Yangon, Chhiepa 1 (maraland.net) - Myanmar sawkha thiehpa chata ama rah pahy via lyma achhuah ei ta, ama rah angiapasaina (Visa) chhao ama rah angiana hawka liata la thei awpa ta rah hluhpi chata a pahy haw.
(Myanmar Visa a buakheipa agency sakha eVisa nah eih advertisement)
He Visa on arrival he atanoh Chhiepa(June) 1, 2012 tawhta hma pathao awpa ta ama official website liata tawh ei ta, visa chi thohzy a pahly. Chazy cha:
1). Business visa: US $50, Noh 70 (days) chhoh.
2). Entry Visa (Meetings, Workshops, events, etc): US $40, Noh 28 chhoh.
3).Transit Visa: US $20, dawh 24 chhoh.
Rah a pahlypazy: Brunei, Cambodia, Indonesia, Laos, Malaysia, the Philippines, Singapore, Thailand, Viet Nam, Australia, China, Denmark, France, Germany, India, Italy, Japan, Korea, New Zealand, Norway, Spain, Sweden, Switzerland, Taiwan, United Kingdom, United States of America.
Valid Passport hleikhota a rah chhoh tawhta hruana (invitation letter) zy hnei chhao a byuh hra. He he Myanmar rah chyhsa rah hrola ta ama y hluhchaina rah Australia, USA, Norway, UK nata EU rah hluhpizy a pahly vata ama rah la a rainao kawpa ta ama tly thei lyma ha ba aw, tahna chhao a cha. He heta Marasaw nata Chin chyhsa rah hrola ta a ypazy chata chhao hmo lyy chhih kawpa a cha.
Chahleikhota, eima hnohla kha President Puhpa Than Sein chhaota Myanmar chyhsa rah hrola ta a ypazy cha rah paduapathi awpa ta ama rah la kuata ama thainazy ama rah chata hma awpa ta hruana a tao haw hra ei.
Application form zy:
-
Download Business Visa Application Form
-
Download Entry Visa Application Form
-
Download Transit Visa Application Form
A chakhiecharie viapa ta official website liata mo theipa a cha.
Visit official website: www.mip.gov.mm
Related:
- Myanmar President asks overseas Burmese to return home - Bangkok Post
.
.
. 
