Siaha, Khihpa 3 (Vanglaini) - Siaha Gov't Higher Secondary School (GHSS) Joint Action Committee chhithahna ry liata, Siaha GHSS achuhaipazy chata sawkha liata ama palohtlah leina palasa n'awpa ta atako 1st term exam boycott ei ta, pachutuhpazy school kia awpa ama pakhapa hra.
(Photo courtesy: Siaha herald website)
Siaha GHSS student zy chata September 2011 khata ama Geography pachutuhpa cha su hrola transfer hapa cha ta, atanoh taihta Geography pachutuhpa hnei mah vei ei tahpa reih ei ta, pachutuhpa ama hnei leipa bie cha sawkha hnohta tlokhei tyh ei ta, chahrasala yzie a hnei leipa vata ama palohtlah leina ama palasa tahpa ta ama reih. Mathematics nata Chemistry pachutuhpa chhao ama hnei paki leipa ta reih ei ta, rairuna ama tyh haipa ta ama reihpa hra.
Hehawhta a cha nota Siaha GHS Principal Principal, Puhpa C. Hrangthuama chata zahnia khata Geography pachutuh thieh awpa Joseph VL Malsawma ta appointment letter acheipa ta rai a pazaopa ta a reih.
Source: Vanglaini Newspaper
-
|2012-07-04 14:37:50 bolIts shocking to hear such unwanted news. while the govt is emphasing about the need of improving our educational system, why they are neglecting. what an obdurate govt is.!
-
|2012-07-04 15:05:54 AnonymousMSO chhao ama reihkah vaw pathlie via hra ei sala, pressure tao via tua hra ei sala JAC na ngala mokhah leipa ta a pha kaw aw...
-
|2012-07-04 16:46:06 bosechA do kawna. He tlupo ta student na rairuna ama tyh nota MSO la tawhta hmalana reipa a y tu leipa he khaziama acha va tly? Eima rahchho liata a chu hai penawh zy he pacha peimaw awhpa ama peimawh hmeisei. Amo he eima rah siku moh apapha tuh awhpa zy cha tlo ei ta...
-
|2012-07-10 03:05:30 AnonymousPachutupa rairuna he GHSS siaha he eikha eima tyhna chaleipa ta,2004,2005,2006 rachho chhao kha Chemistry pachutuhpa rairuna vata MSO Hqtrs nata GHSS siaha MSO chhituhpa zy chhaota Meeting eikhazie leichama hneipa ta vaw y pita,Biehneituhpa zy ahmo pata hmalapa cha tyhta,chahrasala y zie hnei tyh leipata,rairuhna thata eima vaw tyh tyhpa acha.Tahmata Miss SuiSui Chemistry teacher he 2006 nota Education Minister akawtlo nota Class X1,X11(Sc)na zyta school uniform chhaota za 7;00Pm atlona liata ahmo pata eima hiapa acha.Student chhao hlu kaw tyhpita chahrasala pachutuhpa phapa eima hneileipa vata student zy athata rairuhna eima tyh tyhpa acha.Khasaw ta miarei leipa eita chavata atheina dah hawta teacher phapa eima hnei thei nawpata hmalapa chasala tahpa kho achhi kaw..
-
|2012-07-10 08:46:51 MarasawEima rah sawkhana thiepa cha khazia ma atahma taihta raihria pathao mah vei tly? "Better Maraland eima padua awh" tah tloh ei ta, he hawhta Pachutu ataihlei awhpa zy liana heta hma ama la lyma awhpa abyu kaw.
-
|2012-07-10 10:22:28 Marasaw 2Ado kaw. Anodeikua eima pahno awpa cha High School nata achola he cha Mizoram sawkha ry liata a ypa a cha. MADC ry liata a ypa cha vei. A cha leipa chhaota he kyh he MADC sawkha thiehpa chhaota hmah deikua ama la thei pyly hra. Zawpi patlohpa ama chana my leipa ta hezy chhao he buakhei palah lyma ei sala eima tah kaw tlai.
-
|2012-07-10 20:19:57 MarasawMarasaw2, High School nata acho he Mizoram sawkhana ry liata a y pa he chyhsa tota ama pahno khai thlaha awh. Atano keimo zy, nama zy Mizoram sawkhana liata bie eima reipa nata eima tlokheipa hlata la, Eima rah sawkhana asiekhei ngah penaw Nopaw zy he ama bie ama la via awhpa a cha. Chavata eima rah Sawkhana thiehpa ta Mararah apeimawhpa zy ama hria para lyma awhpa eima khopasana tlao a cha....
-
|2012-07-11 07:17:46 Marasaw3Achatlie thei chaina dah hawhta pachutuh peinazy he thlai vaw pabie para ei sala ama chata apha aw. Tawhta, Marasaw chathaipa eima y chheih thlah vata, keimo Marasaw cheingei maniah pabiepa tua ei sa. Eina ai ngasa ei.
DEO office tlyhmia he picketing tao n'awpa pha kaw vei ma?
.
.
. 
