Malaysia liata Marasawzy sapa lata amohohna py ama hneipa peimawh kawpa Mara Community Committee (MCC) chata a ei khana chata 'Global Mara Seminar' cum Mara Concert cha Dih(Dec.) thlapa liata hnei awpa ta ama pachhuahpanoh nga hai. Ary liata MCC Chairman tawhta hruana he rei la asia viapa na pahno thei aw.
(Malaysia MCC pachhuapanohpa ta Rah hrola ta Music Video Album tuapa St. C. Toh Toh eih tlazawhna liata zawpizy CD ama chalei nopa)
Global Mara Seminar nata Mara Concert chata Hruana
Suto liata a y pa Unawzy,
Nama chareina suto liata Khazohpa ta ryhpao chaina lathloh liata chachhi laih mawh ei sy. Malaysia Mara Community Committee (MCC) hmah lapa ta Malaysia liata Global Mara Seminar Cum Mara Concert tao awhpata pachhuapanoh pa acha. He Seminar liata eima Mara Nopaw chai penawzy Paper Present awpa ta hruapa chata; Concert chata Hla sa thaipenaw chhao hruapa acha hra. Chavata suto liata a y pa Mara sawzydua aryla ta pala sawpa Noh nata daihti liata nama vaw hlao khai awhpata hruapa nama cha.
Malaysia tlopaki noh : 03rd Dec, 2012
Seminar noh : 05th -07th Dec, 2012
Asu : Kuala Lumpur, Malaysia
Paper Presentation chata hruapa Nopaw zy:
(01). Dr. Ngochole : Dah ryhpa ( Law)
(02). Dr. Sa Sa : Hnatlana nata achuna ( Health and Education)
(03). Dr. Hraki : Marapa nata Hmaseina ( Mara and Development)
(04). Rev. Dr. Laiu Fachhai : Mara pa chana ( Mara Identity )
(05). Dr. K. Beichhua : Mara pa nata Apokhana (Mara and Unity)
(06). Puhpa M. Vahnei : Marapa nata Politics
(07). Puhpa C. Samau : Mara Phopa ( Mara History)
(08). Rev. Victor Ve U : Mara Awnanopa nata Future
(09). St. Elaisa Vahnie : Mara pa nata Refugees
(10). Rev. C. Maiki : Mara Chano duahmo
(11). St. Valaitha Chozah : Chin Politics
(12). Puhpa Hiphei : Key Note
Hlasa thaipa zy:
(01). Puhpa John Beizachhi Phuto
(02). Ls. Vasty T. Azyu
He programme palasa chypa he abyuhna dah hawhta panano theipa a cha.
Mara rah khotho foreign liata tao tua chaipa Seminar nata Concert achavata ahlaotlo thei n'awpa ta Thlachha m'iah bao chyu mu vy.
Nama Unawpa,
Meipaw Aung Shwe
Chairman
Mara Community Committee
Malaysia
Note: Malaysia MCC ta he hawhpa seminar nata concert pachhuapanohna chah ama hneipa he lyy achhih hmeiseihpa ta pahno pita, rah hrola liata he hawhpa tao thei awpa duasu liata ama duapa he Maraland.net tawhta eima lykhei ngaita. A ei khana dei chata, a ei nona, ei thona, etc zy chhao ama tao pazao lyma awpa nahta hlaotlohna ama to lyma awpa ta eima khokheina asah chaipa eima hla.
-
|2012-09-02 03:24:04 NB.Sila - Aly achhih kaw diah!MCC ta akhainazy vaw tao lyma ta, atako 2012 ko tawta thata ahmasiena he avaw la hmeisei. Achhapa cha atahma Marapa Chipho pabosana chata he hawhpa Seminar ronah kawpa avaw patopaliata thata alyna hnei nata Marapa Future Lathloh chata thata ei thla ei na palohsa hmeisei hrapa a cha.
Chavata ei chahawkho ngaitapa ei cha... He Seminar nata azaopata ...
1. Nama patopatia thaona tawta Achhana tai zydua ahlaopapa ta Paper present naw zydua ama paka ta ama reipa tlai Global Mara zaw zydua ta hmothei thei thei kha hra awpa ta DVD ta tao thei awpa, 2. Nopaw nawh Paper Present zydua chabu ta papua thei awpa nata 3. St John Beizachhi nata Ls Vasty zy chhao he athei khia ta cha Mara Rahla VCD he Malaysia MCC tawta tlai ta vaw papuasa theipa ula ...
Global Mara zydua hnota tlazawh thei ula, Marapa ta ahneipa Library nata Online lia zydua ta a y khai haw khiata cha ... Marapa Future chata thata thlalohna mia apahneisa via aw tapa pachana ta ei cha hawpa ei a cha.
He nama Seminar chhao he thata ahlaokhoh hmeisei achhitlaina...tapa ta alyna bie hlana cho ta ...
Marapa thisa liata ..
NB.Sila
-
|2012-09-02 11:30:32 emon_maraserial No. 01. "Dah ryhpa" he pahno pasiapa eina byuh hmeihseih. Mara Customary Law aheipa la chha acha va ma i!
Serial No. 02 Marapa nata Hmaseina cha leipa ta, Mrapa nata Hmasiena tlao a cha hri.
-
|2012-09-03 07:59:24 AnonymousApha ngaita kaw dia. Hmiala nama tao heih tita field nano nanopa tawhta Mara saw expert eima hneipazy hrua pakawh via lymapa chasala apha hmeiseih aw. Nama vaw pathao awpa he eima ly kaw na.
-
|2012-09-03 15:00:54 MCC( Malaysia) - Alyna bi hlanaPaw Sicholai,Paw NB.Sila & Emon_mara
Nama Comment zy vawdao theipita thata eima ly hmeisei.Idea pha kaw pazy nata Mara cha eima rochhi patlei pazy mia nama vawchho thei vata eima ly hmeisei.Mania vawdychhei via mu vei.eima Seminar nata Concert ahlaotlo thei nawpata Thlachha thata eima ngia hmeisei.Namo zy Thlachhana eima bo hmeisei.
Alyna chota
MCC( Malaysia)
-
|2012-09-04 08:51:40 Anonymouscha rotita chysa pachhiepa hru awpa cha vei.eima phatheileipa kychhie nata thachhie eima reity tapahe pa hno mu vy.namo zyta he seminar he a hlao thei rima pa chatlo eichi va .Nama hneinata pha hra va nama thainata pha hra va nama reipa hlu cha khy khu vy.llao a thaopa y tana sa o eima kiathaitapa kha nano a va awpa a cha.apalai pate nata hma kha y.pahnoleipa chhao cha va eichi.rahropala thaina vata a ypa chhao cha hrava eichi hehawta pachhiepa hhu pa pata y ty kha y.
-
|2012-09-04 16:24:57 MarapaApha ngaita na. Marasawzy chata athohna vaw cha mawh sy. Vaw tao tua tlai teh u. Eima ly kaw.
-
|2012-09-09 02:40:42 Pha PhaNB.Sila he la pachana deina apie thai bao. Ano kuta, Practical ta ahria thaipa rairai y vei.
Whatever MCC nama tao pha kaw. Naw hrua hra muh vy
.
.
. 
MCC nama tao pha kaw. marapa mota, hmotaona, mai liata, mara pa saw nama vaw thei lyma awpa kho achhi kaw. marapa apalo achhi khiala, marapa he, byhna to thai aw mapi.