DELHI: Mara Students’ Organisation Joint Headquarters: Delhi zy cha tari noh 10th Phiata, 2009 pa ta Freshers' meet cum General Election hlaotloh kawpa ta Maraland Idol 3-na chhaota ama hma.
Zawpi ta nothla lana hnei hainopa
First Session:
Mara sawzy achuna vâta zy, raihriana vâta zy nata hmo hrohriapa tao awpa vâta âtakô ta Delhi lâ â zu thiepazy âlypangiana nata kô 2009 – 2010 chhôh MSO Joint Hqrs: Delhi chhituh awpazy âtlyna University Evangelical Fellowship (UEF) Centre, Autram Lines, Delhi – 9 su liata hneipa a châ. Daihti ahmâna dâh he chhâ no(session sâ-2) ta pachhaipa a châ. Members deikua ama pangiasana hlâta pua chyh via ei ta, achhâpa cha Members thokhazy Delhi Bible Fellowship (DBF)- na zyta Puja Holiday chhôh châta ‘Bible Study Camp’ ama taopa liata â hlaopa ama y holo vâta a châ.
Stp. VL. Thakima Chozah, Chairman, beirei hainopa
Daihti chhâ khana he Stp. VL. Thakima Chozah ta a chhitha ei. Zâla daw 1:00 pm pa tawhta daihti he a hmâ pathaopa a châ. Daihti a hmâna dâh tlâhpipa cha he hawhta a châ. Daihti pathaona hla, (Hy Beipa Chonôchai eima chareithai) zawpi ta sana hneipa châ ta, Biehrai reina nata thlachhâna Stp. Vabeihmosa Hlychho ta a hnei pazaopa.
Stp. Ferdinand, Vice President, MSO Joint Hqrs Delhi, Members thiepazy alypangiana hnei hainopa
Stp. Ferdinand Nohro, Vice President, MSO Joint Hqrs: Delhi tawhta MSO Members thiepazy âlypangiana hnei ta, Members thiepazy hmia âpahnosana (Fresher’s introduction) Stp. Beipalaikhei Hlychho ta a vaw hneikhei pazaopa heih hra ei. Âtakô Marasaw Delhi lâ â zu thiepa he âtanoh liata a vaw hlao theipa he pahraw (10) ama châ. A vaw hlao leipazy chhao reipa pata pa- 16 rachho ama pha hawhta reipa a châ.
Delhi MSO Member thiepazy nata Chhituh paropa thokhazy
Spt. T. Beikhokhei ta members thiepazy vyupa ta biereina pha kawpa hnei ta, ano bie reikhai tawhta Stp. Gospel Chozah, General Secretary, MSO Joint Hqrs: Delhi tawhta Delhi MSO zy kô 2008- 2009 chhôh hmalana nata raihria tlâhpipazy zawpizy pahnosana a hnei heih hra.
Ls. Sida, Maraland Idol sâthôhna ta hla sana (Solo) hnei ta, zawpizy ama nathlie ai vei. Ls. Sida hlasa khai tawhta Ls. Christina V.T. Secy i/c. Finance cum Treasurer hno tawhta kô 2008 – 2009 chhôh liata financial report na nathlie pazaopa a cha heih hra.
Stp. Gospel Chozah, General Secretary,MSO Joint Hqrs Delhi, report-na pie hainopa
Ls. Pari Chozah, Mara chano hry tawhta hlasa thai mohpathapa eima hnei haipa Pihno K. Saidi sawchano ta hlasana hnei ta, zawpizy nathlie pha ama ta kaw. He khai tawhta Puhpa Tlualaisa, Advisor, MSO Joint Hqrs; Delhi ta âtanoh liata members âvy theipazy hnota pasyuna bie pha kawpa reina a hnei.
Stp. T. Beipaduakhei, members thiepazy vyuhpa ta bierei hainopa
Stp. Thaisa Jawhly ta âtakô liata Delhi MSO members zy hry tawhta ‘Degree’ (Graduate) patloh thiepazy hnota âlykheina Certificate hlâna a hnei. Âlykhiena Certificate ama piepazy he Ls. Christina V.T. nata Ls. Anju Byhnapaw zy ama châ. He khai tawhta Stp. Vabei Chozah, Maruti Suzuki Company, Gurgaon, liata Graduate Engineering Training, raihria haipa ta biereina pachhopa a hnei pazaopa hei hra.
Ls. Sida, Maraland Idol sathohna hlasa hainopa
Zawpi hlasana (mara sawzy laihna râhpha) hneipa châ ta, he khai tawhta Abeipa Thlachhâna hnei pazaopa ta daihti chhâ khana he zâla daw 3:45 pm liata pachhâpa châ ta, Refreshment pahâ kawpa niena hnei pazaopa a cha hra.
