Siaha, Khihpa 10 (DIPR/Maraland.net) - Puhpa Alok Swarup IAS, Deputy Commissioner (D.C), Siaha district chata a office chamber liata Press Meet a eikhana chata atanoh dawh 10:00AM khata a aw.
Puhpa Alok chata Siaha district liata June 14 tawhta dei ta a vaw y pathao tarawpa ta angia aryh hma zie reih ta, Siaha district hmasie n'awpa ta thapi phiata rai hria a chhuahzie a reih.
Puhpa Alok chata Siaha district chhoh liata Centrally Sponsored Schemes (CSS) ry liata hmasiena raihria nano nanopa siekhei haipazy cha pazao lyma awpa a chazie reih ta, rai pitlohpa nata reithaitlahpa hria awpa ta cha chahlochahla parei byuhta, monitoring works cha a papeimawhsa chai awpa hmo a chapa ta a reih. A rei laih lymana liata Puhpa Alok chata District Civil Hospital sa pathipazy, asiepahliena nata bie achhopahliena phapa nata phapa taopazy, thyutliazy talent thyupapua n'awpa ta Games & Sports liata achhuanohna phapa taopazy a papeimawhsa tua awpa a chazie a reihpapuapa hra.
Siaha D.C. Puhpa Alok Swarup chata a ei khana chata thatih lapakhypazy nata apakyhna daihti pha kawpa ama hnei theipa cha lyy achhih zie reih ta, Siaha District, MJA zy cha charopa lia ngalah cha leipa ta, tha nata zah; theina zydua hmapa ta Siaha District nata a chhoh liata pahrapa chyhsazy chakao tyhpa ama cha, tahpa ama vaw pahno tyhpa chhao a reih. MJA, Siaha District zy cha Siaha District chata a chakaona liata deichhy awpa nata mopasia tyh hra awpa ta a hruapa hra ei.
He Press Meet liana heta Puhpa Alok chata ano thatih tlahpipa reipapuana hneipa ta, ano he DANICS (Delhi and Andaman & Nicobar Island Civil Services) 1982 Batch tawhta ko 2001 khata IAS lata promote pa cha ta, Delhi liata ko 30 chhoh Department nano nanopa liata rai a hria khai tawhta, Siaha D.C. awpa ta a kaw siepa he Delhi khothola ta a ei kha pua tuana awpa cha ta, a thathyu kaw, tahpa ta a reih.
Source: DIPR Mizoram
.
.
. 
