Delhi, Pachawh 24 (MCF Delhi/Maraland.net) - Tari noh 22nd April, 2012 (Sunday) noh liana khata Lai Students' Hostel, C-41, Mahendru Enclave, Azadpur vaih Delhi liata Mara nata Lai achuhaipazy ta Abeipa reithai, palyupalihna hmaohkha ta Lai Pastor Rev. Th. Vanlalzauva speaker chapa ta 1st Joint Fellowship hlaotloh kawpa ta ama hnei.
 |
| Zawpi nata Chairman St. Beimosia Lapi, MCF Secretary nothlahpa |
 |
| Chairman St. Pabia bie reina a hnei nopa |
He daihti pha ngasapa nata ly y chhih ngasapa cha St. Beimosia Lapi, MCF Secretary chhihthana ry liata ahmapa chata, St. Jacob Hc. Lalengvara ta daihti pavaosana thlahchhana hnei ta, chakhai tawhta Abeipa lata hmosaipiepa lapakhyna hneipa chata, Pihno Thuampuii ta Abeipa lata hlana ahnei. Speaker bie a rei lihkawh liata mopakha ta Abeipa reithaina Ls. Steffi Khithie nata St. Dinsanga zy tawhta nathliepa a cha hra.
 |
| Ls. Steffi Khithie reithaina hla a sanopa |
 |
| Special No. - St. Dinsanga |
 |
| Thlahchhana hneinopa zawpi nothlahpa |
Rev. Th.Vanlalzauva tawhta bietana pha ngasapa 'Molei reipasaona' tahpa biepipa hmahpa ta apachuna hneipa chata,
 |
| Sermon Rev. Th. Vanlalzauva a hnei nopa |
Rev. Zauva he LIKBK Pastor chata, Lai Students' Hostel, Delhi liata Superintendent nata North Delhi Mizo Apakhyna liata Administrative Secretary a cha.
Apakhy theipa maluh he 70 rahchhoh eima pha. He Joint Fellowship he Delhi liata a eikha eima hneina a chapa vata keimo Delhi liata Mara nata Lai achuhaipazy chata hmo ngiatlah achapa nata apohkhana maniah apahneisa via tuhpa acha pata pahno pita eima ly ngaita kaw. Abeipa thlahpa chhihthana nata ngiachhiena va acha tahlei thei mah pi. He ary liatahpa he sermon tlahpipa a cha.
"Molei reipasaona"
“But each one is tempted when by his own evil desire, he is dragged away and enticed. Then after desire has conceived, it gives birth to sin; and sin, when it is full-grown, gives birth to death.” - James 1:14.
Khizaw chyhsazy pi he ahy hmahta reipasaona tawhta a bohpa y tla mah pi. Eima Beipa Zisu Krista cheingei chhao kha Sâtâ ta areipasaopa a châ (Luke 4). Châhrasala reipasaona toti liana chata, eima pua n’awpa lâthlȏh Khazohpa ta khâ maniah ataopa tyh.
Molei reipasaona he khizaw reihkahta akawh kawpa ta he hawhna heta eima reih thei aw:
1. Materialism: Khizaw hmo tlaichhaina he molei reipasaona chichhih chaipa sâkha nata chyhsa hluhpi hro raona a châ. Eima O chhȏh liata zy Abeipa bie hawhta hropa hlâta cha, noh chareih ta khizaw hmo buakheipa nata achadaipa ta daihti eima hmah tyh. He reipasaona he chyhsa hluhpi ta pahnothai leipa pita, achhâna liata chhiena nata thihna taihta maniah atlȏkhei tyhpa a châ. Khazohpa khinahrah nata asiana tluapa hlâta cha khizawh hneirȏna atlua tuhpa eima hluh via salyupa a châ.
Hiahrina: Kheihta daihti na hmah tyh, khapa e na buakhei chai – khizaw / Khazohpa?
