Indianapolis, Khihpa 3 (Maraland.net) - Mara Community Committee (MCC) - USA ta a pachhuahpanoh tyhpa, a ei 3-na Mara Conference 2012 cha hlaotloh kawpa ta Indianapolis (Indy) khihpi, Indiana state liata 29th June - 2nd July khata hnei hawpa chata; he liana heta sapa nata thlahpa liata akaona hneipa chata, rah kyhpachana hla ataopasuanazy, pho la ataopasuanazy, Miss Mara USA (Under 18) zy chhao hneipapa a cha hra..
 |
| Zawpi thokhazy |
 |
| Conference Chairman Puhpa Sichho biereina |
 |
| USA MEC Pastor Cho U Hlychho devotion hneipa ta Khazohpa lata daihtizy pavaosana a hnei nopa |
 |
| Welcome Speech Puhpa Je Ru ta a hneinopa |
 |
| Rev. Sado, Myanmar tawhta special guest short speech a hnei nopa |
 |
| Day 1 - MCC USA Advisor Dr. Ngochole biereina a hnei nopa |
He Conference liana heta ryureinazy hnei ei ta, Sports lachhah chhao ataopasuanazy hneipa ei ta, Rah Kyhpachana Hlasa ta ataopasuana zy, Pho La ataopasuanazy, Miss apatlahnazy chhao hneipapa a cha.
Bie ama pathlupa liata ngiatlahpa sakha cha cha East Maraland liata Marapa chata Township sakha a y thei nawpa chata MCC-USA ta Executive Committee ta apha a tahpa hawta rah chhoh lata nopawzy nata hmahlana rai hriabapa chasala tahpa ta 'full support' ama piezy ama pathlupa he a cha. Abyuhna hawhta ama theina zydua hmapa ta bao awpa ta ama ma thlah zie ama reih.
He Conference liata main speakers zy he sapa lata Dr. Ngo Cho Le nata Puhpa Elaisa Vahnie zy cha ei ta, thlahpa lata nopawpa pastor nawhzy tawh chhaota pasyuna nata Khazohpa bie ama chahkheipazy nathliepa a cha hra.
Dr. Ngo Cho Le ta anoh pokha tawhta Marapa chata township hmo thei n'awpa chata hmah a lana nata a chakao nganazy reihpasiana a hneipa hra.
 |
| Day 2 - MCC-USA Advisor Puhpa Elaisa Vahnie tawhta bietana a hnei nopa |
June 30th zahta program pahyna chata bietana speech ahneituhpa Puhpa Elaisa Vahnie ta cha a eih viapa ta Ko 1988 tawhta athaopa ta Chin nata Mara chyhsa zy rahkhothola (foreign) puapa eima chapa he achhapa a y. Khazohpa pachhuapanohpa acha thlyu aw. Rah pha viapa rahthona liata khotalaina nata hmo taotheina (opportunity) eima hneipa hawta he opportunity he thaina-sona achuna nata Marapa hmasie viana nata cheihchalona ta he daihti he yzie hnei kawpa ta hma chyu ei sih, tahpata a reih. Khatinoraita eima Chi nata Pho, eima Rah nata Bao, eima Ti nata Tlah he my kha ei sih, tahpata pasyupalina bietana a hnei.
 |
| Puhpa Ngoletha, MCC-USA General Secretary Report apie nopa |
 |
| MCC-USA Finance Secretary Report apie nopa |
Miss Mara USA (MCC-USA) under 18 zy chata pachhuapanohpa chata, he liata Ls. Melori, North Carolina cha Miss Mara USA under 18 pakhana chata atlypa a cha.
 |
| Miss Mara USA (Under 18) Ls. Melori |
Miss Under 18 tahpa chhopasiana: Khizaw liata Miss apatlahnazy liata adahtlahpipa ta achhie chai ta ko 17 cha tyh ei ta, atloh leipazy cha 'under age' ama cha vata disqualify tyhpa ama cha vata nata Mara laihsa ko 17 atloh leipazy chhao ama hlao hra awpa ta patohpatiapa a chavata (Under 18) tahpa ta hmapa a cha. Hmiala laihsa pitlohpa ama hluh tita cha bracket liata sopa he byuh khao aw vei.
