Kuala Lumpur, Chhiepa 24 (MCC/Maraland.net) - A ei khana chata Malaysia khihpi Kuala Lumpur liata Mara Music Video album thiehpa St. C. Toh Toh eih FOREIGN BAOCHALA tahpa Music Album cha hlaotloh kawpa ta 23rd June 2012 khata Shwepyitit Restaurant liata Malaysia Mara Committee (MCC) patohpatiana ry liata Chief Guest Pihno San San Aye ta a papua haw.
 |
| Zawpi hmiatlah lata atyuhpazy |
He music video papuana he Mara Comminity Committee(MCC) ta Organize pata Master of Ceremony chata Pupa Bike (MCC Secretary) ta chhitha ta Devotion chata Rev. C. Thaulei, MEC Pastor ta a hmah.
 |
| Master of Ceremony Puhpa Bike, MCC Secretary |
 |
| Rev. C. Thaulei, Malaysia MEC Pastor thlahchhana a hnei nopa |
Chief Guest chata hruapa Pino San San Aye (Mara) tawta DVD papuana (tlazawna) nata biereina a hnei. DVD Release khai tawta Chief Guest tawta St.C.Toh Toh hnota alykhei lyma chhao a piepa hra.
 |
| Chief Guest Pihno San San Aye bierei nopa |
 |
| Chief Guest ta DVD Album a pahy nopa |
 |
| Album Preview St. Tla U, MCC Vice Chairman ta hnei |
St.Tla U, MCC Vice Chairman tawta DVD mochhiliena (Preview) hnei ta, Chhokha tawta Puhpa Makau tawta alyna biereina hneita; MCC Chairman Puhpa Aung Shwe tawta biereina nata MCC tawta alykheina lyma St. C.Toh Toh hnota piepa a cha. Puhpa Khai U (Beizipaw), MCF Asst. Secretary thlachhana ta daihti pachhasapa a cha. He khai tawhta Pastor Mara Hrato, MCF Pastor thlachhana ta Zapati (Dinner) pahah kawpa zawpi chata pachhuapanohpa chhao nie khohpa a cha.
 |
| Pastor Mara Hrato, Malaysia MCF Pastor thlachhana |
 |
| St. C. Toh Toh hlasana a hnei nopa |
St. C.Toh Toh he Tisi khih, Nochhi Mara khihpa cha ta, Puhpa Chhapai (Lake) nata Pihno Ku Ki Saw pahraw (10) hry liata a seihnai chaipa chata, hlasana liata talent a hnei pha kawpa a cha. FOREIGN BAOCHALA DVD liata Hla he Pupa Simeona nata C.Toh Toh hla ropazy chata, a zydua hla 12 a y.
 |
| Thokha ta album thiehpa ama chalei nopa |
He DVD he RM 10/- ta zuapa chata ahyrai acha leikhopa mai arylata pala sawpa Contact no liata chalei theipa acha.
Ropaha Paw -016-3445562
Pupa Bike-017-6522752 ( MCC Secretary )
Pupa Bihlie 016-3878044 (MCC FinanceSec-)
Nohthlah hluhvia ary liata slideshow ta sopa a cha:
Slideshow ala thei vei khiah he liata click la nothlah zydua na hmo thei aw.
He music video album he na preview thei aw, ary liata:
Satlia C. Toh Toh ta 'Foreign baochala' tahpa music album thiehpa Mara reih cheingei ta a vaw papua theipa he eima ly hmeiseih. Eima rah chhoh tawh dei chaleipa ta rah hrola tawh chhaota Mara reih cheichalona kyh liata apeimawh kawpa music video album thiehpa a vaw papua theipa he eima lykhei hmeiseih. Chalei chyu suh vy. Su hrola tawhta chalei dah kha thlai vaw update eima chhuah aw.
-
|2012-06-25 05:48:43 AnonymousMara Tisi Satlia a vaw tao pha kaw na. Teaser video vaw upload thei u la nathlie byuh achhi kaw he zaw, a thei va tly ma?
-
|2012-06-25 23:49:39 Mara Satlia - Nataopha ngasaSatlia TOH TOH, nataopha ngasa. "Foreign baochala" tahpa Music Video Album nataopa he eicha ly khei ngasa. Na hla nata bie chhao thei byu achhi ngasa. Hmiala chhao vaw tiama via lyma la, marasaw hmia pachai tuhpa vaw cha lyma ma y. Na moh deikua C. TOH TOH na tahpa ta naropa hela apha tuhpa ta pahno va na. Chahrasa, arokha/ taokha tahpa la cha vei. Mara moh liata H nabaipa hela apha tuhpa ta pahno va na. keima mopakha hmona nata saina dah liata tla a cha. Atheisala St, To to Or Toto atahla apha kaw awh.
-
|2012-06-26 04:28:31 Mr. Moses C. Tehlo - Eima chaly khei kaw
Dear Toh Toh,
Eicha ly khei kaw. Abeipata byhna cha pi lyma maw sy!.
-
|2012-06-27 06:26:00 c.so chai-Nohro - kho khei naTO TO khazopa byhna nato phakaw.nahlasa pahe aphakawtaraw pata
Foreign baochala tapa hla atheipamai ama chhoso alipa hawta na ao
phana zyhe khazopa reithaina chata vawhma beila ngiapatu pazy
thlapala thaza alana acha hra awh.eicha lykaw.
-
|2012-07-02 13:34:31 Anonymous - CongratulationsHi ! Satlia Toh Toh
Khizaw Marasaw zydua nahthliethei awhpa ta Marahla phakawpa nata aongiangaita kawpa DVD na vawpapuatheina choliata alykheina asahchaipa ta eima chhokha nata vaizy vyupa ta reihthaina nata palyupalina eima chahnei. Foreign Bao chaola tapa bietlapi pa eivaw sai nata eipalo azalie hmeiseina ahlupi a y. He khizaw he la ngiakho a chhitiarah rai vy ! A kihleina nata atloleina rah dei achahmeisei tlai heza mawh ! Mara chi/pho palaiseisahna DVD Album hlupi taotheina nata hlaotlona Byhna cha nahno ta vawtlopha via rili mawh sy !
Alykheina chota,
.
.
. 
Na vaw tao pha kaw na. Ei cha lykhei hmeiseih. Video Quality nata Music chhao he apha kaw, standard a y kawpa ta ei pahno....He hawh tlai ta tao lalao tawh cha a chaleituhpa chata nathlie tlah (Standard hneipa) ta papua awpa tlai a cha.....Chata cha leipa ta Computer nata Keyboard saita tao ngala hla chypa Music nawh he la achha paro kaw ba....India la chhao miah vaw paphao hra mah y...
Na Unawh Khaitha(Forever Video & Photo)