AIZAWL, Pato 14 (DIPR) - Mizoram state chhoh liata Helicopter service a y thei n'awpa reipahmaona hneipa ta, atanoh khata Chief Minister Puhpa Lal Thanhawla zy chhaota ano office cabinet room liata sawkha hotuhpazy nama ama rei pahmaona liata Thlazoh (August) 2012 thla chhoh cheingei ta hma thei ba awpa ta hmah ama la.
He meeting heta Mizoram chhoh liata helicopter achona su, helipad a y chieha suzy nata su peimawh viapa hropazy a zydua 10 rachhoh helicopter service tao ta, atako Thlazoh (August) thlapa chhoh cheingei ta pathao hmapa chasala ama tah. He taona kyh liata hmo peimawhpa, tender cha May noh 10 pa khata papua hawpa a cha zie reih ei ta, June 11, 2012 taihta achhyna pangia awpa ta pahypa a cha.
Helicopter service he Mizoram liata daihti reipi tawhta tao awpa achhuah hawpa a cha tarawpa ta, Central sawkha la tawhta pasaina nata hmobyuh hropazy thlai ama hmo thei lei vata khodah hawhta a chatliepa ta ama siekhei thei leipa a cha.
Meeting liata heta Chief Secretary Puhpa Van Hela Pachuau, GAD Secretary Pihno Renu Sharma, Principal Consultant (GAD Civil Aviation Wing), Wing Comdr. (Rtd) Puhpa Lalzawma zy nata chyhsa peimawhpa hropazy ama hlao.
Source: DIPR website.
(Pawan Hans Dauphin Helicopters/Choppers - Dauphin SA-365N, left nata Dauphin AS365N3, right -zy. Dauphin he Mawrah liata a service awpa ta hnabeiseihpa a cha).
Baichhina: Eima pahno dah ta, he helipad thlai hma thei awpa 10 pazy liana heta Siaha cha a hlao hrata, Aizawl-Siaha Helicopter service he tlahlei ziahleipazy chata a phahnai hlei khota, aparaparo tita hma awpa a pha kawpa a cha.
Related:
- Mizoram lia Helipad 10 suzy pasia, Siaha ahlao hra
- Thla 3 khola Helicopter Service Mizoram lia a thei ba aw
-
|2012-05-15 11:28:39 StAma chhuahpa hawhta Thlazoh tawh cheingei ta service pathao ba ei sala kho achhih kaw tlai aw.
.
.
. 
