MADC liata E.M. nazy Porfolio zy Rai haw

E-mail Print PDF

SIAHA, Pato 15(Maraland.net) - MADC CEM Puhpa RT Zachono sawkhana chata Executive Member (E.M.) ta a phuahpazy cha atanoh khata MADC Tlyliah liata lapangiana apakhyna hneipa cha ta, cha liata Siaha D.C. Puhpa Kunal, IAS ta ama portfolio topazy ngachhina bietaina pahneisapa ta lapangia hawpa ama cha.


He apakhyna he MADC Secretary Puhpa FC Fachhai ta chhihtha ta, Rev. Ch. Chhama ta thlahchhana a hneipa ei.


(E.M. nazy lapangiana liata chhithatuhpa MADC Secretary Puhpa FC Fachhai)

(Rev. Ch. Chhama ta daihti a hma nopa)


E.M. nazy nata ama portfolio topazy cha ry liata palasapa haw heta a cha (Alphabetical order ta sopa a cha):


E.M. i/c Agriculture, etc: IP Junior, Saikao biatuhpa ngachhina bietaina a hnei nganopa.


EM i/c Education: N. Zakhai, Amobyu biatuhpa bietaina a hnei nopa

E.M. i/c Forest: KH Beihlo, Siaha South II Biatuhpa bietaina a hnei nganopa.

E.M. i/c Local Area Development (LAD), etc: K. Hrahmo, Chakhei biatuhpa bietaina a hnei nganopa.

E.M. i/c PHE, Social welfare, etc: V. VB. Byhna, Siaha South I Biatuhpa. Ano he Ryhpaoh leina vata a hlao vei.

E.M. i/c Public Works Department (PWD), etc: MH Tiabi, Chhaolo biatuhpa bietaina a hnei nganopa


E.M. i/c Revenue, etc: FC Lawmkima, Tipa I biatuhpa bietaina a hnei nganopa

E.M. i/c Rural Development (RD), etc: K. Chhuabei, Vahia biatuhpa bietaina a hnei nganopa.


(Pawpi ama hla nopa)

(CEM Puhpa RT Zachono biereina a hnei nopa)


(Pastor nazy: Rev. N.C. Vabeilua zy, Rev. Thylua Hlychho zy, Rev. Dr. M. Zakonia, etc zy ta alykheina chibai ama bu nopa)


(Achakuapa ti nata viachhazy a chhana liata raipa a cha)


Chana hropa atopazy:

Adviser to C.E.M. : LC Chasai, Siaha East II (Siahatlah Biatuhpa)

Chief Whip - F. Hrangchunga, Noh-aotla biatuhpa
Town Planning* (Chairman) - K. Pawhnie, Phura biatuhpa
Vice Planning Chairman: Beirahmo Syhly, Laty biatuhpa.

Update on 16th May 2012:
Atanoh khata Deputy Chairman atlyna hneipa cha ta, Puhpa L. Prisila, Zyhno biatuhpa a tlypa a cha.
Deputy Chairman: L. Prisila, Zyhno biatuhpa

Chhopasiana: * he post tao thiehpa a chapa ta pahnopa a cha. A sia viapa ta eima pahno tita eima vaw update heih aw.

