Delhi, Thlazoh 22(MCF Delhi/Maraland.net) - Tari noh 19th August, 2012 (Pahanoh) ta Holy Gospel Christian Church, Christian Colony, Patel Chest liata Mara Christian Fellowship, Delhi ta Hlabu Release cum Fresher’s Welcome Service cha MCF Chairman, St. Gospel Thalai Nôhro chhihthana ry liata hneipa châta, zâ lâ dawh 3:00 tawhta programme athaopa châta, dawh 5:00 pa liata daihti he pachhapa châta, Achhyna O tlyhmia liata refreshment pahah ngasapa niepa a châ. Apakhy theipa zie he chyhsa 47 ama châ.
 |
| Chairman nata zawpizy nohthlahpa |
 |
| MCF Delhi Chairman St. Gospel Thalai Nôhro, Chairman |
Daihti pathao nawpa ta Ls. Ngôrangia Solo ta Ephesi 5:19-20 “Reithaina hlazy, Khazohpa hlazy, thlahpa la hlazy ta a chho rairipata, Abeipa châta nama pathipalôh ta hla sapata tota tô teh u. Eima Beipa Zisu Krista mo ta Khazohpa, Paw tlai lana chata ato chôta alyna bi kha reih teh u.” tahpa bie reina ahnei khai tawhta Abeipa lâta eima daihti pavaosana thlahchhana ahnei.
 |
| Pathaotuhpa - Ls. Ngôrangia Solo |
St. Beimosia Lapi, MCF Secretary tawhta report na thliepa a châ.
 |
| St. Beimosia Lapi, MCF Delhi Secretary Report apie nopa |
MCF Advisor, St. F.C. Beirachhuady ta Hlabu release na nata Abeipa lâta hlâna ahnei tawhta, Hlabu achalei tuachaipa châpa ta, INR1000 ta maniah achaleipa, MCF Delhi mohta alyna bie eima reih hmeiseih.
 |
| St. F.C. Beirachhuady MCF Advisor ta Abeipa lâta Hlabu hlâna ahnei |
Fresher nahzy introduction:
 |
| Chano nahzy atyuna lata Freshers nahzy |
 |
| Chapawzy atyuna lata freshers nahzy |
 |
| St. Delson Nôtlia ta Freshers nahzy hnohta pasyuna bie arei ngahaino tahpa |
Freshers zy hnohta bietana chyupa rei awpa ta St. Delson Nôtlia hruapa châta, Fresher’s nahzy hnohta bietana pha ngasapa areina liata, “Self-discipline hnei awpa he achuhaipazy châta hmo peimawh chaipa a châ, paritheipa tawhta eima sohsi awpa peimawh ta , he liata eima zu na chhâpa chhao achu awpa vâta azupa eima châ, hmo hropa hlata eima chuna he papeimawhsa chaita, no. 1 liata soh ta, Khazohpa pahnona chôta eima chu awpa a châ. English he peimawh kaw ta, reih kah eima thai nawpa ta cha keimo nata keimo sai apakyh leipa ta, chi hro, pho hropa viasa phapa eimâ tao awpa a châ. Eima chhuahna asâh awpa châta, eima chhuahna asâh khia Khazohpa ta maniah bao awta, eima tlana chhao asâh aw.” tahpa ta areih.
 |
| Freshers nahzy chata thlahchhana hnei nopa |
Reithaina hlasana hnei awpa ta Ls. Steffi Khithie hruapa châta, reithaina hlasana ahnei khai tawhta thyuna sôhzy lapakhyna châta MCF Hlabu Nuby 37 na “Khazohpa ta einâ chhi tyh” tahpa eima zydua ta adua hmohta sana hneipa châta, St. Amon Khaimeihchhôh ta eima pasaina rakha ta eima thyuna sôh zy cha Abeipa lâ thlahchhâna ta maniah ahlapa pazi.
Bietana rei awpa ta MCF Advisor, St. F.C. Beirachhuady hruapa a châ. Bietana reihtuhpa ta, “Mara sawzy he ABEIPA ta kyh maniah pachâ ngaitakaw ta. Khizaw thaina eima chuna lia dei/ngâhlah heta châlei pata, sapa nata thlâhpa he asie pakaoh lyma awpa a châna hawhta atanoh he Delhi liata Mara saw zy hmathei awpa ta MCF Delhi chhihthatuhpa zy sie pahlie pata Mara & English Devotional Song book maniah vawpie hawta aly â chhih ngaitakaw. Delhi liata Mara saw achuhaipa zy he ABEIPA chi na chôta hmoto he eima tao lyma awpa ta eima pasyu khoh ngaitakaw. India râh khihpi chaipa liata a ypa eima châna hawhta sapa nata thlahpa liata India râh khôtho, râh chhôh liata khihpi hro lâta a y pa zy nata Mara râh chhôh liata a y pa zy châta amopâtlah châ awpa nata byhnâ châ awpa he achhuah chyu ei suh vy.” tahpa ta bietana pha ngasapa maniah achho. Daihti pachha nawpa ta MCF Hlabu Nuby 60 na “Hria lymâ teh, rietheina taih” tahpa sana hneipa châta, Paw thlahchhâna reina hneipa ta daihti pachhasapa a châ.
