SIAHA, Khihpa 29 (Maraland.net) - Chhaolo khihpa Puhpa B. Siatha (Thatha), Pakhynoh(Wed), 26th July 2012 ta a yna pahno khao leipa ta a ypa, khihsaw nata achheipa liata a ypazy ta ama tlua haipa cha atanoh, Pahanoh(Sun) 29th July 2012 khata Iana khih liata hmo hawpa a cha.
(Puhpa Siatha hmona khih Iana nata a lei tuana khih Chhaolo zy Google map liata a la dah)
Puhpa Thatha he a lapi saw chhaopa chata, atanoh khata ano khota Iana khih liata a vaw pua thlah hapa ta biedaona ta a reih. Bie daona ta a rei dah ta Puhpa Thatha he chyhsa pano (lyurahhripa ama cha awpa ta pangiasapa) zy ta ama chhipa hawhta a rei, tah ei ta; a za khana kha lokah liata ama rie thlahpa ta reih ta, za nozy deikua ama yna a pahno pasia leipa hawhta biedaona ta a reih.
Puhpa Thatha he Pakhynoh(Wed), 26th July khata rah akhiepa cha a vaw di khao leipa ta, a chhochao niena nata a pheihniezy cha atluapazy ta hmo taraw eita, ano pohpa he ama hmo thei leipa a cha.
Khihchhoh lata a vyna khih Iana khih he Chhaolo tawhta ahnia kawpa cha leipa ta, Chhaolo nata Siata khih lihkawh Beino chavah a za hnia kawpa khih a cha.
Awnanopazy thlahchha kheina zawzi ta atlahboh kawpa ta hmo hawpa a cha vata ly achhih ngaita.
-
|2012-07-29 16:38:38 AnonymousAlypa cha kaw na. Abeipa ta sapa nata thlahpa liata tlahna kha pie mawh sy.
-
|2012-07-30 16:14:51 Moses B
Eima mara saw naw alei hawpa nawzy ei ma vaw hmo pakhua pa cha tha ta aly achhih kaw pa avawcha hmeisei.
-
|2012-07-30 16:50:56 maraland.net - PahnosanaComment angiacha lei kawpa vaw hmo pita, pei eima tah kaw. Angiacha lei kaw vata palasa mah khao lei awpa ta vaw tao pita, chahleikhota achhytuhpa hropazy comment chhao ano comment achhyna tla a cha vata a comment chaipa eima palasa khao lei vata yzie a hnei kaw lei vata cha nazy chhao cha palasa mah khao hra leipa a cha. He website paso kawpa ta a vaw hmah tyhpa zydua nama pachathaina ahaw pita, he eima palasa khaoleipa thatih he eima cha pahnosapa hra. Website liazy ta hmiala comment eima ro tita achuna chata hmah chyu suh vy. Eima cha ly kaw.
-
|2012-08-01 13:07:27 Khaihbieeima beipa khazohpa he apha tu haw, Ada vâta eima hrona he lyurâhhri pa ku chhôh lâta tlô haw hra eisila, Krista Zisu vâta Paw Khazohpa ku chhôh lâta, miah avaw tlôkhei haw, eiku tawta a hy hmâhta nachhu thei aw vei ei, atah pavâta Paw ThaTha chhao he Khazohpa kuchhôh liata avaw tlô pakhua haw, Abeipa moh he rôhnah via rili mawh sy, Amen.
.
.
. 
SOPAI