Siaha, Chhiepa 26 (Maraland.net) - Mara Students' Organisation (MSO) Headquarters: Siaha chata atako ta Higher & Technical Entrance Exams nano nanopa IIT-JEE, AIEEE, nata State TEE liata atlohpazy palyupalihna cha zahnia tari 25.6.2012 khata MADC forest hall Siaha liata MADC CEM Puhpa RT Zachono khichhai laipa hmapa ta hneipa cha ta, Siaha D.C. Puhpa Alok Swarup, IAS nata DC parohpa Puhpa Kunal, IAS zy chhao ama hlao hra.
MSO HQ President Puhpa FC.Khihnia chhithana ry liata ahmapa cha ta, Rev. VL. Ngaia Hlychho, Executive Secretary(Edu.), ECM(H), Siaha ta daihti pavaosana thlachhana a hma.
Khichhai laipa Puhpa RT.Zachono, CEM, MADC ta hlaotlohna ahneipa siku hawti zy hno ta, alykheina bie nata pasyuna bie reina hnei ta, Mara rah hmi pangiatuhpa cha achhuahpa ta, atahma he hlaotlohna lapi liata nama kaw chhi awpa cha ta, paloh hnei kawpa ta achu pazao lyma awpa bietana a hnei hleikho ta, siku hati hrua-eihpa Don Bosco School nata Foxall Higher Secondary School hawti zy hnota pasyuna bie a reih hra. Sawkha rai liata angia awpa ngalah he atahma chhathiepa sawzy eima chhuah awpa cha leipa ta, niebaw tluana hropa la chhao mo eima padei abyuhna zie reihna a hnei. Siaha D.C. Puhpa Alok Swarup, IAS nata D.C. parohpa Puhpa Kunal, IAS zy chhaota pasyuna ama reih hra.
Puhpa N.Zakhai,EM(Edn.),MADC ta alyna bie chyusia kawpa a reih hra. MBBS liata atlohpa nata Engineering liata atlopa siku hawti zy hnota Incentive Cash Rs. 20000/- chyu raina daihti a hma pazi.
Marasaw Higher & Technical Entrance exam nano nanopa liata atlohpazy cha:
(Palyupalihpa student-zy nata MSO HQ chhithatuhpa thokhazy)
All India liata: Indian Institute of Technology (IIT)- Joint Entrance Exams liata:
118. KC. Zalena S/o KC. Laldusanga
Mizoram chhoh liata: State Higher & Technical Entrance Exams liata atlohpazy:
Medical category - Dawty achu awpazy:
Rank - Name of student - Father's name
11. Beimozachhi Hlychho s/o Pachi Hlychho
20. Meipaw Zatha Chozah s/o C. Thahe
26. Dinai Lalnghinglovi Solo d/o PS Mothy.
Engineering category liata:
2. KC.Zalena S/o KC. Laldusanga
10. Beimozachhi Hlychho S/o Pachi Hlychho
34. J. Joela S/o J. Rahnia
46. Israel Hlychho S/o Beithakhu Hlychho
86. Ng. Lalhmingmawia S/o Rev Ng.Lalthanngura
358. Allison Beialopha S/o Thaly T.Azyu
MADC CEM, Siaha D.C. parohpa, athiehpa, MADC EM(Edu.) zy chhaota
Source:
- MSO Headquarters official website - www.msosiaha.org
-
|2012-06-28 15:36:45 samuelkczaluaABEIPA CHA REITHAI PATA Y TLAI SALA,ABYHNA HLUVIA MARAHPA SAW ACHU HAIPA ZY CHO LATA VAWTLO VIA LYMA MAW SY..AMEN
-
|2012-06-29 09:23:46 Lt. Chozahaly a chhih ngasa, hlaotloh thpa zyhnota alyna thata nama cho liata eima cha hnei.....
St. Zalena nata St. Beimozachhi he Medical lia nata Engineering liata nama tlohkhoh thei hapa vata a eih via pata cha ly khei ei nata Kheihawpa la he ma nama pazao aw tahpa maniah pahnosa thei bei ula eima cha ly ngasa heih aw.....
.
.
. 
