Hiakha, Pato 9 (maraland.net) - CNF nata Myanmar sawkha bie ama chhona ei 2-na liata adyhryna lapi ama tluana liata ama paryhsa tuapazy liata rah hrola (foreign) lata Mara saw nata Chin chyhsa a ypazy khodah hawhta ama kua pakhua theinazy a hlao.
(CNF nata Myanmar Sawkha tawhta vyuhta ama tuapazy Chin state khihpi Hiakha liata adyhryna ei 2-na ama rei nopa. Photo courtesy: The Chinland Guardian)
Myanmar sawkha nata Chin National Front (CNF) nazy chata a ei 2-na chata adyhryna tluapa ta atyh heih ei ta, Nawh(January) liata riah adyuh khao mah lei awpa ama tahpa tawhta amo liata anga raihriena a lai viapa ama hnei pathaopa ta pahnopa a cha.
Noh 2 chhoh, 7-8 May ta atyu khoh awpa ama tah tarawpa ta CNF nazy ama khopazy cha sawkha ta a paryhsa khai ha vata noh kha dei ta ama pangoh khai haw.
Atahma liana heta sawkha la tawhta department hluh via syulyu liata luhpazy ama hlao hluh via hapa chhao heta ama hmeiseih zie a palasa kawpa ta pahnopa a cha.
Sawkha la tawhta Railway Minister Aung Min cha chief negotiator cha ta, ano he Forestry Minister Win Htun, two Deputy Ministers, the Electricity Energy (1) nata Border and Security Affairs Ministry, Deputy Attorney-General, General Zaw Win, the Department of Defense nata Northwestern and Western Commands tawhta chyhsa peimawhpazy ama hlao. He pheisai commands sanopazy he Chin state liata biehneina a hneipazy ama cha.
State-level delegation tawhta Chief Minister Hung Ngai nata Col. Zaw Min Oo, Border and Security Affairs Minister zy ama hlao.
CNF la tawhta he Chief Negotiator Dr. Sui Khar nata Deputy Dr Ngochole zy chhaota 17 pha ei ta, a ei khana chata third party nata independent observer nazy chhao ama hlao pasaih ei ta, he heta sawkha a pahy via zie chhao thata palasa ta, Norwegian Peace Initiative (NPI) tawhta Ashley South nata Chin Human Rights Organisation (CHRO) tawhta Puhpa Bawi Lian Mang zy he meeting liana heta ama hlao.
Point sano lia ngala ama paryhsa khai thei leipa ta pahnopa cha ta, chazy cha Special Economic Zone nata CNF ta hmo ama publish tyhpazy khodah hawhta Chin zawi hnohta rai awpazy he a cha.
Adyhryna a y thei n'awpa ta Point 15 ama paryhsa raihriepazy y ta, hezy he ama zy chyu awpa cha aw ta, third party observer zy nata civil society groups nazy chhaota ama hma pha nata phalei zy ama mokhei awpa a cha. Cha hry liata thokhazy cha:
1. Ama pano (CNF nata Sawkha) ta 20th February he Chin National Day (CND) ta ama pahnokhei pakhua awpa. He he pheisai ryureina liata hma pasai leipa chata, Chin State Day (CSD) ta thla hawpa cha ta; he he Chin chyhsazy ta ama chi chana tlybaina nata pahleikhohna hawhta ama pachapa a cha. Chin State Day he a noeih ta January 3 ta tlao hma awpa ta hma awpa ta tahpa cha ta he noh he Socialist sawkha ta Chin Special Division tawhta State chana a pie noh kha a cha. He he Official Gazette liata pangia raihrie awpa ta, tahpa a cha.
2. Chin chyhsa rah hrola ta apahra hawpazy cha ama khodah hawhta ama vawkua pakhua awpa pasai awpa nata ama khodah hawhta Chin state ama vaw tly thei awpa ta, Union Peace Team ta special pass tlyma Visa chhaorai a pie (issue) pa awpa ei a cha.
