Pune, Thlazoh 12(Maraland.net) - Atahmahla he Assam state liata Muslim nata Assamese (Bodo) nazy buana vata nata Myanmar liata Muslim nazy ama taolapa hawhta baipa ta ama kholeina pamosapa ta Mumbai lia Muslim nah lapi achhih ei ta; Pune liata Northeast student zy cho liata ku ama pathla, Northeast chyhsa hrahro ama nuapa ta pahnopa a cha. Asohsi kaw awpa a byuh.
(Mumbai liata Muslim na ta he hmo vata ama kholeina ama palasana (protest) liata chyhsa 2 thi ei ta, chyhsa 20 hlei hmah ama hmo. Motor hluhpi ama parao)
Assam liata Muslim nata Assamese (Bodo, Non-Muslims) vata chyhsa hrona nata o nata lyu hluhpi arao haipa vata nata Myanmar rah Rakhine state (bordering Bangladesh) liata Rohingyu (Muslim) nazy buana vata ama palohtlah leipa ta India liata Muslim na thokha ta Northeast chyhsa hrahro he tah khoh kawpa ta diah ei ta, a eih pachaipa ta Mumbai liata lapi achhih ei ta, Pune liata Northeast student thokha nata rai hriapa thokhazy cho liata ku ama pathlapa ta pahnopa a cha.
Pune liata Kondhwa nata Pune College area liata a ypa Northeast chyhsa 10 rachhoh cha August 8 nata 9 khata Muslim nahzy ta ama cho liata ku ama pathlapa ta pahnopa a cha. He vana heta a eihpachaipa ta Pune liata a ypazy cha ama thlazoh ta, ama y pahah thai vei tahpa ta national newspaper zy ta ama reih.
Pune liata Mizo Students' Union President Jacob Khiangte ta Times of India newspaper a chho dah ta, amo py liata 50-60% percent student zy cha ama chipa vata college chhao kiah ngah vei ei. A eihpachaipa ta Kondhwa liata a ypazy cha ama o tawhta pua awpa chhao ngah vei ei a tah.
He buana vata biehneituhpazy la tawhta ama pasyuna cha, za dawh 7 khola kho pua lei awpa zy, chahleikhota pakha pano ta puapa hlata a zaw (group) ta pua awpazy ta ama chho.
Poona College liata ama Principal ta cha Northeast student zy he class kia mah khao lei chy awpa ta a chhopa hra ei.
Pune liana heta Northeast chyhsa ahluh via student chapa ta chyhsa 8,000 hlei ama y haipa ta Jacob heta a reihpa hra.
He chochah he Northeast Student leader nazy chhao ahmopakhy ei ta, abyuhna hawhta police na lazy chhao tlokhei eita, hmah ama la haino a cha.
Pune lia dei cha leipa ta Viarah liata a ypazy avai sila, asohsi chyu suh vy.
Related:
- Students from Northeast terrified a lot - Times of India
- Police Probe mystery attacks on Northeast students in Pune - Indian Express
- Six attacks on Manipuris, many from northeast choose to stay home - Economic Times
- Assam violence leaves Mumbai burning, 2 dead - Hindustan Times
- Rohingya People Flee Violence In Myanmar, Unwelcome In Bangladesh - International Business Times
-
|2012-08-13 05:34:20 AnonymousKhizaw ta a buakhei chaipa M nah hela noah ama chhi kaw tyh na. Marasawzy eima thlahchhana liata eima cha thei lyma. Abeipa ta cha vaih ei sala, cha ypa mawh ei sy.
-
|2012-08-13 16:36:57 Anonymous - Helpline for Northeast studentsMy Home India, an NGO in Pune, has started a helpline for students hailing from Northeast. Mayur Karjatkar, a volunteer from the organisation, said that students seeking help should contact the NGO on 9011017918.
-
|2012-08-14 13:03:03 Anonymouschahawpa thati cha avaw peimaw kawna. thlachhana liata ei ma pavao sa lyma aw...
-
|2012-08-15 15:42:51 Pawhlao - ApeimawAw..chatlaina College Student nazy ama palo atyma kaw tlai awna..He tawta buabana y leipata ama chuna zy palotla kawpata ama pazao hei theinawpa chata thlachha bao chyu su vy..
-
|2012-08-16 03:44:40 pawhmotu - apeimawkawAvaw peimawkaw tlaina..khazohpata chavaih maw ei se...Avaw vaih ngasa ha muh vy,,Thlachhana liata kha eima cha pavaosa lyma aw....
.
.
. 