He pakhypi liana heta Worship programme pha kawpa taopa cha ta, pastor nawzy ta Khazohpa bie ama chahkhei:
 |
| Puhpa Laizama, Worship service chairman |
 |
| Praise & Worship led by Maryland MCC Youth |
 |
| Colorado Hlapy |
 |
| Rev. John Byna of North Carolina Khazohpa bie arei nopa |
He conference chhoh heta Ataopasuana nano nanopazy - Games & Sports hleikhota achuna lachhah hmasie via n'awpa Education lata hmalanazy, Literature nata Culture pabohsana chata hmalana zy nata la nano nanopazy chhao pamosapa ta lyy kawpa ta daihti hmapa a cha.
Lyma raina daihti chhao hmapa a cha:
 |
| Lyma raipazy |
Lymâ ama hmôna dâhzy:
1. Miss Mara USA (U-18): Miss Melory (North Carolina), Mara khih- Lelai
2. Mara châ ataopasuana:
(a). kô 18 chôlâ - 1st - Mase(Locheita), 2nd – Beizawzi (Hlômâ)
(b). Kô 18 ry - 1st - Vâpawse (Locheita), 2nd - Genesi(Locheita)
3. Pho Lâ ataopasuana: – Maryland
4. Râh hla arâpasuana: 1st – Valua (Georgia), 2nd – Beizawzi (Tennessee)
5. Volleyball ataopasuana: Women's 1st – Maryland, 2nd – North Carolina. Men's 1st – Indiana, 2nd – Maryland(B)
 |
| Women's Volleyball Best Player ta lyma a dao nopa |
Noh kha hlata daihti hluhvia ahmapa a cha vata thokha cha nothlah ta palasapa a cha. Ary liata nothlah hluhvia a y.
Abyuhna dah hawhta report nata nothlahzy chhao panano theipa a cha.
Related:
- U.S. Mara ei(3)na Conference Rôhna kawpa ta hmâh - Mara Student Association website
-
|2012-07-03 13:09:35 bolotaI feel so proud and thrill to see such beautiful contestants for mara miss. For others u may not be an ideal ones, but for me, indeed, you are. It's really heartening to see your unity and cooperation. Guys, keep it up. God bless....
-
|2012-07-03 13:17:34 C.Thlasa - Akao raohnaUSA Mara saw nama taopha ngasana.Mara saw akaoraona liata hmaesie lyma su vei.
-
|2012-07-03 14:38:10 AnonymousMara cha ataopasuana liata mase,vapawse,genesi zy he locheipi chaleipa eita locheita amacha hri....
-
|2012-07-03 15:04:17 Khizaw tlyhnyAly achhi kaw U.S. liata Mara saw zy daiti soh kaw he arohna hmeiseih.
He liata Marah cha atao pasua na liata laisa pa 2 pe nawh he
Locheipi cha vei,Locheita laisa tlao ama cha.
-
|2012-07-05 08:53:25 hum - BIUUnaw (locheita) ama ta hla khi maw...acho liakhi kawmo la chazy he ro bao.Napari hma ta naroh tlamaw hapa acha khia la cha ngia thai hla vapi y..lol
-
|2012-07-06 07:15:55 Khizaw tlyhnyHum- BIU
Na pahnosa kaw dia,Chysa uasa naho kaw, complaint ay vata ama edit pa he pahno va chi ma,news avaw post tuhpa hia hri bao.
nachhono chhibao ma cha...
-
|2012-07-06 05:44:12 AnonymousMara satlia maluh achytae zychha Eima hlu via awpa khohna vata Puhpa. Elaisa tahleipa Ei sila Satlia Elaisa Eima tahchyh aw so.