Ls. Christina VT, Secy ic Finance Cum Treasurer, report pie hainopa
Ls. Pari Chozah hlasa hainopa
Ls. Sida hlasa hainopa
Second Session:
Daitih chhânona he kô 2009 – 2010 chhôh MSO Joint Hqrs: Delhi chhituh awpazy âtlyna hneipa châ ta, zâla daw 4: 30 pm tawhta a hmâ pathaopa a cha heih hra. Stp. L. Amie ta daihti chhânona he a chhitha heih hra ei. Stp. Denish Solo, Chairman, Mara Christian Fellowship: Delhi ta daihti pathao nawpa ta thlachhâna a hnei.
Stp. L. Amie Delhi MSO Chhituh thiepa atlyna hneikhei hainopa
Delhi MSO Chhituhpa atlyna hneikhe tuhpazy
Daihti chhânona he chhituhpazy âtlyna dei cha leipa ta items chinano nanopazy nata hmâ pahlaopa a châ. Request –na nata Talent Show- na lâchhâh zyta daihti he zawpizy paly-pa-uasa thei chaina hawhta a hmâpa a châ.
Delhi MSO Joint Hqrs zyta Ls. Sida, Maraland Idol Sâthôhna hnota a talent pha kawpa a hneipa âlykheina nata a daihti so kawpazy paruapa ta ama hawnazy papeimawhsapa ta âtanoh MSO hmotaopa lia a vaw hlao theipa âlyna châta hmopiena hneipa a cha hra. Ls. Sida he a hla a sa thai hleikho ta hla phi thaipa ta, hla aoki chhao a tao thai kawpa a châ. Tahmâ Cassette/Music Vedio tao awpa ta âpatotia haino a chapa ta pahnopa a châ. Delhi MSO zyta eima palaikhei hmeiseina tahpa ta Delhi MSO chhituhpazy ta ama rei.
Delhi MSO Chhitu awpa ta atlypatloh thiepazy
Stp. Johna Beingachhi, Chairman, MCF, New Delhi, pasyuna nata byhna awna thlachhana DMSO chhituh thiepazy chata hnei hainopa
Delhi MSO chhituhpazy âtlyna liata Returning Officer he Stp. L. Amie châ ta, Recoerder châta Puhpa Tlualaisa a châ. Polling Officer he Stp. Denish Solo nata Stp. VL. Thakima Chozah ama cha hra.
Kô 2009 – 2010 chhôh Delhi MSO Joint Hqrs chhituh awpa ta âtlypatloh thiepa nazy cha ary liata palasapazy he ama châ.
President : Stp. Beipalaikhei Hlychho.
Vice President : Stp. Beiraduakhei Khuhly.
General Secretary : Stp. Ferdinand Nohro.
Assistant Secretary : Ls. Ngôrâzi.
Secy i/c. Finance : Ls. Christina V.T.
Secy i/c. Treasurer : Ls. Anju Byhnapaw.
Secy i/c Information &
Publicity : Stp. Vabeihmosa Hlychho.
Stp. Beipalaikhei Hlychho, President thiepa bierei hainopa
Stp. L. Amie, R.O., Ls. Sida hnota palyupalina hla hainopa
Stp. John Beingachhi, Chairman, Mara Christian Fellowship, New Delhi ta chhituh âtlythiepazy pasyuna nata byhna awna thlachhâna a hnei. Stp. Beipalaikhei Hlychho, President châta âtlypatloh thiepa ta biereina pachhopa hnei ta, he khai tawhta Ls. Sida ta hlasana a hnei hei hra.
Stp. Denish Solo ta alynabie reina (Vote of thanks) hnei ta, he khai tawhta zawpi ta Abeipa Thlachhâna reipa ta daihti pachhâsapa a châ.
Kô hrolâ ta ama vaw tao tyh dâh hawhta Kychhina Pati pahâ kawpa niepahmaona hneipa a châ.
Ls. Pari, Chozah, Ls. Sida, Maraland Idol sathohna nata Delhi Mara satlia panozy...!
Ls.Sida, Maraland Idol nata Delhi Mara Satliazy - Gospel (left) nata Palai (right).
-
|2009-10-12 13:47:06 Del-HyderabadDelhi MSO nama pa phasa hmi kaw sai na, y pa eina byu hra da.....All the very best to all the elected Leaders of MSO, Delhi and Mr Beipalaikhei in particular........