Comments (16)
  • JK Chozah: College Vaih  - Alykheina....
    Abeipa ta bao ei sala adona nata siana chota, riethei hara dychhie pazy tovy dadopa pie chyu lyma thei ei sala...Abeipa a saohiana cho lyma ta hmiala pangai lyma aw pata khokheina sah chaipa ei hla ei...
  • ..............  - heh
    a chakhy da............... eima politician na hi ama serious lei hmi sai da...!!! a py thai achhua hla chyu su vyh!!!!!
  • ehe
    hm, khapa chamaw a chakhypa hawhta na pahno hra tly? na support pa party ama tloh leipa a lyu kaw. Kheitama a serious pazy ama y? Rei awpa na pahno vei khiah a chalih thlah tuala pha vei ma? :evil:
  • Jackson 5  - Ahawna
    Hmiala daihti liata Maraland.NET eima tly nota ama picture ry liata descritiption ay tyhpa kha user zy pita eima pahno thai kaw.
    Atahma liata nama vaw update pa la picture cho liata description tlao y ta, a confusing kaw...senior admin zy ta ama edit leipa alyu kaw...bah vaw update pathi teh u...
  • maraland.net
    Eima vaw taopathi haw. Nama comment zy he eima thohkhei kaw tyh. Eima cha ly.
  • Anonymous
    Leader phapa cha chyu awhpata ei kho kheina ei chahla ei. Leader phapa zy cha Rah chata ama hro api eita achah tacha amo zialeipata rah chata rai ama hria ty. ama sahpa zy chhao thata taota Leader ama cha tawta thata ama zao (thin)via. Leader phaleipa deikua cha
    Khapa hmata pacha leipata ama sah chhao Leader ama cha tawta ama thaw (fat) via.
  • maraland.net
    Update on 16th May: Deputy Chairman chata Puhpa L. Prisila, Zyhno biatuhpa atly patlohpa a cha.
  • Anonymous
    Eima rah chhithatuh penawh zy dua maw ama hmia tawta KUHVA ala kaw, ama hmao sai kaw saina..hehehe
  • Anonymous
    Eima chhituhpa nahzy he chyhsa pa deita ama cha hrapa vata thlah chha khei ly lia ei sih la, nie paru bawparu na tawhta ama bo thei nawpa nata ti nata rah chata ngahchhih pata ama hria thei nawpata khazohpa lata thaina, sona, novana, hnatlana zy etc. hia khei lyma chyu suh vy. Rei pachhie chakhy thla leipa ta, deichhy lyma hri suh vy.
  • marasatlia
    a lykhei a chhi kaw na..ra chhao a phata ama chhitha thei naw pata a beipata y pa eisala...a mo chata thla chha khei chyu su vy.....eima ra chata hnabeiseihna sa ngasa va ta eima mo pathli nga hla haa..............

  • Laiu Fachhai
    Ei lykhei kaw sai ei. Ngachhihna, adona, tiamana, kyhpachana nata pathaihna zy ta eima rah maniah ama chhih thei nawpata thlahchha khei ei suh u.

    Bie azaopa: Ahy ma Opposition Leader cha tly i? Central nata State sawhkhazy tao dah zipa a cha khiahta cha Opposition Leader cha EM rank ta a sie hra awpa a cha.
  • Anonymous
    Opposition Leader he Puhpa K. Chiama a chapa ta ei pahno. Ei pahno chhei va tly ma!
  • Pahnopasiapa
    MADC liata Opposition Leader he Puhpa K. Chiama a cha. Acho liata achhy tuapa a reipa khi adopa a cha.
  • Analyzer  - MADC Post Election Result Analysis
    Post Election Result Analysis:
    1. Phusa 'Money Power' he ta, hmo vaw tao khai thei vei tapa MADC election result âlaichadaipa ta âlâ pasia kaw.
    2. Siaha Bia liata MDF/MNF candidate zy ta MDC seat ama hmô/tloh hlu via pa mopa he ta, hâkô MLA election tita Congress ta thapi ama phia vei khiatala Siaha Bia he ama pahlei thei aw.
    3. Tipa Bia liata Congress candidate zy ta MDC seat ama hmô/tloh hlu via pa mopa he ta, hâkô MLA election tita MDF ta thapi ama phia leipa khiatala Tipa Bia he ama pahlei thei hra aw.
    4. MADC Election result mo pa ta, MDF party he achatlie ngâsâpa ta MNF nata ama hrialâhna pa he ama pachhâsa awpa abyu pata âlâ. MNF nata ama hriaparao rakha tawta leina lâ ama pangai. Mara râh politics liata ama sôh a tawtaw kaw ha bâ. Ama hriaparao lyma chy pa achâ khiata la, hâkô MLA âtly ti chhaota Tipa Bia he ama pahlei hlâ ha nata pangiasa âchhi. He he, khei hawpa party ahaona vata tlyma, achâ vata tlyma reipa châ vei.
    5. MADC nôpaw zy ta ama tloh thei n'awpa ta free and fair competition y khao lei ngâna taita sawkhâ rai hlupi hlâno tawta ama la typa na ta, ama Bia chysa zy ama khô typa he, Abeipa bie chakahpa achâpa vâ ta, Long-run liata la ama tla pyly, tlyuh vei ei. He he, Tisi , Thiahra-Rawmibaw, Chapi, Siaha Vaihpi, College Vaih, Meisa vaih, result tawta âlâpasia kaw. Atahma ta atlo thiepa zy he ta ama tao hra lei awpa na ta amâ vaih aw pa abyu kaw.