-
|2012-07-06 06:25:30 AnonymousMCC USA nama vaw tao pha kaw na. Khazohpa ta cha ypa ei sala hlaotlohna cha pie lyma mawh ei sy.
-
|2012-07-06 11:48:26 vanchawngUSA liata marasaw zy nama taopha ngasa.Nama tha thei pazy dua liata aly chhi chaipa cha Mara khipi chata abao pazy eima zao aw tapa he thahta mania apa lysah via pachai. Khazo pata nama chhuana zy pi chapatlo via lyma ei se.
Paw Vachhau
KL
-
|2012-07-06 16:03:21 Ct.Vabeihrau - MCC thei lâpaUSA.MCC nama taopha ngâsâna.Chi nahta Pho a cheih chalô tuhpa Marapa nama palâ sana zie he ei charei thai kaw y. Marapa yna su maih kaw liata Chi nahta Pho reikhi a khi leipa eima châpa chhaota Khazohpa a to taotuhpa chata Marapa he miah my cheita vei tahpa ei thlalôna chapa a cha.
A lykheina chôta
Pawhrau
KL,Malayisa
-
|2012-07-06 20:41:26 MarasawDear
Maraland.net he MCC-USA Center achaleipavata US liata 3rd Mara Conference Report talei awpata apha via.
-
|2012-07-07 02:56:07 AnonymousConference Chairman Puhpa Sichho biereina.. tah lei pata Conference Chairman'' Satlia''Sichho biereina.. eima takhia mara satlia malu eima hlu via hy ngu aw na.hahahha..............
-
|2012-07-07 03:38:35 fc beilotlah u.s - alynabieDear unawzy alynamavawpachhisakawna..namacharohpazy vawhmonata..anodeikuala eima uta achapa sichho nata eima uta achapa Elaisazy namavawtaopa he..pasasa achhikaw..keimahlata utheiviapa manachatly keimahlata aseiviapamanachatly?chapa hnovana..satlia amachapacha marapachinatapho Ta eima pahnohleikhota chin mophochhaota amavawpa hnohrapa acha..satlia tapata rohnga abaopatavawpahnovana..palopathainochota..na unawpa fcbeilotlah Dallas Tx
-
|2012-07-07 07:02:55 Mara Cha - Puhpa Vs SatliaChakhiah cha Mara cha athai viapa zy ta avaw thla bei u la pha vei ma...
Marapa ta eima hnei hmia tuapa MP cha Mr. Matlei (L) avaw cha. Laipa zy ta MP Mr. Lai U ama vaw hnei hra. 'Puhpa' Matlei, 'Puhpa' Lai U tahpata awpa he adopa a cha aw ma? 'Satlia' Sochho he ma ado viapa a cha aw? 'Puhpa' Scihho tahpata awpa he ado leina a y aw ma. Lapino ahnei hawpa dei hema Puhpa tahpata aw theipa a cha aw?
"Satlia", "Puhpa", "Utheipa", "Haotuhpa", "Zachhiehpa" tahpa hawrawzy he Marapa ta kheita e eima hma thai via aw?
nama pachana vaw rei pachhie tuah u, pahno byuh kaw.
-
|2012-07-07 10:06:33 Marapa, SiahaDyhcha maleipa Puhpa tahpa hmapa he asu leina y tiarah vei. Mizo nazy, Lai nazy chhao, English nazy chhaota Pu tahpa nata Mr. tahpazy he dyhcha mahleipazy awna chata ama hmah pyly hra. Satlia tahpa he cha dyhcha mahleipa ngala anua/dy viata, Puhpa tahpa deikua zana nata nohhah ataona ady via. Siaha liata MCS officer satlia ta a kaw y tyh penawh chhao he Tlangval tahpa ta ama thatih ro nota soh beih ma pi. Pu tahpa he eima so tyh. Marasaw novah leipa, a eihpachaipa ta Nochhi la Marasawzy chhao he hawhpa he hmah pathao lyma ba hra u la, taodah pha viapa a cha.