-
|2009-10-13 00:55:25 MSA - Eima chaly khei kawHi! Delhi MSO sahlao zydua,
Nâmâ hmâna programmes zydua ahlaotlo kawpa ta nama pachhâtheipa vata eima châ ly khei hmeiseih.Nama hmâna chhao apipaw kawpa ta vaw pahno pita ,he hawhta India rah capital a chapa Delhi liata apha kawpa nata ahlaotloh kawpa ta nama hmatheipa vata apatohpatia tuhpa nopawzy nata sahlao zydua hriapasana chhao he eima reihthai kaw.He hawhta hmiala kô liatazy chhao nama hlaotlo lyma sala,Marapa raihria liata chhao aronah viapa ta nama chakao thei lyma nawpa ta MSA thlah achha lyma.Namozy hlaotlona he eima zydua chata thazah chasala,marapa rai sôhpa hrianazy liata MSO nata MSAzy chata ahmahsiena vaw cha lyma mawhse!
Aly kheina chôta,
MSA
Centre,Yangon
-
|2009-10-13 00:57:19 Ex-memberDelhi MSO Jt. Hqrs. palohlie a vaw chhih hmeiseih. Nama taopha kaw. Maraland Idol 3-na a vaw tloh chiehpa Laihsa K. Sida zy chhao ta avaw hma ei chita, ...e....Satlia Vabei zy chhao a vaw hlao sy kha... nama hma pha kaw aw... y byuh achhih kaw hra ny... hlaotloh kawpa ta nama sie lyma awpa ta ei khokheina ei cha hla ei..
-
|2009-10-13 07:36:11 Anonymousenock-a sawchano louise kha achhelei kaw heidia.....
.....delhi MSO naw nama tao phako...............
-
|2009-10-13 17:44:47 bander - aly kheinamara saw na nama chhie lei kaw he,apa chai ta hnai2,anju,ovadi nata obedee nma chhie lei kaw ca vanama chi dala,anju khw ei ly khei kaw acakao na liata ei khokhei na asa chaipa ei hla pa hra
-
|2009-10-14 06:11:02 zezez - KHOKHEI
Ekhai! para Vacho va navaw chhi ngasa na. Chennai liata dosa a ba ta nanie na mia ama hia ngathla ha. Krossthangi_paw jy ama chava ngasa. Raha chho chhi la apasa ngakaw........
With love
Chennai-600 005
-
|2009-10-14 12:20:34 Anonymous - hmmmm from ex member to chennai mso
eeee satlia sai chennai mso eihmo natala raithli deina eipalo lai hla ty.. sihno vaw kua thai hei sala alyna raithli pai lei aw patlaita.. mso chennai chaw my veina.. kros engi paw jy, raha jy, obama, etc... eichava ngasa ha ei. For God and Maraland.
ovm street (punkcruiser thangih)
-
|2009-10-14 09:28:16 John AijolMr.Gospel Chozah,,,,,,,,,,,,MSO liata na hma ho tu ho....!!!!!!!!!!!!!!!!!! bt na daihti chho liata apha ko pata nama siekhei nata eipangiasa,,,,!!!!!!!!! Aijol Laisa nata na pic ama print nga ko ny,,,,,,,,,,,,,,,,,hehehe
-
|2009-10-14 09:31:29 NancyNama lyu khow va ch..na smart na dah h...!!! phahla ta raw ta perfect ah vei....but peivei angiathai thei....
-
|2009-10-14 13:59:46 Dawnga,kt - Congratulations!Delhi MSO chhithahtu pa zy, Congratulations! Be the change you want to see (MK Gandhi)....
-
|2009-10-16 10:20:58 Lai Lai - MSO Delhi ...Tla Maw Sy!MSO Delhi ...members nah zydua "SAMAW" ei cha hla ei...Chhihthatuh thiepazy chhao ei khokheina sah chaipa ei cha hla hra ei...Delhi liata MSO ko 11 tlai a vaw sie hapa he ei ly hmeiseih. Delhi liata MSO a dua nota members 15 rachho dei eima ypa kha, Abeipa chhihthana vata varo tlai nama vaw y ha hra ba.
India khihpi a chana hawhta, Delhi MSO zy ta achuna nata hmasiehna kyh liata hmia maniah chhihtha lyma mu vy. Eima rah asosahna nata eima culture pabohsana khy liata chhao atopi chai nama cha awpa ta ei cha khokhei ei.
MSO Delhi Tla Maw Sy !
-
|2009-10-20 07:57:22 jk Chozah - Good to hear the new things and new leaders of delGood to hear the good news of having a new leaders and new comers students', apart from ex- delhilites i always pray for the delhi MSO Joint Hqrs and MCF. I have been experiences that God always with the Delhi Marasaw, i believed that this is a good turn to God's way which we have been doing in our own way in MSO & MCF activities is a blessing towrds ourself. so lets keep it up.
God bless you all
.
.
. 