  • Facts
    @Analyzer, point sanona (2) liata na cha ropa khi ado leipa a lyu kaw. "Siaha Bia liata MDF/MNF candidate zy ta MDC seat ama hmô/tloh hlu via," na tahpa he hmo hluh via vei ei tahpa ei cha chho khoh. Siaha MLA bia liata MDC bia 11 y ta, INC ta Bia 6 liata tloh ei ta, MDF-MNF hriakhohpa ta bia 5 lia ama tlo. INC cha Bia kha ta ama hluh via. Last MLA election mopa ta he he ama pahnie dah rakhapa a lyu thlah haw. Ahlie kawpa la cha vei ei. Anodeikua, term a sie hapa liata nahta kho na pathlia khiah dei a nano thei aw. Moh hra tua:
    .
    INC ama tlohnazy:
    1. Chhaolo
    2. Nohaotla
    3. Siaha East II (Tisopi/Siahatla)
    4. Amotla/Rawmibawk
    5. Siaha South 1 (New Colony)
    6. Siaha South II (Council Vaih)
    .
    MDF-MNF ama tlohnazy:
    1. Siaha East I (New Siaha)
    2. Siaha North I (College Vaih I)
    3. Siaha North II (College Vaih II)
    4. Siaha West I (Vaihpi)
    5. Siaha West II (Meisavaih)
    Hmo hropa na reipazy khi na hmo dah asu kaw sai pata ei pahno. He point sanona dei he questionable a chapa ta ei pahno. Na vaw reih pasia thei aw ma?
  • Analyzer  - Response to Facts
    @Facts:
    MADC Election result chôchâh liata ei pachâna achyta eivaw palâsapa na vaw pahâkhei chieta ahmiatuata alyna bie eicha hlâ.
    Aw, keima thai leipa chhao achâ thei aw. Asianô viapa ta vaw palâsa leipa nata pachâthaina eicha hlâ.

    Reipasaiana achyta vaw hnei tua sa la eipachâna he eina hly khei chieta eipangiasa kaw.

    * Siaha MLA Bia eitapa he, eiza reichaipa cha, Siaha Khichhô (Urban Areas) eita napa tlao achâ hri.
    Siaha khichhô taw he ta Congress he bia 3 liata ngâlâ ama tloh cha zy cha;
    1. Siaha East II (Tisopi/Siahatla)
    2. Siaha South 1 (New Colony)
    3. Siaha South II (Council Vaih)

    MNF/MDF (Coordination) zy he ta Siaha khichhô liata bia 5 liata pahniena ama to;
    1. Siaha East I (New Siaha)
    2. Siaha North I (College Vaih I)
    3. Siaha North II (College Vaih II)
    4. Siaha West I (Vaihpi)
    5. Siaha West II (Meisavaih)

    * Tawtala, Siaha Khichhô liata Congress Vote hmô pa zydua he vote 3,623 châ ta, MNF/MDF (Coordination) zy he ta vote 3,930 hmô ei ta, cha leipa chhao ta, Siaha Bia MLA constituency pahly khaipa ta (both rural and urban) MNF/MDF (Coordination) zy ta, vote 7,066 hmô ei ta, Congress party vote hmôpa cha 6,735 châ ta, ama hmô chy viapa ta âlâ.
    He hmo zydua saipa ta la, Congress Party châ ta cha Alarming Trend achâ ta lei thei vana. Nama chhaota na py khei na chieta eipangiasa. Neutral kawpa ta analyze pa achâ.

    Mo hropa chhao ta nama hmôna dâh vaw thyu lyma hra ula apha kaw nata eipangiasa, râh hmasiepa zy liata cha he hawpa hmo he ama reipahmao typa achâ.
    Eichaly kaw @Facts
    Analyzer
Only registered users can write comments!
Last Updated ( Wednesday, 16 May 2012 07:57 )  

Maraland.net chhoh liata tluana

Elsadai Boys Hostel Shillong lia tao


Elsadai Boys Hostel at Nongshiliang, Shillong. Admission Open! Click here for more information!

Maraland on Facebook

Mara Gospel Music Video

Gospel Outreach Music Ministry




Maraland.Net

About Us
Contact Us
Company Info
Maraland Blog
Maraland

Mara History
Map of Maraland
Maraland at a Glance
Tourist Spots
Programs

Advertising
Partnerships
News Contribution
Article Competition
Help

How to Register
How to Comment
How to Submit News
How to Submit Link
Policy

Terms of Service
Privacy Policy
Copyright Notices
Comment Guidelines
© 2002 - 2013 Maraland.Net - The Home of Mara people on the Internet - All Rights Reserved
RSS Feed