Aizawl, Thlazoh 10 (Maraland.net) - Marasawzy hry liata Footballer alaluah kawpa Mizoram state ta football liata eima pachy kawpa Puhpa S. Malsawmtluanga (Mama) paw Puhpa S. Zathanga cha atanoh 10.8.2012, my dawh 11:00AM pa khata Cancer pasana vata Aizawl liata maniah a paha sai haw.
(Puhpa S. Malsawmtluanga nothlahpa. Photo courtesy: Zofooty.com)
A ri he Aizawl liata ama pahrana vaih Chhinga Vaih liata ri atyu kheipa cha aw ta, myla 11.08.2012 ta ri pasie awpa a cha.
Puhpa Malsawmtluanga Syuhlo (?) he Marapa sawzy hry liata Mizoram state chhoh liata football akhaih thai kawpa, a vaw laluah kawpa chata, ano he Mizoram state tawhta football player zy hry liata India rah liata club phapazy (Kingfisher East Bengal FC, etc) liazy ta akhaih tuapa nata Mizo sawzy chata lapi apahytuhpa hawhta pachapa a cha.
Puhpa Mama football liata ahlaotlohna he alykheina, pahnokheina nata palyupalihna chata Maraland Gospel Centenary Special Award 2007 chhao vaw pie hawpa a cha.
Puhpa Mama nata a chhohkhazy ama paw khongaitapa Puhpa S. Zathanga ta a daihti lei kawpa liata apaha thlahpa he eima taokhei hmeiseih. Thlachhana liata a thei suh vy.
Source: Chhana Renthlei at Chanchinthar FB group.
-
|2012-08-10 09:13:19 bosechCha a pei dah cha..RIP. Mâ chhie sa penaw chhôkha hnota Abeipa ta vâ thla lö na pa tlô sa mawsy...
-
|2012-08-12 10:32:07 AnonymousMama paw athina thatih lia cha A PAW nothla or chhokha nothla zy chha vaw soh hra ula. A paw nothla or chhokha nothla y vei khia soh leila lao pha via vei ma. Mama noy=thla nama so hla ha cha ahmie thaitu hra va.
-
|2012-08-12 11:17:10 Maraland.netHi, na reipa he ado kaw. Athei sala cha maniah apaha sai hapa Mama Paw nohthlah cheingei he palasa thei sila tahpa he keimo chhaota eima kho chaipa a cha hra. Anodeikua, eima hnei lei vata ano Mama nohthlahpa tla eima palasapa a cha. Nama pachana soh kawpazy nama vaw thyu tyh vata eima cha ly kaw. Machhie asapazy Khazohpa ta kha ypa mawh sy.
.
.
. 
