yna sia kawpa nata kheihawhpa subject zy ma ama pachu tahpa nata hostel zy ama hneipa tahpazy he admission atluapazy ta ama pahno tua a byuh," tahpa ta BMA biepuapa ta a reih.


"A theipa a chakhiah BMA he a saohiahpa chasala www.bangaloremizo.info tlyma, he website liata phone nuby sopazy tawhta hiahri theipa a cha hra," ama tah.


Atliata tawhta chyhsa doveipa ama hluh hleikhota rai charoh haipazy chata rai pha kawpa pie awpa ta bietaina hnei ei ta, ama bietaina hawhta cha tyh leipazy nata thokha chhochhi cha chano-chapaw chana liata ama kholeina chota pangiasa raruahpazy taih a y vata thyutliazy ama sohsi kaw awpa a byuh," tahpa ta ama reih.


Rai pie awpa ta bietaina a y khiah ama rai pie ama chhuahpa cha adopa a cha ma, a cha vei tahpa pasia tua byuh ta, a sohsi kawpa ta a siahlia kawpa ta he hawhta pahnopasia tua awpa khona a y khiahta cha he hawhta adoveina he eima khokhah thei aw, ama tah.


BMA chata Mizoram tawhta Bangalore liata achuhaipazy hry liata satlia laihsa ama khopa vata o tlo khohpa (live-in relation) ama poh via ngapa cha ama pachazie reih ei ta, he hawhpa o tlo khohpazy heta Mizo community tha a pachhie kaw, tahpa ta bie ama papuapa liata ama reihpa hra.


Mizo Laihsa 21 zy cha Nawh (January) thlapa liana khata jeans chysia biehna a hneithpa Shahi Exports Pvt. Ltd ry liata rai hria awpa ta a za chhipa cha ei ta, chahrasala rai ama hria awpa nata hlao ama dao awpazy cha Mawrah liata bietaipa nata alyu lei vata ama lie lilaw haw.


Source: UNI via web123.com (He news he Mongyuh reih la tawhta News agency sakha UNI ta ama taopa cha ta, Marareih la tawhta eima vaw so hrapa a cha).

Comments (4)
  • Apha kaw na,,,,,,,,,,,,,,,,
    Keimo Marasaw zy pi chhao he phai la cha a chu awpatah eima zu na chha pa he eima my ty........living together chhokha pahno khei lei pa eima y pathao hra ba tah ei pahno........ :lol: :lol: :P :cry:
  • Anonymous
    He kyh he a peimawh kaw tlai na. Hmiala cha Naga pazy he hawhta ama y tyh no ta, eima no-ah kaw tyh ta, atahma deikua keimo nata keimo eima cha tita eima no-ah khao leipa a lyu kaw. Sieta chawta chaleipa a khohpazy (girlfriend-boyfriend) o tlo khohpazy heta thachhiena ama vao khoh via pachaipa ta rei theipa a cha.
  • Anonymous
    He bie eivawhmo pala apei ta nata ado eita ngasa,mizo tapa liana heta tlaikao naw ngalata riepacha leipa eisula,mara pachhao eima hlao khai hra mawra liata a ypa state miakha liata apahrapasai cha pita amo pasia tua eisu u.aviapa chai pata mara saw nawpi he amo pasia eisu u.bangalore he CITY OF GARDEN tapa ta marei ty..he va na heta a khipi liata pahra pita chi hro phohropa asosa pa ha zy alapata no to mahro liata mara saw zy pi eima hma pathao haba pata ala.tlaikao naw saita za cha khai vei ei,mara sa chhao ma hlao chei ngei thlyu hra nata pangiasa achhi,eima hmi nata sa zy alyu khai pa vata apapeisalei pata khoda hawta hro ahmapa ta eima pie pathao haba hezaw.aziza pa apha kawpa vata zyta BEER zy he apalalo nawpata chano chapaw ta mahma kawba.hleikho pata chihro pho hropa zy khopa vawhnei eita,ENGLISH thai khopa vata zyta ama chano chapaw cha napa za chhi kawpa kha pari theipa tawta athao pata ama hma pathao haty....thokha zy tala BEER zy he hmochhiepa hawta vawpach vei ei..apeingasa THINO ahlaopa na acha 8% he BEER liata THINO ahlao.nama No nata Paw zyta ama chapasai vama BEER do awpa heta...akhopenaw zy eichita nama chu chhota nova hawta y eichita,eima rah nama kawpua nata apathai ngasapa VIRGINE kawpa hawta achano chapaw ta nama y ty...noza achhi ngasa chavata amo pasia eisu u BANGALORE mara saw zy pita.
  • hm
    Bangalore ngala cha vei, Viarah lata cha achupa zydua chata pahaona tla a cha. Bangalore Mizo Association heta riahpha kawpa ta ama vaw rei papuapa tlao a cha. Keimo Mizoram state tawhta a ypazy pi cha eima practice hawh via hri. Naga nazy, Manipuri nazy chhochhi la ama tao na tawh a rei haw. Adoleipa cha adoleipa a cha tahpa ta sia kawpa ta rei ngah awpa a cha. Tawhta, thokha hela phusa rairuna vata o tlo khohpa cha ei ta, a sia kawpa, a khohpazy cha hlei vei ei. Pathlua thai a byuh.
Only registered users can write comments!
Last Updated ( Monday, 16 April 2012 19:23 )  

Maraland.net chhoh liata tluana

Elsadai Boys Hostel Shillong lia tao


Elsadai Boys Hostel at Nongshiliang, Shillong. Admission Open! Click here for more information!

Maraland on Facebook

Mara Gospel Music Video

Gospel Outreach Music Ministry




Maraland.Net

About Us
Contact Us
Company Info
Maraland Blog
Maraland

Mara History
Map of Maraland
Maraland at a Glance
Tourist Spots
Programs

Advertising
Partnerships
News Contribution
Article Competition
Help

How to Register
How to Comment
How to Submit News
How to Submit Link
Policy

Terms of Service
Privacy Policy
Copyright Notices
Comment Guidelines
© 2002 - 2013 Maraland.Net - The Home of Mara people on the Internet - All Rights Reserved
RSS Feed