3. Zyhna vata pathluana a y lei awpa ta ama hriakhoh awpa a cha.
4. Chyhsa chana (Human rights) zachhina pahleina taihta rai pahriasa raruahpa nata hmo hropazy ama dyuh awpa a cha.
5. Chin Peace and Tranquility Committee rai hria tohpi awpa ta Independent Peace Monitoring py paduapa chasala he liana heta Chin civil chyhsa nano nanopazy ama hlao awpa a cha.
6. State nata Union level liata Civil society group nazy ama yna bie achhona py (mediating body) padua raihriepa chasala he nazy heta he he ama paryhsapazy paraopa ta a y tita adyhryhna bie ama pahno khei awpa nata ama tao pakhua awpa ta.
7. CNF nata ahniana hneipa ta baipa vata patupa nata patahpazy khapa hmah ama cho liata maochhiena y leipa ta a ngiathai khai awpa (Unconditional amnesty a pie aw).
8. CNF cha dah khola ta py hawhta sawkha ta a sopa cha a phie awpa a cha.
Thatih lana: The Chinland Guardian (He he thatih lana liatapa hawhta zakha liata zakha paliepa chahlei vei)
-
|2012-05-10 09:01:59 Malaysia.Mara, - Avawpha baochaAma paryhsapa zydua piatlothei na'w pata thlachha chyu su u.
-
|2012-05-12 13:34:42 K.Hliesa - CNF ta Mara Saw Myone mia ma hia khei awpa kho a cThati mia a pahnosa lyma pa!
CNF nata Myanmar sawkha a dyryna ama reina cho lia chhao tah eima a ly chhi kawpa a cha,
He liata Mara saw Thatlang, Matupi, nata Paletwa Myone(Township) satho liata eima yna tawta Myone sakha liata ytheina awhpa, Mara Myone tly ma Lelaipi Myone tly, Mara saw mia a sypahmao khaitheipa Township eima hneithei nawpa ta, CNF nata Myanmar rah sawkha adyryna ama reina liata Point sakha hawta a hlaopa ta, singed theina taita CNF chhao tah, lapi ama tlua awhpa he kho a chhi kawpa a cha. Achhapa cha Mara saw he Notla la Mara saw khia Nochhi la Mara saw kha ta, CFN chata Chabutoka a chachaipa eima chapa vata, Mara Myone sakha eima hmothei nawpata CNF tawta rei awpa he a tlah a thlaeh kawpa hawta ei pahno, Nochhi Mara saw Myone sakha eima hneithei nawpata CNF tawta Myanmar sawkha nata adyryna ama reina liata Point sakha liata a hlao thei khia cha Nochhi Mara saw Myone(Township) eima hnei chatlie chai nawpa lapi a y.
K.Hliesa
Yangon
-
|2012-05-12 13:46:37 K.Hliesa - CNF ta Mara Myone Mia hia kheisala Kho a chhi kaw!Thati mia a pahnosa lyma pa! Maraland Net cho liata Alyna bie ei hla tua chai!
CNF nata Myanmar sawkha a dyryna ama reina cho lia chhao tah eima a ly chhi kawpa a cha,
He liata Mara saw Thatlang, Matupi, nata Paletwa Myone(Township) satho liata eima yna tawta Myone sakha liata ytheina awhpa, Mara Myone tly ma Lelaipi Myone tly, Mara saw mia a sypahmao khaitheipa Township eima hneithei nawpa ta, CNF nata Myanmar rah sawkha adyryna ama reina liata Point sakha hawta a hlaopa ta, singed theina taita CNF chhao tah, lapi ama tlua awhpa he kho a chhi kawpa a cha. Achhapa cha Mara saw he Notla la Mara saw khia Nochhi la Mara saw kha ta, CFN chata Chabutoka a chachaipa eima chapa vata, Mara Myone sakha eima hmothei nawpata CNF tawta rei awpa he a tlah a thlaeh kawpa hawta ei pahno, Nochhi Mara saw Myone sakha eima hneithei nawpata CNF tawta Myanmar sawkha nata adyryna ama reina liata Point sakha liata a hlao thei khia cha Nochhi Mara saw Myone(Township) eima hnei chatlie chai nawpa lapi a y.
K.Hliesa
Yangon
.
.
. 
