Yangon, Phiata 13 (Maraland.net) - Maraland Gospel Centenary byhna dao pazao lymapa ta, atliata liata khata Nochhi Marasaw University liata pachutuhpa pano (2) atloh thiehpazy eima hnei. Ama thatih ary liata asia viapa ta:
University pachutuh thiehpa panopazy cha:
1). St. Rachikhai, MA (History - Credit), Sabyhpi, ano he Taunggyi University, Shan State liata ahria aw.
2). St. K. Chhange, MA (Geography), Ngiaphiapi, ano he Min Kyina University, Kachin State liata ahria aw.
Puhpa Falau nata Pino Siva saw chapaw St. Rachikhai (Kuakua) BA.(Hons), MA(History - Credit), Sabyhpi, Matupi Township, Chin State nata St. Chhange BA(Q), MA(Geography), Ngiaphiapi, Thantlang Township, Chin State zy cha 9/9/2012 noh liata Myanmar sawkha ta University pachutuhpa châta rai a vaw pie haw ei.
St. Rachikhai (Kuakua) he M.A Thesis Title he "Mara Tribe in Myanmar" tahpa chhao a cha. Ko 2010-2011 Ministry of Education tawta "the Test of English as a Foreign Language for Advanced Studies (TEFAS) he 560 Marks a hmô.
University liata Pachutuhpa ta ama ngia dah:
Myanmar râh sawkha, Education Department ry liata University pachutuhpa rai pie awhpata 2012 liata Tutor nata Demonstrator post-zy rai pahy ta, Marasaw Master Degree a hmo chiepa pacharie (8) zy ta Written Exams pie hra ei ta, he liana heta St. Rachikhai BA (Hons); MA(Credit) (History) nata St. Chhange BA(Q); MA(Geography) zy hlao tlo kawpata ama vaw passed. Written Exam a passed zydua he Dated 8/6/2012 noh (Rangoon University, Higher Education Department, Lower Myanmar, Ministry of Education) liata Psycho Test nata Oral Test taopa heipa chata, St. Rachikhai nata St. Chhange he hlao tloh kawpa Psycho Test nata Oral Test chhao ama vaw passed haw. Data 9/9/2012 noh liata amo panoh tota Tutor raihriana appointment piepa ama cha haw.
St. Rachikhai he History Department, Taunggyi University, Shan State, Department of Higher Education, Ministry of Education, liata Tutor rai a vaw cha kao hai. St. Chhange he Geography Department, Min Kyina University, Kachin State, Higher Education Department, Ministry of Education liata Tutor rai a vaw hria haipa a cha.
Myanmar râh sawkha thiepa tah Myanmar râh Education pakiathysa via awpa a vaw chhua ta, 2012 liata appointment a piepa Tutors nata Demonstrators thiepa zydua 10/10/2012 tawta 9/11/2012 taihta Quality Upgrading training a vaw pie ei. Paw Rachikhai nata Paw Chhange chhao he tahma cha Mandalay University liata Quality Upgrading Training ama khia haina daiti a châ.
Myanmar rah University liazy ta pachutuhpazy chana ama pie dah:
Myanmara râh University pachutuhpazy post awna a chyta palasapa a cha, University, Institute of Technology zy liata pachutuhpa zydua he, Art nata Math pachutuhpa zydua Tutor tahpa awhpa a châ. Science pachutuhpa zydua Demonstrator tahpata awhpa a châ. Institute of Technology liata pachutuhpa zy cha Instructor tahpa ta awhpa a châ. Tutor, Demonstrator nata Instructor zydua he service a chy chaita kô (8) ama vaw hnei khai tawta angiana hawta Promotion piepa chata, a zydua ta Assistant Lecture tahpa awhpa a châ, Assistant Lecture he service Kô(5) a chy chaita ama vaw hnei khai tawta Promotion angiana hawta pie heipa chata Lecture tahpa awpa a châ. Lecture Associated Professor, Professor, Pro Rector, Rector tahpa promotion pie laipa a cha.
St. Kuakua nata St. Chhange zy eima lykhei hmeiseih. Ama rai hria laih lyma n'awpa liata Abeipa ta byhna pie ei sala, Marasawzy chata amopatlah ama lyma awpa nata a rah palohpalohpa chata byhna ama cha lyma awpa ta eima khokheina asah chaipa eima hla.
Contributed by St. Hliesa Khithie & St. NB Sila.
-
|2012-10-13 12:56:45 AnonymousThe pride of Maraland. Thatih thei khohchhih kawpa tlai na a cha. Abeipa ta byhna pie lyma mawh ei sy. Well done guys, you make us proud to be Mara saw!
-
|2012-10-13 17:05:35 Mara Hrato - mara satlia ei chareithaikawNochhi mara satlia K.Chha nge nata St.Rachhikhai zy Master course amapa tlo khai tawta university liata pachutupa amatlotheipa vata ei ly kaw hra.Mara pahe K`zopa angiapa pa eima chapa vata eima raihria na zy dualiata K`zopa nata asao hiapata vawhriapha khai myu vy tapata tha ei chapatlo kho pa cha.
Pastor Mara Hrato
USA
-
|2012-10-14 02:18:24 AnonymousAly achhih ngasa... ABEIPA ta he eima Unawh penawh he ama raihriana liata byhna pie mawh ei se.
-
|2012-10-15 10:26:46 YANGONER - Alyna bieMara saw tawta College pachutupa pano a thie ta ama vaw baichhipa theipa vata eima ly hmeisei. Graduate thiepazy chata pahyuna phapa nata amopa tla pha ngaitah kawhpa a cha. Thati nama vaw ro ti deikua khi mo he a do kawhpa ta ro u la a pha awh. Min Kyina chaleipa ta Myitkyina tlao a cha. A vaw rotu penaw he cha a thaipa pi sai ama cha tah rawpa ta khi mo chhao a dopa ta ama vaw ro thai lei vata pei eima tah hmeisei.
-
|2012-10-18 19:19:40 Cr.Elnunsanga Ela - Mara Tutor thiehpa zy hno ta aly na!To/.
Dear St. Rachikhai& St.K.Chhange,
Abeipa ta namo pa(2) cho liata byhna acha pie eipa he vaw pacha nata aly a chhih hmeisei.Tahma Mara Satlia namo pano zy he hawta nama vaw hlaotlona cho liata ei chaly khei hmeisei ei.Abeipa he Marasaw zy cho liata apha hmeisei.Ei cha palai khei kaw ei.Nama raihria chakaona lia zy ta Abeipa ta hlaotlona phapa cha pie via lyma maw ei sy.
Paw Ela
Tel Aviv,Israel.
.
.
. 
