Aizawl, Pachawh 16 (maraland.net) - Delhi MSO Jt. HQ President parohpa nata ex-Chairman of MCF Delhi, Satlia Denish Solo s/o Puhpa S. Kholai, College Vaih, Siaha cha Account & Treasuries Department, Gov't of Mizoram ry liata Group 'B' rai Additional Divisional Accountant (ADA) liata a tloh.
(File photo of St. Denish Solo, centre, MSO Jt. HQ Delhi freshers' social 2010 no'pa)
He department ta rai lana he entrance exam cha 28th & 29th October 2011 khata hneipa cha ta, personal interview he 14th & 15th March 2012 khata hneipa a cha. He rai ama lanona heta Assistant Auditor pa 6 nata Assistant Divisional Accountant he pa 15 ama la.
St. Denish a tlohna ADA he Group 'B' post cha ta, Mara saw he department liana heta rai lai viapa a hriapa eima y lihla leipa ta pahnopa a cha vata a ly achhih via pachai. Atahma hata heta a pazao ha aw. Biedaona ta a rei dah ta ko 5 service ama hnei khola ta he liata atlohpazy he MF&AS (Mizoram Finance & Account Service) exam chhao anoeih kawpa ta khokheipa cha ei ta; chahleikho ta promotion liata ADA na he AA nata ahropa 'Group B' liata a y hrapazy hlata khokhei via tyhpa ama chapa ta pahnopa a cha.
St. Denish he Delhi University (DU) ry liata Kirori Mal College, film liata a moh pathahpa Amitabh Bachchan college a vaw kiana tawhta B.Sc(Physics) pha kawpa ta patlo ta, he tawh pyly heta 2010 khata M.Sc(Physics) chhao pha kawpa ta a patlo heih hra.
Satlia Denish he Delhi liata a y chhohta MSO Jt. Hqrs. liata active kawpa nahta chana nano naopazy hleikho ta President nata Advisor zy chhao a vaw patu chiehpa cha ta, thlahpa la liata chhao Mara Christian Fellowship (MCF), Delhi liata Chairman rai a vaw hria chiehpa a cha.
Ko 2011 tawhta khata RMSA ry liata Chapi H/S liata Science pachutuhpa ta y ta, cha chhoh ta he rai he a vaw exam ta, a hlao a vaw tlohpa a cha. Eima lykhei ngaita.
A rai hria lyma n'awpa liata eima khokheina asah chaipa eima hla.
-
|2012-04-16 13:35:46 HrongiaMSO nata MCF chhithatuhpazy rai phapa hmona kyh liata hmia nama vaw sah tyhpa he eima cha palaikhei hleikhota Mara saw hmia nama pakai ngasa. Satlia Denish ei cha lykhei ngaita.
-
|2012-04-16 15:19:27 Tlualaisa Hlychho - A million congratsMaster Denis thanks for adding a glittering diamond in the great crown of Maraland. Hope that this achievement will bring forth a great motivation among the Mara's aspiring youths.
-
|2012-04-16 16:11:55 lailai,chapiA chalaukhie ngasa..hmela nakawfielai lauma na awpa leta,adeina nata ngachhina chota na hre lauma awpata kheikhiena sa chaipa a cha hla..
-
|2012-04-16 16:13:36 For God and MaralandEi chaly khei hmeisei....MADC lia Politician na zy ry a dao pa tah... eima thyutlia hlu pi zy rai a ngia va ama chhua ng anoh tah....State natah center la cha exam vaw ro ty pa nama y pa he... ei cha pa sa sa hmeisei ei..a via ra liata UPSC coachin kia pa tah y va natah mawra state lia tah rai a exam aw pa a chua va na zy sai u...tiama vaw papua lyma mu vy..hmo a khei hawva rai he tiama va na ei a cha chai.....May God bless Maraland.
-
|2012-04-17 06:42:53 Mara fanHey Den, congrats............i also know u can do muc muc better than this!!
Look at u, u hv the mental capacity, strength, wisdom, sharp aptitude & so on ...... wish u sail further & higher!! I'm proud of u ......
-
|2012-04-17 07:53:34 I&PRO,Siaha - WoW!!!..we did it again...congrats.Denis....a trillion Congrats..clench your fist, buckle up your belt, roll up your sleeves and dash for a Bigger one. May this achievement of yours be a stepping stone towards a Greater achievement.
Mara saw hlaotlona thati thei he a vaw nuam (Nuam??? can't help) kaw ty na...ABEIPA ta cha ypa lyma sala ; hlaotlona lai viapa nata rona viapa vaw to/hmo ma y.
.
.
. 