Achhachaina liata he programme hlaotloh thei nawpa ta maniah chhihthatuhpa nata byhnâ maniah pietuhpa eima Beipa Zisu Krista mohta alyna bie reih pita, Hlabu tao nawpa ta sôh lâta maniah baotuhpa – Machâ R.T. Zachônô, Machâ Hiphei, Puhpa Chabei Nôhro (N. Laithia & Sons), Puhpa N. Chhylai, Puhpa M.H. Tiabi nata Puhpa N. Pachhunga zy hnohta alyna bie eima reih hmeiseih. Chahleikhôta MCF Delhi member zydua chô liata alyna bie eima reih chanei, MCF Delhi thatlôna nata apahniena cha nâmo sahlaozy châ ei chita, he Hlabu hlaotlohna nata programme hlaotlohna chhao he nama deichhyna nata thlahchhâ kheina vâ a châ. ABEIPA ta byhnâ chapie ei se!
 |
| Zawpi ta Hlabu thiehpa chhaota group photo ama la |
He Hlabu liata hla a ypa zydua hla 200 a châ. He hawhta pachhaih pachhuahpa a châ - 1) Reithaina Hlazy - 100, 2) Thyutlia Hlazy - 50, 3) Krismas Hlazy - 25, 4) English Songs - 25. He Hlabu pachhuah panohna kyh liata MCF Delhi ta Hlabu Sub-Committee padua ta, Members zy cha – St. Gospel Thalai Nôhro, St. Beimosia Lapi, Ls. Louise B. Hlychho nata Ls. K. Nohnei zy raopa ama châ. Hlabu Sub-Committee Members zy chô liata MCF Delhi ta alyna bie reih hmeiseih ta, ama tha nah zô nata ama daihti sôh ngasapa zy aparua pata Hlabu pha ngasapa zy maniah ama pachhuah panoh theipa nata hmathei awpa ta adaihti ta liata ama patlô theipa he arôhnah tah pita eima ly hmeiseih.
Motto: In all your ways, acknowledge Him. Proverbs 3:6.
Nothlah hluh via ary liata slideshow ta sopa a cha.
Alai viapa mo khohpazy ta acho liata slideshow khi click pa ta mo theipa a cha.
-
|2012-08-23 08:38:16 TT Chhote - MCF Delhi Nama taopha ngasa..MCF Delhi, Marasaw su hrolata a y pa zy chata a mopatlah nama cha hmeihseih, Abeipa ta tha chapatlo via lyma ei sala, hmasienala pangai via lyma awpata khokheina eicha hla ei....
-
|2012-08-23 10:10:11 byhna soloMFC Delhi, lypa a cha kawna, beita byhna chapie ei sala cha chhitha lyma maw sy
-
|2012-08-23 12:07:58 Mr. Moses C. Tehlo - Eima chaly khei ngasa
Delhi, MCF, Abeipa ta Byhna chapie laily ma maw ei sy.. He hawpa Hlabu phangasapa nama vawhnei thei pavata, keimo chhao eima cha ly khei hmeiseih.
Mr. Moses C. Tehlo
Chairman
MCF, Chennai
-
|2012-08-23 12:52:53 MCF BangaloreMCF Delhi nama tao pha hmeiseih na. Abeipa ta he hlabu thiehpa hmapa heta tha cha patlo via rili mawh sy. Amopatlah nama cha kaw.
-
|2012-08-23 17:06:50 Mara fanKhizaw daihti pualei ngaitapa liana heta, namo Delhi MCF sahlao zydua saih u, he Hlabu hmahpa heta thlahpa la hro liata mohpavana nata laihseina nama hnei thei nawpata khokheina sah chaipa ei cha hla ei. .
God bless Delhi MCF
-
|2012-08-23 19:38:13 MCF Delhi - Alyna bie reinaNama comment pha ngasapa zy nata nama pasyuna bie pha ngasapa zy vawhmo pita nama zydua cho liata alyna bie eima reih hmeiseih. Eima chata thlah maniah nama chhana zy Abeipa ta chyh-ei ta tanoh Hlabu pha ngasapa zy hnei thei awpa duasu liata eima vawdua haw. Sapa nata thlahpa liata byhna zy eima dao via lyma thei nawpa ta eima chata thlah kha maniah nama vawchhapa via lyma awpata eima cha haw hmeiseih. Nama comment na zy nata nama pasyuna bie zy hmahpa ta Abeipa ta MCF Delhi he tha apatlo via lyma aw nata kha cha ei ngiapa.
Maraland.NET Admin nahzy cho liata MCF Delhi ta alyna bie eima reih hmeiseih, nama sie laih lyma nawpa liata Abeipa ta byhna chapie ei mawhsy!
-
|2012-08-23 19:43:10 MCF DelhiMCF Bangalore eima chaly ngasa ei. Abeipa ta byhna chapie ei sala, tha cha patlo mawhsy.
-
|2012-08-24 16:02:20 Meipaw Nahlie - Aly kheinaMCF Delhi khazo pata cha chhitha lyma ei sala byhna chapie via lyma ei mawhsy.Hnola daiti zy eina patheisa kaw . Atahma cha Christian Colony lia cheingei ta Achyna o phakawpa liata avaw pakhy pata Hlubu thiepa zy nama vaw release thei pa vata khazo pata MCF Delhi byhna apie hmeseih tapa pahno nata khazopa moh reithai pata y via lyma mawhsy.
-
|2012-08-27 08:32:29 Ngokhipipaw - AlykheinaMCF, Delhi cho liata Khazohpa ta anoh reithai, palyupalih n'awpa chata HlaBu phakawpa acha piepa va eita ei chaly khei hmeihseih tlai ei. ABEIPA reithaina ano nata akaona chata eima thathyuna nata eima thlahpa la liata eima laiseihna chata vaw cha tlai mawh sy. Nama taopha ngasa..
Ngokhipipaw
MCF,New Delhi
.
.
. 