;
Sakha vaw reih via heih tua sa. Chin state liata Vytu Satlia MP a cha chiehpa Puhpa Lian Uk (Lai U) chhao he dyhcha mah leipa pyly a cha hra, Satlia acha vata Satlia Lai U tah awpa ta a hmie hra vei. India rah liata Prime Minister a vaw cha hawpa Puhpa Atal Bihari Vajpayee zy chhao he Satlia chataraw ta, Satlia tahpa ta Marasawzy ta aw byuh hra vei. Siaha kaw tlo sala a thatih newspaper liazy ropa chasala Puhpa Vajpayee eima tah hra aw, chavata, dyhcha mah leipazy Puhpa tahpa hmana he 'formal' kawpa hmo liata cha taodah pha viapa, eima hma lyma ba hra awpa a cha.
-
|2012-07-07 11:56:11 AnonymousAdo kaw. MCC USA senior advisor zy Chairman zy he satlia chahra ei sala ams py liata chana (position) patupazy pachapa ta satlia tahpa hlata Puhpa tahpa hmapa heta amo mopakha hlachhao ta py MCC USA zana a pamosa via hrih hra. News taotuhpazy nama tao thai kaw thlah ha. Bua nawpa y vei. Hmo phaviapa he zi lyma ei si e.
-
|2012-07-09 20:05:20 AnonymousDear, unawzy,pupa tahpanata satia tahpaliata buana eimahneirai awpa hmovana. Eimathaina nata Eimasonazyhe chysotopalysapata achhuaeisuvei...pahnohawpata tara ruapahe apimawchaipa acha.namapokha tawta chanarotypachhao adopasai tahpata hmata pachatlahmaw liachi. reply tao awpahlupi eimachahnei.chahrasala narikhona nata nasikheikhonada eimapahnohawpavata reply chhaochataomapi.tawla hiahripasia awpanata pahnopasia awpa nakhokhiacha realname dopataeta chavawrola kypachanachotanata saihinachota eimapahnonarakhata eimachhopasia awh.chavata pahnoleipata ahiahripa laochhirawlawta,pahnopasiata maniaachhopasiapazy laochhirawlawta khazia ee Anonymous tahpata namo nabie. Anonymous tahpahawrawhe y zie ahneikawpa acha,Anonymous tahpata moh abierawchita reply taopatachachhopanawhe amakypachana alaikaweita.chavata nachhao keichhao Anonymous charopazyduahe 100%liata80% hehmochhipa achatahpa eimapahnoawpa abao.
-
|2012-07-10 13:32:58 Mara Cha - Puhpa Vs Satlia - Mara Cha - Puhpa Vs SatliaNama vaw reipa he ado hmeiseihpa a cha. Dyh a cha hawpa dei he Puhpa tahpata awpa vaw cha tlai ngyu vei. Puhpa Matlei (L) zy, Puhpa Lai U zy, Puhpa Atal Bihari Vajpayee zydua he puhpa tahpata eima aw hla ty he zaw!
Puhpa Elaisa chhao he mo thokha zy ta Saya, Salai, Satlia, Paw, Puhpa etc tapata aw tyh hra ei sala ano pohkha ta khapa hawrawh ama hmapa chhao ta apapeisa ngasa awpa ta pangiasa achhi vei. Ahmi viapa mo hawrawh deikua hma thai via awpa ta Marapa, a eih viapa ta mara thyutlia zy ta a chu lyma awpa hmo pha kawpa a cha hri ngyu aw.
Marasaw social thaina lia ta zy, thaisona lia ta zy, Mara cha roh thai viana lia ta zy byhna vaw to pha via lyma ty u!
.
.
. 
Dear USA Marasaw,
Nama hlu kawbana. Maraland liata nama thati eima vaw thei hei hlei khota, nama Photo zy eima vaw hmo thei hei pavata, eima lyna avaw ki ngasa hei na. Abeipa ta Byhna cha pie lai lyma maw ei sy!.
Mr. Moses C. Tehlo
Chennai