Aizawl, Thlazoh 7 (VLN/Maraland.net) - India Maw-Nochhi lâta ypa State sâpalih - Mizoram, Meghalaya, Assam nata Tripura liata ADC sâhrawh penawhzy cha State sawhkha siepahlie byuh khaoleipa ta Planning Commission tawhta Plan Sôh ama hmô bâ aw, tahpa ta Puhpa Hmunhre, Planning Board Vice Chairman, LADC ta a reih.
(MADC office building nata tlyhmia, Siaha, Maraland).
Puhpa Hmunhre ta he chôchâh liata a reihpazao laihna liata cha ADC nahzy ta 'Direct Funding' ama hmô thei n'awpa ta Planning Commission ta Puhpa BK Chaturvedi chhihthana ry liata Task Force member 25 yna padua ta, Member Secretary he Puhps Brahmo Chaudhury, Planning Adviser, Northeast a cha. He Task Force nahzy hmahlana nata ryhraona ama taopa cha Planning Commission liata pangia ha ei ta, Planning COmmission ryhraohna dah thiehpa hawhna heta ADC nahazy heta ama District Council chata plan budget tao aw ei ta, State Sawhkha siepahliepa ta tlyma, siepahlie byuh leipa ta tlyma Planning Commission liata ama pangia ba awpa a cha.
He Plan Budget ama taopa amopapa heta Planning Commission ta ADC nahzy cha heta Plan Sôh ama hmona zie awpa chyu ryhraohna avaw taopa tyh bâ ei awpa a cha.
Plan Sôh he State sawhkha siepahlie byuh khaoleipa ta ADC nahzy ta 12th Plan tawhta hma pathao ba awpa tahpa cha taraw ta, Sawhkha kô sie haipa 2012-2013 liata hma thei mahpa cha leipa ta, kô 2013-2014 ta hma pathao thei awpa hawhta hnabeiseihpa a chazie Puhpa Hmunhre heta a reihpa hra.
Planning Commission chhaota 12th Plan tawhta hma pathao bâ awpa ta apyh haw.
Plan liata ngalah dei cha leipa ta Non-Plan sôh liata chhao 'Direct Funding' ama hnei thei hra n'awpa ta ryhraohna pha viapa nata lâpi pha viapa tlua nga haipa cha hra ta, Puhpa Chidambaram, Union Finance Minister maniah pacha peimawh ta, hmahlana maniah hneikhei haipa vata eima hnabeiseihna chhao âsâh kawna tahpa ta Puhpa Hmunhre heta a reih hra.
Puhpa Hmunhre heta ADC nahzy ta Central Sawhkha hnohta Direct Funding ama vaw hiahpa he ala panano khohna chaleipa ta, hmo pha viapa nata chi hnohkhaw viapazy ta hmahsiena pha viapa ama hnei thei hra n'awpa ta hmahlapa ama cha zie reih ta, zawpi zydua ta 'direct funding' he ama pykhei chyu awpa ta a hruapa hra ei.
Maw-Nochhi liata state sâpalih liata ADC 10 y ta; Mizoram, Meghalaya nata Assam liazy ta sâthoh chyu y ta, Tripura liata sâkha a y.
Source: Vanglaini - 5.8.2012
Note: Atahma ta Plan Funds direct funding hma pathao awpa he State sapalihpa liata ADC zy dei pahly ta, Manipur liata a ypa ADC-zy pahly mah vei.
-
|2012-08-08 03:26:02 Anonymousnon-plan soh chhao direct ta hmopa heih ei sala direct funding cha a complete ha ba cha zaw. good news.
-
|2012-08-13 14:16:38 mr taokieAHMEISEIHPA KO TLO HA TUA BA SILA CHA TAWHTA AZO AWPA KHIA AZO LAI BA LA VA PI E.....VOTE TLUA NAWPA ACHA TLA MAW HEIH AW..M.L.A ELECTION AHNIA HA BA HEIH TLO TA....he liata pahnothai aru kawpa sakha cha.."ADC na zyta state sawkha siepahlie byu khao leipa ta plan soh hmo ba aw" ta tlo ei ta,ahmo chie ha ba pa eima cha tahna acha,,anodeikua cha Puhpa Hmunhre he ta,,Zawpi zy dua ta Direct funding he apykhei chyu awpa ta ahrua ei"tah thlah hei tlo ta a y zie cha,,hia awpa ama chhuah chy pa vata zawpi support na ama peimawpa cha hri vei ma.?.hmochie hapa liata zawpi support abyu khao hlei rai ma,,,,,?
.
.
. 
