Aizawl, Thlazaoh 2 (DIPR/Maraland.net) - Mizoram state chhoh liata helicopter service nawpa chozah Chief Minister Puhpa Lal Thanhawla zy chhaota Legislative Assembly liata a office chamber liata reina liata Inaugural flight he August 14 pata hneipa cha aw ta, zawpizy chata service he Independence Day, August 15 a myla, August 16, 2012 tawhta athao awpa ta ama pathlu haw.
(Mizoram liata Helicopter a service awpa. Photo courtesy: Siaha herald website)
He meeting heta helicopter service pahyna inaugural flight cha atahma thlapa, Thlazoh(August) 14 my dawh 10 pata Aizawl liata Thuampui helipad liata pahyna apakhyna pachhohpa hneipa cha aw ta, cha tawh chata Lolei lata azaw aw ta, Kawmzawl Helipad liata adyna apakhyna pachhohpa hneipa cha awta, cha tawhta Aizawl Thuampui Helipad la he a vaw kua chy heih aw; a ei nona chata Thuampui helipad tawhta Champhai la a zaw heih aw ta, Aizawl la a vaw lie heih awpa ta pachhuapanohpa a cha.
Helicopter service he Pawan Hans Helicopter Ltd mohohna ry liata siekheipa chata; heliopter service awpa he 'Dauphin Helicopter', chyhsa 6 kia thei awpa chata; akia ma (flight fare) ha Meghalaya liata ama siekhei dah hawhta minute sakha (1) liata Rs.50 a cha aw.
Air FARE:
Atahma he azawtheina service n'awpa la (route) sachaki (9) pachhuapanohpa chata, Aizawl Thuampui tawhta ahlana dahzy nata flight fare zy ha he hawhta a cha:
- Aizawl - Siaha - 50 minutes - Rs.2500/-
- Aizawl - Lytai - 50 minutes - Rs.2500/-
- Aizawl - Champhai - 25 minutes - Rs.1250/-
- Aizawl - Khawzawl - 20 minutes - Rs.1000/-
- Aizawl - Lolei - 30 minutes - Rs.1500/-
- Aizawl - Kamalanagar - 45 minutes - Rs.2250/-
- Aizawl - Hnahthial - 30 minutes - Rs.1500/-
- Aizawl - Serchhip - 17 minutes - Rs.850/-
- Aizawl - Kolasib - 15 minutes - Rs.650/- zy liata a service tua awpa ta pachhuapanohpa a cha.
Monday to Saturday Service (Pahanoh service aw vei):
Hata ei kha liata ei 6 (charu) Pahanoh(Sunday) pahly leipa ta a service awpa ta pachhuapanohpa chata, Helicopter service he Thlazoh(August) 16, 2012 tawhta zawpizy hma thei awpa ta pachhuapanohpa a cha.
Hana O tawtawpa: Temporary Waiting Shed:
Tiket he DC office liata chalei thei awpa chata; helipad liata vaw mohpasia tyh awpa a ha. Abohna (safety) lachhah pacha peimawh chaipa a cha vata helipad to liata security duty nata fire service ama chiepa ta ama y ngathlah awpa a cha. Deputy Commissioner zy cha abyuhna liata hma awpa ta helipad kiahpa liata o tawtawpa chopper hana 'temporary waiting shed' ama pachhuapanoh awpa ta pahnosapa ama chapa hra.
Helicopter he mopakha ta hire tlyma, chartered thei awpa ta pachhuapanohna taopa chata, dawhkawh sakha liata Rs.70,000/- cha aw ta, minute 45 chhoh asaipa ta ha thei aw ta, cha khola cha minute 30 liata Rs.10,000/- chei a byuh aw.
(Mizoram CM Puhpa Lal Thanhawla chhaota Meeting ama hnei nopa)
He meeting liana heta Chief Secretary Puhpa Vanhela Pachuau, GAD Principal Secretary Pihno Renu Sharma, Civil Aviation Principal COnsultant, Wing Comdr(Rtd) Puhpa Lalzawma zy hleikhota member hropazy ama hlao hra.
With inputs from DIPR website
-
|2012-08-02 06:38:17 AnonymousPassenger 6 dei kia awpa ta ama tahpa he ly achhih kaw. Safety pachapa ta he hlata ahluh via he kia leipa ta y tlai awpa he a pha chai. Good move.
-
|2012-08-02 06:51:04 Forever - Alychhih kaw!!!!Eima rah liata Helicopter service ba awpa cha alychhih hmeiseih.
.
.
. 