2. Consumerism: He heta areih chhuah chaipa cha noh chareihta hmoh eima hma (consume) tyh pa, atlâhpi pata Materialism tawhta avaw puapa i.e. TV, Internet, Mobile, Vehicles, etc… zyta molei lâthlȏh liata maniah âchhina nata eima hro aparao theina zie a châ. Ahmah n’awpa dah nata daihti eima pahno khao leipa vana heta, Khazohpa nata eima pazaona aparao ngâsapa a châ. Khizaw thaina sona tawhta tao papuapa chhaichhi zy he keimo chyhsa ataotuhpa zy heta phahnai ngasapa ta eima hma awpa a châ nota, apalielâ ta he chhaichhi zy heta maniah ama hmah viapa alyu kaw.
Hiahrina: Chhaichhi hneituhpa ma na châ ma, nama kha chhaichhi eih tlao na châ hri?
3. Popularism: Atahmahlata eima buakhei chaipa sâkha cha moh alâhluah khohna he a châ. Chyhsa zyta ama pasâhsapa châ awpa eima tlaichhaituna liana heta, eima daihti sȏhpa nata pachâna pasohpazy cha lâpi doleipa liata eima siekhei tyh. Cha dei châlei pata, alâhluahpazy eima pasâhsa kawpa vata ama hrodah (lifestyle) phalei kawpa zy cha zi tyh pita, cha chata hro raona lâthlȏh liata maniah âchhi tyh. Khizaw celebrity kaw pua thieh viapa maih ydah nata atobi dah zy cha eima pasâhsana zie châ ta, ama hlasapa pualeipa nata chhie ngâsâpazy cha eima khonazie zy a châ tyh. Khazohpa mohmȏ ta chysa pasichhihpa zy ydah cha eima pasâhsapa achâ chaipata âlâh.
Hiahrina : Na daihti sȏh ngasapazy kha Khazohpa pahnokhei leipata moh âlâhluahna tlua n’awpata na hmah tyh ma? Na hrozie nȏchah, atobih dah nata, na hla nathlie tyhpa zy kha Khazohpa hmiakȏ liata aly tlah a châ ma?
Molei reipasaona he kao nano nanopa ta eima chȏ liata tlȏ thei ta, Sâtâ he asoh ngasapa cha ta, eima palȏh pahnie thei n’awpata angia/apha thei chaina dah hawhta ryhpaona maniah ataopa tyh. He reipasaona eima pahnie thei n’awpa ta cha nohchareihta eima palȏhrupa, daihti nata thazȏh zydua ta Khazohpa kho zie ta eima hmah tyh awpa a châ. Thlahchhana, biehrai reihna, Khazohpa khopa bie lȏhawhpa lia zyta siana, adona nata ngâchhina kyh zy he bâh sai leipata khâ eima reih tyh awpa a châ. Abeipa cha eima bohna a châ.
Abeipa ta byhna cha pie ei se!
 |
| Rev. & Mrs. Zauva, left with Dr. & Mrs. Joseph, right and Delhi MSO Pre. Fc. Beirachhuady, extreme left |
Nothlah hluhvia a ry liata slideshow ta sopa a cha: .
-
|2012-04-24 17:07:03 Bei2Alypa acha hmeiseina,hehawta apokhana tao pata khazopa achhyna liataita hmaokhata eima y theipa he apha ngaita,....nama taopha kawna...
-
|2012-04-25 05:37:37 AnonymousA rohna ngasa. Hmiala nama tao pazao lyma awpa ta ei khokheina ei cha hla ei.
LADC ta Lai students nahzy chata Hostel ama taopa he a pha ei tah kaw. Chasala, vaw hluh via lymapa cha ei sala, thokha hostel ama to khao lei daihti liata kheitama ama sie khei lyma dah a cha va tly?
-
|2012-04-25 16:41:21 Gospel TNIvory, Steffi chhao asathai ngasa hra, he no chhao a sapha ngasa Khazoh ngiachhiena vata.
-
|2012-04-25 16:45:51 Gospel TNNancy, Steffi a ao pha ngasa, tahmano hati tu chyta, noh peimawhpa liata ei 2 eima pasasa ha. A uhta nah a chalyu lei ngasa ei hehe....
.
.
. 
