Puhpa RT Zachono MADC CEM Thiehpa chata Lapangia

E-mail Print PDF

Siaha, Pato 10(DIPR): MADC term 10-na CEM thiehpa chata Puhpa RT Zachono, Amotla biatuhpa MDC cha CEM thiehpa chata Puhpa Kunal, IAS, Siaha D.C. ta Pohbienoh, Pato(May) 10 zala dawh 3:00 pata ngachhihna biepataisapa ta lapangia hawpa a cha.


MADC Tlyliah liata CEM thiehpa lapangiana hneinota zawpi apopakhypazy nothlahpa.


(MADC Secretary Puhpa FC Fachhai ta he apakhyna a chhitha nopa)


(Rev. Dr. M. Zakonia ta thlahchhana a hneinopa)

He CEM thiehpa lapangiana apakhyna he MADC Tlyliah liata hneipa he Puhpa FC Fachhai, Secretary, MADC ta chhihtha ta, Rev. Dr. M. Zakonia chata thlahchhana a hnei khai tawhta CEM thiehpa chata ngachhihna bietaina a hnei.


(Siaha D.C. Puhpa Kunal, IAS, ta CEM thiehpa Puhpa RT Zachono ngachhihna bietaina a pahneisa)



(CEM theihpa alykheina pawpi a dao nopa)


(Puhpa RT Zachono, CEM thiehpa ta biereina a hnei nopa nothlahpa)

CEM thiehpa chata biereina hnei ta, Atanoh ta CEM thiehpa lapangiana programme eima hneina chhapa cha Khazohpa nata Chief Minister Puhpa Lal Thanhawla nata a hrialahpazy party liatapazy zawhzi a cha, a tah. Central sawkha nata Mizoram sawkha zy nata palohru a hmo thai kawpa nata hriakhohna pha kawpa hnei awpa a chhuah aw pita, cha hmapa chata Mara rah he rah ngiaryh chhihpa nata hmasiepa ta tao achhuah aw pita, Awnano chhithatuhpazy nata chhao hriakhohna pha kawpa hnei eima chhuah aw. Ko 5 chhoh ta eima biepipa chata Amosa bo 5-na he a cha aw, a tahpa hra.


He CEM lapngiana apakhyna liana heta MDC zy nata Party la tawhta chhithatuhpazy, thatihbu chyhsazy hleikhota MDC staff zy ahlaopa ama hluh kaw. CEM thiehpa ta lapangiapa a cha khai tawhta ano Office Chamber cha a hmah pathaopa haw.

CEM thiehpa thatih chyupa:

CEM thiehpa Puhpa RT Zachono S/o Puhpa T. Hrilo(L) nata Pihno C. Deisa(L) he ko 1946 khata Amotla (Rawmibawk) liata pih ta, thaina lata M.A. (History), Gauhati University (1976)  a cha. Pihno S. Sari nata ko 1977 ta a hnei ei ta, sawchapaw 2 nata sawchano 2 hnei ei ta, ama sawchapaw pakha viapa deikua a daihti lei kawpa liata maniah a paha sai haw. A sawchapaw uhthei chaipa cha Isaac a chana hawhta Isaac Paw tahpa ta aw tyhpa a cha. Ko 1978 khata MLA a ei khana chata PC Party tawhta atly patlohpa cha ta; chana a vaw patu chiehpazy cha - M.L.A., Chairman (MADC), E.M.(MADC), President, MDCC(I), M.D.C. zy a cha.


He CEM thiehpa lapangiana apakhyna liana heta CEM chata a hrialah awpa E.M. pacharie moh phuahpa ta, cha nazy cha:

  1. N. Zakhai
  2. IP Junior
  3. K. Hrahmo
  4. M.H. Tiabi
  5. V. VB Byhna
  6. K. Chhuabei
  7. KH. Beihlo
  8. FC Lawmkima zy ama cha.

(Thatih lana: DIPR website)

MADC Chairman chata Puhpa Hiphei, Tipa II (Beivaih) biatuhpa hmiala a tly hawpa a cha.

Note: Thatih thlai vaw palasa thei leipa pita, pei eima tah kaw.

Comments (2)
  • Marasaw
    Thlaloh achhih kaw. CEM he a bia tyhpa liata thata party hropa ama tha vaw tlo ta, atako a vaw tloh heih theipa he lyy achhih kaw. Senior politician hro penawh tloh thei khao leipa ei ta, atlohpa hry liata sawkhana ataopa liata Puhpa RT Zachono nata Puhpa Hiphei zy ama ypa he a pha kaw. Sawkhana a vaw tao chiehpa party chahra ei sala chhithatuhpazy ama thla holo vata hnabeiseihna asah kawpa ta eima vaw sai aw. All the best to the new madc govt.
  • Anonymous
    Puhpa RT Zachono CEM chata lapangiapa nacha vata ei cha ly khei hmeisei. Khazopata cha y pasala byhna cha pi mawsy. EM chata lapangiapa nawchhao he ama pha kawsai. Khazopata byhna cha pi ei sy
Only registered users can write comments!
Last Updated ( Monday, 14 May 2012 09:35 )  

Maraland.net chhoh liata tluana

Elsadai Boys Hostel Shillong lia tao


Elsadai Boys Hostel at Nongshiliang, Shillong. Admission Open! Click here for more information!

Maraland on Facebook

Mara Gospel Music Video

Gospel Outreach Music Ministry




Maraland.Net

About Us
Contact Us
Company Info
Maraland Blog
Maraland

Mara History
Map of Maraland
Maraland at a Glance
Tourist Spots
Programs

Advertising
Partnerships
News Contribution
Article Competition
Help

How to Register
How to Comment
How to Submit News
How to Submit Link
Policy

Terms of Service
Privacy Policy
Copyright Notices
Comment Guidelines
© 2002 - 2013 Maraland.Net - The Home of Mara people on the Internet - All Rights Reserved
RSS Feed