Siaha, Chhiepa 28 (Maraland.net) - Gov't Higher Secondary School (GHSS) Siaha cha pachutuhpa adaih leina vata rairuna zako tawhta a vaw tyh pathao haw ei ta, atanoh taihta ama rairuna he pathlapa a cha lei vata hawtizy ta ama tao kaw. He vana heta GHSS Joint Action Committee paduapa chata thatih alapakhypazy apakyhna hnei ei ta, cha liata ama duasu ama reih pasia. Siaha Herald news ary liata reih la na pahno thei aw.
(Photo courtesy: Siaha herald website)
GHSS (JOINT ACTION COMMITTEE) SIAHA STUDENT zy TA, MIZORAM SAWKHA CHO LIA PALOTLAH VEIH
(Herald News): 25.6.2012 zala 1.00Pm la liana khata, Govt Higher Secondary School Joint Action Committee zy ta, GHSS New Siaha liata, Mara rah biethie lapahy tuhpazy thopi dolah kheina nata apakyna ama hnei.
He liana heta student zyta ama duasu reih pahalana nata hmo siezie ama reih laih lymana liata Geography teacher ama hnei leina chochah liata ama mo-ohziezy nata student zyta ama hmo ama sao hiapa Mizoram Sawkha ta june 30,2012 taihta hlaotlohna eima hmoleipa ta a cha khiata cha, abyuna hawhta hmalapa ta, Band /Exam Suspend awpa nata pahnona peimawhna siezie lyma hawhta hmala lyma awpa eima chhuah tahpa ta, ama reih.
GHSS Joint Action Committee ta a rei dah ta atako liata Lalchhuangliana ,Lectuer (Geo) he 14 Sept 2011 liana khata, GHSS Serchhip la pasie ha ei ta, atano taihna heta Hmangaikima cha avyupa ta sopa ykhao mah heileipa va ta, rairuna nata ama mo-oh ngasa hapa ama tyhna chochah reihna hnei ei ta, Student zy heta, ama mo-oh, palahana ama hnei laih lyma na liata Lecturer eima hneipha leipa vata nata eima Lecturer hnei chiepazy maniah pasie pakhai hapa vata, student zy ta eima subject chochah liana heta rairuna eima tyh ngahai tahpa ta ama reih.
Ama rei laih lymana liata atanoh taihna heta GHSS Siaha liata Teacher post siezie nata aruapa zie cha he hawhna heta reih ei ta,Geography liata Post-2 y ta, Mizo Subject post-2 liata post sakha a rua. Chemistry tearcher post 2 liata sakha arua heihra tahpa ta eima biedaona ta reih ta.Geography Subject liana heta student he 300 hlei tlaita eima yhai, tahpa ta rairuna hlupi eima tyh ngahai tahpa ta reih ama reih.
He vana heta, student zydua ta palotlah leina Zako la liana chhao khata, band hneipa avaw cha hahra, He chochah liana heta MSO(H)Siaha nata Principal chhao ta ei hlupi Mizoram sawkha hnota ama vaw tlokhei haw hra, anodeikua, Siaha DC nata PD, hmalana zawzi ta, 15 Sep 2011-2012 March thla taih ngalah temporary ta maniah kawsopa ei ta, he hnola liata Geo teacher hneikhao heih mapi tahpa ta ama reih, Student zy ta zako la tawhna khata, eima school liata pachu tuhpazy adaih leina vata, eima rairuna eima tyhna chochah liata, khapa hmata Mizoram sawkha tawhna heta,eima sao hiapa Lecturer : Maths, Chemistry . School Room, O cho ahlie hapa maintain awpa, nata ie-O, ete hlaotlohpa hmo awpa atano taihna heta kha hmata y mah veih tahpa ta eima rah biethie lapakhy tuhpazy hnota reih.
Source: Siaha Herald
Note: Biehneituhpazy ta a chatliena lata he school hawtizy rairuna ama tyh haipa he pathlapa ei sala kho achhih kaw aw.
-
|2012-06-28 08:54:50 Anonymous - apei ngasahaw....ahaw,haw,haw... tahma taihta pachutupaze ama hneipa cha marsaw khati ta mara rah tawta achuna thaina sohna le hmiatothe ta marland mopathasa thei rai aw,,,
-
|2012-06-28 13:00:07 vameisa - Ha..Ha..haMara saw zyta M.D.F liata eima vote kho thai lei pavata acha.
Congress sawkha na achha hla leita cha >>>>>>>>>>>>>>>>>
-
|2012-06-28 13:37:18 AnonymousKhia MDF vote sila pachutuhpa ema hnei thei aw tahna ma,.?narei chhei kaw na..!!!
-
|2012-06-28 13:42:50 AnonymousVameisa,narei chheida achie da cha,.!!MDF party heta mara rah cha khapa ma ahria papua.????
-
|2012-06-28 18:52:29 Marasaw - Apeikaw diaCongress Sawkhana thiehpa cha atahma taihta raihria ma vei ma? Khati tawhta ma raihria pathao ama chhua chhua tly i????????
.
.
. 
