Aizawl, Pachawh 26 (Maraland.net) - Puhpa Tlualaisa Hlychho S/o Puhpa Chiahmo Hlychho, New Colony, Siaha cha Mizoram Public Service Commission (MPSC) ta Junior Grade of Mizoram Police Service (MPS) competitive exams & personal interview liata Panel list liata a tloh khai tawhta rai angia awpa ta hruana daota, atloh haw.
(File Photo of Puhpa Tlualaisa Hlychho, Sr Advisor, MSO Joint Hqrs. Delhi releasing Delhi MSO's 'Admission Information Brochure' in 2009)
MPSC heta written exams he 21st-30th September 2011 khata tao ta, Personal interview chhao 15th & 16th December, 2011 khata MPS posts 10 hnao awpa liata a hnei kheipa liana khata Puhpa Tlualaisa Hlychho he tloh khai ha ta, panel list liata papangaw (5) sopa liata sanona chapa ta atahma he he rai Marasawzy ta eima hnei khao leipa police officer rai laipa he maniah a hriapa awpa a cha.
Rai angia awpa ta hruana he 25th April khata dao ta, a myla ta ano chhaota a pazao khohna cha thlai a pangia haw hra. Thlai a pazao ba awpa a cha.
Puhpa Tlualaisa rai angia awpa ta hruapa a chana chhapa chhao Top 10 liata atlohpa pathoh zy MCS liata ama tloh heih vata panel list liata topper zy hruapa ama cha. MPS liata atlohpa MCS lata atloh heihpa Pathohpazy cha Top 4 liata atlohpa James Lalnithanga S/o H.Lalbiakkunga, Leithum, Champhai district zy, Top 6 liata atlohpa Lalrinzuala S/o Saithanzuala, Kulikawn, Aizawl nata Top 7 Lalrinawma S/o Zochungnunga, Venghlui, Aizawl zy ta MCS ama pazao khai hawpa vata a chapa ta pahnopa a cha.
Puhpa Tlualaisa Hlychho he NEHU tawhta MA(Hist.) a patlo tawhta college lecturer chatheina University Grants Commission (UGC) ta National Eligibility Test (NET) exams a tao tyhpa chhao 2006 khata aroh patloh hawta, Delhi liata coaching zy kiapa ta y tyh ta, MSO Joint Headquarters, Delhi liata ama Senior advisor parohpa a cha.
MSP Senior Police officer Puhpa K. Amon (L) maniah a paha sai tawhta Satlia M. Misael kha MPS a tlohpa panona a chapa ta pahno pita, ano MCS a pazao ha vata MPS he eima hnei khao leipa a cha. Puhpa Tlualaisa Hlychho ta a kaw tloh papua thei heihpa he eima ly hmeiseih.
Eima lykheina asah chaipa hla pita, a rai hria lyma n'awpa liata hlaotloha a to lyma awpa ta eima khokheina eima hla.
Related:
- MPSC MPS Written Exam Result liata Marasaw pakha tloh
- MPS Final Result 2011-2012 - MPSC website
- MCS Final Result 2011-2012 - MPSC website
-
|2012-04-27 05:46:54 Dr John HlychhoCongrats! May The Good Lord Continue to Guide You and Bless You According to His Will as You Serve the Country!
-
|2012-04-27 09:26:00 TT Chhote - A ly achhih hmeihseih.....ApawNa hria pasana Abeipata byhna a chapie hleikhota Marasaw zy chata byhna cha awpata A cha padua pa vata eichaly khei hmeihseih....
-
|2012-04-27 17:12:56 MCF Delhi - ALYKHEINAApaw Tlualaisa, Delhi liata MCF member zy pita eima chalykhei hmeisei. Ngachhina, adona, pathaihna, siana achabahna chota eima rah chata na hria awpa ta eima khokheina sah chaipa eima cha hla. Abeipa ta cha ypa sala, byhna chapie mawhsy!
-
|2012-04-28 18:27:44 AnonymousKan District Council zem zen ngai lo va, a cow boy luh avangin kan memeber kan lawmpui tak zet e - rairao cabin
-
|2012-04-30 11:49:30 pawsa - ahawna@MSO,Delhi...admission brochure 2012 he nama release mah tlyma i? Eima khoh kaw hra,bah mia vaw chho thei ula eima lyh kaw aw.
-
|2012-05-03 08:48:12 samuelkczaluaVa byhna opy cha marahpa saw zy cha ta pahypa acha heih pa vata A Beipa cha reithaipata y maw se..Amen
.
.
. 
